حرام مستباح

الجزء الثاني 1

هلو حبايب واليوم رجعنالكم بأول بارت من رواية #حرام مباح الجزء الثاني ..

هذا الجزء رح يكون قصير .. مو احداث هواي .. بس ان شاء الله يعجبكم .. البطلات كلش فرحانات بتفاعلكم على الجزء الاول وتعليقاتكم الحلوه اللهن ..

وهسه اجن النه احداث جدد وحلوه وقوية ف قررنه نكتبهن الكم بجزء ثاني قصير ..

+التنزيل مامحددين شوكت وبعدنه ممكملين كتابت البارتات يعني تتحملونه ههه..

قراءه ممتعه..

ثم قالت له :
لا تكن خيبتي بعد كل هذا التباهي الذي تباهيته بك كن انتصاراتي ولا تكن هزائمي ♡.

#حرام_مباح_2
#نسرين_الاسدي

__________

ملاك

كعدت بالمطبخ بالكاع بعد ما صبيت المركة فوك التمن بالجدر والزلاطه وياها .. باوعتلها برغبه .. الله اكلتي المفضله بطريقتي المفضله ..بديت اكل واروجه تزحف يمي .. انطيتها الخاشوكة وكتلها

ملاك : اكلي يبعد امج .. همزين ابوج مو هنا جان اجه وصاح عليه ..

ضلت تطكطك بالجدر وتاخذ التمن وتمسح بي الكاع ..ضليت اكلب بالواتباد والأنستا ..خليت اللكمه بحلكي وسمعت عيطة زيد فزيت وشرڰت بالأكل ..

صاح زيد : الله الله .. ثول حته اكل ماتعرفين تاكلين .. وج هيي اتنفسي .. انطاني كلاص مي شربته وبعدني اكحكح.. راح جابلي خبزة شويه اكلتها يلا هديت ..

باوعتله وانه عيوني مدمعه : شبيكك كوول بشر جاي تاكل طبيت تصيح ادري جاي تعتقلني

زيد : وثول شكايلج اني؟ مو كتلج بطلي الاكل بهيج طريقة .. لا وهم مكعدة اريج تتعلم بابا مايصير

ملاك :شنو المايصير حبيبي ..جدر وخاشوكة قابل جاي اكل بكرك لو بسطل؟

زيد : والبيت لملاين مواعين وين نوديهن؟

ملاك : للخطار .. بعدين بهاي الطريقة تحس بالذة الاكل .. علمين اصير مثقفه واكل بهدوء هوا اني ببيتي ف اكل بطبيعتي

زيد : رايح اسبح وانزل اذا اجيت ولكيت حباية تمن بالكاع لتكولين

راح واني ضليت أتأفأف شلت اريج غسلتلها وخليتها بالحجلة يمي حميت الغده وصبيته بمواعين واباوع للجدر رح ابجي افف .. يلا اروح لاهلي واكل براحتي ..

صبيت بالمواعين وخليته على الطاولة ..اجت خالة من المدرسة وصعدت همين تغسل وتبدل .. كملت كلشي وصحت للحجية جانت كاعدة بالصالة هاليام مريضه ومالها خلك ..

نزلو زيد وخالة.. بدينه ناكل واروجه تلعب يمنه.. واحنه جاي ناكل دخل عمو .. كلنه تفاجئة من جيته .. هذا وقت ليرجع بي للبيت بس شعجب ماراح يم ياسمين؟