အေးစက်တဲ့ မနက်ခင်းတွေမှာ နူးညံ့တဲ့ ခြုံစောင်နဲ့အတူ နွေးထွေးတဲ့ မေတ္တာအငွေ့ဓာတ်လေးကြောင့် စိတ်ဟာချမ်းမြေ့ခဲ့ရပါတယ်။စောလွန်းသေးသဖြင့် တမှေးပြန်ပြီး အိပ်စက်နေရာမှ အခန်းထဲ ဝင်လာတဲ့နေရောင်နဲ့အတူ ဘုရားခန်းက အနီ့ရဲ့ မေတ္တာပို့သံက မျက်လုံးအဖွင့်မှာ ကြိုလေတော့ နံနက်တိုင်းဟာ ကျက်သရေရှိခဲ့တယ်။
ဘေးက ဝူးဝူးဝါးဝါး စကားတွေပြောနေတဲ့ ကလေးငယ်လေးကလည်း ခြေကားယားလက်ကားယားလေး။
" သား အဟ တစ်ယောက်တည်း စကားတွေပြောနေတယ် ဘယ်သူနဲ့ ပြောနေတာလဲကွ "
တေး ထထိုင်ပြီး ပွေ့ချီလိုက်သည်။
" မားရေ မနိူးသေးဘူးလား "
အပြင်က နရည်လေးရဲ့ ခေါ်သံကြောင့် တေး ကလေးငယ်ကို ပြန်ချပြီး အိပ်ချင်ယောင်ဆောင်လိုက်သည်။
" သမီးမားက ခုထိမထသေးဘူးလား ကလေးနှစ်ယောက်ရပြီ ခုထိ အအိပ်ပုတ်တုန်း "
အနီတော့ ဘုရားဝတ်ပြု မေတ္တာပို့ အမျှဝေခြင်း ပြီးစီးသွားဟန်တူသည်။သားအမိနှစ်ယောက် အခန်းထဲ ဝင်လာတာကို တေး နားစွင့်နေလိုက်သည်။
" အသွင်လေးရေ နိူးနေတာလား "
နရည်လေးက ခုတင်ပေါ်တက်လာပြီး သူ့မောင်လေးကို တစ်ချက်နမ်းပြီး တေးဘက်ကို လေးဘက်ထောက်လာကာ တေးပါးပြင်ကို နမ်းလာသည်။
" မား "
" အင်း "
" မထသေးဘူးလား "
" အိပ်ပုတ် ထတော့ ခရီးသွားရဦးမှာဟာ "
အနီက တေး အနားမှာ လာထိုင်လေသည်။
" တေးသွားသွင် ထပါဆို "
" ခင်ဗျာ့အိမ်ထောင်ဦးစီးကို အဲ့လိုနိူးရလား "
" အံမယ် ဘယ်သူက အဲ့ရာထူးပေးလို့လဲ "
"အနီ မောင့်ဇနီးဖြစ်ကတည်းကလေ "
" မရပါဘူး ကျွန်မက ရှင့်ထက် အသက်ကြီးတယ် အဲ့တော့ ကျွန်မ အိမ်ထောင်ဦးစီးပဲ ထစမ်း တေးစုတ် "
တေးက ခပ်ကျယ်ကျယ်အော်ရယ်ရင်း အနီကို လှဲချလိုက်သည်။
" ဟာ တေး.... ကလေး ကလေး ကလေးကို ဖိမိမယ် ဘယ်လိုဖြစ်နေတာလဲ တေးစုတ် "
YOU ARE READING
ရင်နှင့်အမျှ ချစ်ရသည် (Uni+Zawgi)
Romanceချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္
