حرام مستباح

البارت العاشر

- اشياء كثيرة تحت عنوان
" وين چان عقلي "💔

#حرام_مباح

#نسرين_الأسدي

ـــــــــــــــــــــــــــــ

اصوات الصياح والعرك تتعاله ووصلت لمسامع الطفلة الي لابده وره الجرباية بالزاوية ومحتضنه رجليها لصدرها وتبجي بشهگات عالية وعيونها مليانه خوف ودموع ....

سمعت الصوت هدئ وبس صوت بجي امها يتعاله وهيه تندب حضها وشهكاتها لماهدت...

كامت بخطوات متراجفة وتمددت باوعت من جوه باب غرفتها شافت محد بالصالة. .. طلعت ووكفت بعيد ..شافت حالة امها الي تكسر الگلب شلون تبجي بقوه وايدها ملاينة دم ..

رجعت لغرفتها وسحبت التلفون ولأن جانت ذكية تتذكر شلون امها تطلع الرقم وتتصل بخالها وائل ..

داست وحطت التلفون ع اذنها سمعت الو,, كالت بطفولية وشهگات فطرت گلب لسمعها : خ..خالو امي امي

: شبيها امج بنيتي شنوو شصارر ليش تبجين

: ا..امي طل....طلع دمها ح...حتموت

اتخبل وهوا يستمع لكلمات الطفلة بسرعه كلالها : بابا اسمعيني اني قريب منكم بسرعه انتضري يم لباب فتحي الي ..

سد الاتصال وحرك سيارته وانطلق الهم وگلبه نار والف فكرة بباله شبيها ياسمين؟ وشنو سالفة الدم؟ وليش فروحة تبجي ...

وصل ولگا الباب مفتوح شوية وفرح محتضنه نفسها وكاعده بصف الباب گومها وكعد يمها وهوا يسألها : شبيج بابه وين ماما كوليلي ...

لزمت بيدها الصغيره اصابعه وخذته وراها... ووصلو وشافو ونصدم هوا وتفاجئ بمنضر ياسمين كدامة عيونها حمر دم وايدها مليانات دم وكلينكس وشعرها مخربط ..

ياسمين
انصدمت وانه اشوفن فرح لازمة ايد ...عمار...
وواكفه تباوعلي ...بسرعه ركضت للغرفة لبست لبس مستور وشالي وطلعت

كلالي بخوف ولهفة : ياسمين هاي شبيج ليش هيج خشمج ينزف بيج شي؟؟

: منو كلك تجي وتدخل هيج شنو انت متعرف الأدب!

: ياسمين شبيج مااعرف الادب شنو زغيرون كدامج؟ غير اتصلت فرح من تلفونج وسمعت بجيها وكالت ماما طلع دمها تخبلت واني جنت قريب منكم اجيت ..

باوعتله ودموعي نزلت لوحدهي شكد مااحاول اطلع عيوب بـ عمار علمود مااحب ولا اتعود ع قربة واهتمامه بيه يسوي افعال تخليني اتراجع بسرعه ...اتصال واحد من فرح اجه بسرعه وضرغام هه عافني وراح وماسئل حته!!

عمار : ياسمين شبيج؟ زين لبسي خل اخذج للمستشفى

بلعت ريكي ومسحت دموعي : لا ماكو داعي انه هسه اصير زينةة ..بس انت بس اتصلت فرح ماتوقعت تجذب عليڪ شي اجيت هيج بسرعه!