حرام مستباح

بارت أضافي

مرحبا بنات .. اولا ندري تاخرنة عليكم بس انتضرنه يمر وقت علمود نجمع احداث بارت كامل ..

وهاي قبل فتره صارت عدنة فاتحه وخميسيات وثوابات والله ولا كدرنه نفرغ .. وامي همين تخربطت ضلينه بالسبوع مرتين نروح وياها للمستشفى .. يعني ماكو فرغه ابد 😴💔 ..

استمعتو بالبارت...

‏أنتَ ظلّي و خلّي و رَفيقي و حَبيب رُوحي ، أنتَ الأمانُ الذّي احاربُ بهِ خوفِي .

#حرام_مباح
#نسرين_الأسدي

**

ياسمين

نيمت فروحة وتيم وعزلت البيت شفت الساعة ب10
تآخر عمار ومو من عادته يضل كل هالوقت دايمآ يجي المغرب
بس يمكن صارت عده شغله..
اخذت التلفون ودخلت للواتباد اقرا التعليقات على القصة

وما حسيت بيه الا وهو حظن جتافي وباسني بخدي
: حبيبتي شجاي تسوين؟!

: هلا حبيبي ما جاي اسوي شيء بس اشوف التعليقات

: حلو بله خل اشوف وياج.. خو معندج مشكلة؟!

: عادي اصلآ ماكو شيء

: ماشي حبيبتي اني ممتعشي لأن من صبوا العشى اجالي اتصال وطلعت وهسه كلش جوعان واريد عشى بسرعة

: صار حبيبي هسه دقايق بس

كمت جهزت العشه وعفت الموبايل يمه وراح عن بالي انه ذاكره جية إيمان وهو لسه ما يدري وقبل لا ارجع اجه هو للمطبخ

عمار: ياسمين ليش مكتيلي؟!

ياسمين: شنو هو الي مكتلك اياه؟!

عمار: ليش مكلتي ايمان اجتلج وصار هذا الحجي بيناتكم؟!
ليش تضمين علي.. احنه مو اتفقنه ما بيناتنه اي أسرار؟!

ياسمين: مو.. السالفة قديمة وصارلها هواي وما شفت اكو داعي احجيها.. وانه ما ضامه عليك اي شيء عمار وغلاتك..

عمار: هذا هو تمام.. مادام كلتي وغلاتك.. يلا عمري خلينه نتعشه

خلصنه العشه بعدنه كاعدين وجانت الساعة ب12 تقريبآ
دك تلفوني برقم غريب.. تفاجأت كلش وضليت محتارة منو هذا الرقم وليش يتصل بهيج وقت

التفتلي وكال: هاي شبيج حبيبتي ردي

ياسمين: ما اعرف هذا الرقم.. ويمكن ولد واذا رديت يلطش

ابتسم وكال: شبيج حبيبتي ليش هيج خايفة هاي شيء اكيد وحده من صديقاتج ومغيره رقمها
انطيني اشوف
وبس فتحه قبل لا يحجي سمعت صوت بنية

: هلو ياسهه انه حوراء وهذا رقمي ردتج تحفظينه يمج.. آسفه اتصلت بهيج وقت بس نجلاء تكول انتي تسهرين وما تنامين من وقت

: هلو بيج حبيبتي.. لا تعتذرين اصلآ منايمة بس استغربت الرقم

: اي حقج وانه هم غلطت لأن مادزيتلج رسالة أول بس ما عندي نت وضوجة كلت اخابرلج هم تحفظين رقمي وهوا صح شريحة امي بس بالف ياعلي يلا رضه ابوي يخليها بتلفوني .. وهمين باركيلي بدلت تلفوني المنفجرة بي عبوه هههه