حرام مستباح

البارت الثاني والعشرون

ملاحظه صغيرة قبل بداية البارت؛

سويت كروب بالأنستا خاص بالرواية واي معلومات او اسألة اجاوبكم هناك الي حابه تدخل خل ادزلي رسالة ☺️

__

كہلوٌلهہ،،افَرفح عَافية من اسمع بِـ طيفك جاي 🖤.

#حرام_مباح
#نسرين_الأسدي

_____________

ساره

بلعت ريگي والتفتت كملت حجيي وي حبوبتي سويت روحي ماشفته ولا اريد اشوفـه ..

كعد يمنـه وكال : ها شنو شو حته سلام ماتسلمين ..هيج عيشة الاغنيـاء غيرتج

: فليح اسكت عن اختك وروح ابوك هلمره تشوف شي مايعجبك

فلاح : وشمسويلها اني ياحبوبه هيه مطيـزتني عبالك ماتشوفني

ماجاوبناه وضلينه نسولف وهوا يحوم .. اعرف عنده شي .. بس غلست عنه .. تالي كال : هيي ساره ... قندره مو جاي احاجيج

ساره : من تخلي عندك اسلوب نفس الاوادم ارد عليك

عظ على اصبعه وكال بعصبية : هااا يمه وتكليلي جوز منها اذا هيه لسانها بطول النعال

اخذت نفس وجاوبته : هسه شكو شتريد مني لساني بطول النعال المن محاجيني؟

فلاح : لامج الكح... حاجيتج ..

استـغفرت ربي وسكتت ..
رجع كال : حبوبتي ماعدها علاج وانه شوفت عينج كاعد لا شغل ولا عمل انه متأكد عدج فلوس انطيني

: علاج حبوبتي اني اتكفل بي واجيبه الها وانت شكبرك بعد ماتدورلك شغـل وتعيش روحك

: شلون تريدني اطيح حضها .. عندج نعل انطيني يلااا

طلعت من جنطتي 25 وانطيتها اله وبكل صلافة سحب الـ25 الثانية البيدي واخذهن ثنينهن .. خلاهن بجيبه وكال :رجلج يعطس فلوس ومانه على اخوج بهل 50الف

راح لغرفته وانه مارديت عليّه ..رح يضل طول عمره نفس طبعه ومايتغير...

اتصل احمد وجاوبته : هلا حبيبي

احمد : ينـزاح كـل الـتعبَـ مـنَ حجاياتج الدافية

ساره : يارروحي اسم الله عليك من التعب

احمد : احبنج يـاشمعت عمـري .. اي اني جايلج بعد نص ساعه

ساره : تمام انتضـرك

سديت الخط وكمت عزلت البيت وغسلت الماعين .. وخلصت النص ساعه واجه احمد .. عقمت ايديه ولبست جفوف وكمامه ولنقاب .. وهوا من الباب سلم على حبوبتي

ردنه نصعد .. وطلع فلاح كال بأدب خلاني صافنه : ها شلونك يلنسيب

عڰد احمد حواجبه ورد : هلا
فتحلي باب السيارة وصعد سداه وصعد هوا ورفع ايده سلم على حبوبتي وشغل بسرعه. .