حرام مستباح

البارت العشرون

تعايشت مع الكتب فترة طويله لكن أجمل مجاز قرأته اليوم : كانوا يقتلون الشجرة ، لكي يصنعوا منها طاولة وكرسي .. وكانت التوابيت تنتظرهم إنتقاما لأمهم ! "

#حرام_مباح
#نسرين_الأسدي

_____________

ساره ..

ركبني احمد بالسيارة بالصدر وانه بالكوه امشي البدلة جبيره وانه مغطاية .. ركبت وقبل لا يسد الباب كال : حبيبي السيارة مضلله تكدرين ترفعين لكبوس وتباوعين.

هزيت راسي وهوا سد الباب .. رفعت راسي واشوف شكد ناسس نص لابسين عكول ودشاديش ونص قوط .. رمو وانه نزيت خرب حسيت انزرفت اذني.. هوسوله لاحمد وهوا يروحي ضحكته مافاركته ابد.. اجه فتح الباب وصعد يمي..

التفتلي ولزم ايدي رافعه لشفايفه باسها وكال بحب : الله لا يحرمني منج يشمعة عمري .. يحلمي الحلو لتحقق.. احبج

ابتسمتله ولزمت ايده واخذت نفس وكلت بهدوء : وانه احبك احمد ..

ضحك بفرحه وفتح الجامه وطلع سلاحه رمه طلقتين بالجو ..وصاح : فرحتي تضاعفت اليووم شبابب

سمعت صوت قريب عليه : ها كلولك الكلمة لمنتضررها مبروك ان شاءلله يوم جية شهوبي ..

احمد : اليوم لالك عبيس ونفرحلك ..

رجع سد الجامه وشغل اغنيه وهوا يردد وي كلماتهـا وحسيته طايره من الفرح .. وكلساع يلتفتلي وهوا يردد وي كلمات الاغنيه .. اندعيت بهلحضه الله يحفضه الي ومايحرمني منه ولا يشوفني يوم بي سوء ..

انت بكلبي وشاغل بالي ...انت الحب لغير حالي حبيتك اكثر من روحي ... واتخيل انت شكد غالي
بديت ارتاح نفسيـاً ... من حبك اجه بكلبـــي
ماعوفــك نهائيــاً ... غرامك نعمه من ربـي
احبك موت حاليـاً .. يضل للموت الك حبي
ترف حساس وحنين .. نسيت وياك كل تعبي

يغني وي الكلمات وكلساع يلتفتلي وجن كلمات الاغنيـة مكتوبه لحبنه ..

افترينه هواي بالسيارة وسيارات الزفة ورانه وبين ربع ساعه يوكفون السيارات ع الشارع العام وينزلون يهوسون حرفيا الاجواء كلش حلوه تخبل .. وصلنه للبيت ..ودخلني احمد وطلع .. الناس طشت

وانه ميته تعب ومتوتره كلش .. ياسمين والبنات يمي ضلو .. خالات احمد وعماته موجودين يعني بس الاقارب ..

همستلي مروه : ازايك ياعروس

ابتسمتلها : تمام

مروه : ممم سروش اكلج

ساره : كولي؟

مروه : منو ذيج البنيه؟

التفتت للمكان لتباوعله : هاي رؤى حماة ريام بس ليش؟

مروه : كبرر فد وحده خبيثه وشايله خشمها

ساره : ليش شسوتلج

مروه : شحدها تسويلي اشكها وصلتين .. ولج طول الحفله بالقاعه وهيه شايله خشمها وماتتحاجه هاي خطيه فروحه جاي تفتر وداست على حذاء الاميرة ديانا وضلت تحجي عليها ماعبالك طفلة وجع حتينه وجع وكضت كل الحفله مبوزه جنها بومة