حرام مستباح

البارت الأول

عندما تقرأ
حروفي ....
ضع كل افكارك جانبا وانسى العالم
وتجول معى بين
أزقة كلماتي
ففي كل زقاق
روايه......
وهمسه رقيقه
وحكايه
وكل كلمه ستكون كفيلة...
بان تزرع في قلبك بستان ياسمين
وتمطرك سحائب حب وشوق
وحنين..

***

#حرام_مباح
#نسرين_الأسدي

______

ياسمين : ڪاعدة ومخليه بنتي بحضني والوليلها حته تنام ..وهي فاتحة عيونها تباوع الي وتكول ماما..وكلمات ثانية ما مفهومة جنت فرحانة بكلماتها القليلة الي تكولها
هي هسة دخلت بالسنة الثانية بس الدكتور كال عدها تآخير بالنطق
جنت احاول ابين انه مو زعلانه بس گلبي جان موجر اريد اعرف شنو أخبار وسام ووين هو هسة ..من اول امس ماكو اي خبر عنه ولا اي اتصال

شوية واسمع صوت مرت اخوي منار ..اجت عليه وحجت بصوت عالي : شنو ست ياسمين انتي وبنتج مقيمات هنا ..ليش مترجعين لبيتكم شنو زوجج ميسأل عليجن؟

ياسمين : وسام ما موجود وما عندي اي خبر عنه من اول امس ولهلسبب انه اجيت هنا لأن اخاف وحدي منطقتنه كلها حرامية وناس عدها سوابق وانه خفت يصير شي الي لو لبنتي

منار : وهسة اخوج طلع من الصبح يدور على زوجج العزيز ولسه مارجع بلكي صارله شي انتي وبنتج تفيدني؟ ..وجهالي منو الهم ..انتي شكد انانية متفكرين بس بنفسج

ياسمين : نزلت عيوني وڪلت : لا ان شاء الله وائل مبيه شي وهسة يرجع

منار بصياح : اتمنه هالشي لأن لو لا سامح الله وصار والله متلومين الا نفسج فاهمة؟ ؟

ياسمين : صار العصر ولهسة وائل ماكو گلبي انقبض وخفت اڪثر جنت بهم وسام وهسة وائل ..ياربي دخيلك رجعلي اخوي سالم ..مالي غيره

باوعت واشوف ابن اخوي فهد اجه يرڪض كال : عمة اجه بابا ويصيحلج

خليت فروحة بفراشها ونزلت بسرعة ..

شفت وائل ضايج وحالته حالة ..تقربت عليه وكتله بخوف : ها خوية ..ڪلي لڪيته؟

نزل راسه وكال : البقية بحياتج ياسمين ..لكينه وسام غرڪان وميت ..كل الي جانو وياه ميتين ..محد ڪدر يطلعهم ..واليوم الغواصين من الصبح دوروا وتوهم يلا لڪوهم ..

صحت ولطمت على خدودي ..وردد : ليش عفتني وسام ..فرح منو الها ..بعدها محتاجتك ..وانه هم احتاجك ..

دفنوا وسوو الفاتحة اله وللشباب الي جانو وياه ومحد من اهله اجه ..وسام ما جان الأبن والأخ الي الكل يريده وسام جان عاق وعنده هواي سوالف مو زينة خلت اهله يتخلون عنه ويتبرون منه
بعد زواجنة بشهرين بس
طردونه وخلاني ابيت اخوي لحد ما يكدر يدبرله بيت ايجار او شغلة يكدر يجمع بيها فلوسة ..جان وائل ناوي يطلگني منه بس صارت هالمشڪلة بس جنت حامل وقتها وما جان عنده اختيار غير اضل على ذمته