حرام مستباح

البارت الرابع

وفي القلب ضجيجٌ لا نبوحُ بهِ إلا لله🧡.

#حرام_مباح
#نسرين_الأسدي

,,,,,,,,,,,

ياسمين : راحت زينب وفروحه وياها وأنه عيني عليهن
غابت ربع ساعة ورجعت جايبه فروحة تخبل فدوة رحتلها

اجت يمي وكالت : ماما شوفي خالة زينب شلون سوت شعري

ياسمين : حبيبتي تخبلين..مشكورة زنوبة

ابتسمت وكالت : لا ولو على شنو تشكريني هاي الملاك لازم تطلع مثل امها ..

شوية وخلصت الحفلة والناس طشت وزينب وامها وبيبيتها خذاهن اخوها ورجعوا للبيت
وأبوها كال هو يوصلنه ..استغربت ليش هو ضرغام مو عنده سيارة ؟!
بس قررت تخلص الليلة واسأله بعدين

ركبنه وخذانه للبيت ..كعد ضرغام يمه وأنه وفرح كعدنه وراه وهي كلش فرحانة وضلت تسولف كلشي صار وياها اليوم

سمعته كال : مبروك ياسمين ..التفتت لكيته مركز عيونه عليه ..نزلت عيوني وكلت : شكرآ

ابتسم وكال : ضرغام ديربالك على ياسمين لأن مبينه خوش بنية وحبابه لتزعلها وخليها بعيونك لأن تستاهل

ضحك هو وكال : اكيد ابو زيد مايحتاج توصيني هاي حبيبتي شعندي غيرها

عمار : وانتي ياسمين حاولي تكسرين هذا الحاجز ولتخجلين من كل كلمة أو فعل ..لأن احنه عائلة وحدة ولازم تتعودين علينه مو صحيح ضرغام

ضرغام : اي صحيح عمار ..واكيد راح يصير هالشيء

**
زينـب

خلص العرس وراح بابه علمود يزف عمو ضرغام وزوجته فدوه ربي يهنيهم ويسعدهم وفروحه كلش حبيتها فد لطيفة وتنكرط ..

كال زيد اني ارجعكم ماكو داعي لـ رعد يجي .. كعدنة اني وامي ورا وبيبي كدام وزيد يسوق شوي واجاه اتصال

زيد راجع واتصل بيه عباس فتحت الاتصال قبل لا احجي قاطعني : البشاااره ابو الشباب

زيد بتفاجئ : الك بس شن.. لا تكلي لبالي بروح ابوك

عباس : اي والله صدنا الك سيدي وابد ماحجينه ويا شي بس ضيفناه ضيافة تليق بأمثاله وتعرف ضيافتنا من نوع خاص للاشخاص المخصصين

زيد بفرحه وهوا يضغط ع اسنانة : عبوسي لك اروحلك فدوه جايي فد نص ساعة ماأتأخخر ماريد يفوتني شي

سديت الاتصال واني احجي بيني وبين نفسي واتوعد لذاك الحقير والف فكرة اجت بالي لعذابة

حمدية : ها جده شنو الله يديم الفرحه عليك

لا ارادياً كتلها بسرعة : بيبي لولد لازمين ذاك الحقير الي تحرش بزينب والعباس مااطلع ابن ابوي لا ماخليته يخسه يباوع بعين بنية بعد