Unicode
မနက်မိုးမလင်းခင်ကတည်းက အစောကြီးနိုးပြီး တစ်ယောက်တည်း စိတ်လှုပ်ရှားနေသူ တေးသွားသွင် ခမျာ ရေပဲ ထချိုးရတော့မလိုလို ဘုရားပဲ ထိုင်ရှိခိုးရတော့မလိုလို တကယ်ဂနာမငြိမ်။ လူကြီးတွေတွေ့ပြီး စကားပြောရုံလေးပဲဟာ ဘာတွေ ဖြစ်နေမှန်း မသိ။ အဆင်ပြေသွားရင်လည်း ဆိုပြီး စိတ်ကူးကြည့်မိတော့ ပါးတွေပူရှိန်းလာပြီး ရှက်သွေးဖြာလာပြန်သည်။ ဪ...... တကယ် ဒီစိတ်နဲ့တော့ ရူးတော့မှာပဲ ။
" ရော မမနီတို့က ရောက်တောင် ရောက်နေကြပြီပဲ "
လူကြီးနဲ့ တွေ့မှာမို့ တေးတော့ မြန်မာဝတ်စုံပင် ဝတ်လာခဲ့သည်။
အိမ် မှာ မဟုတ်ဘဲ တစ်နေရာမှာ တွေ့ကြမည် ဆိုတာနဲ့ နွေးက ဟိုတယ် တစ်ခုမှာ စီစဥ်ပေးသည်။ နွေးက တကယ်ကျေးဇူးတင်ဖို့ ကောင်းပါသည်။ နေရာက ဟိုတယ်ရဲ့ အပေါ်ထပ် ကဖေးဖွင့်ထားတဲ့ နေရာ ။ လူသူရှင်းကာ စကားပြောလို့ ကောင်းတဲ့ နေရာပင်။ ဝန်ထမ်း တစ်ယောက်က မီနူးလာပေးတော့ တေးနဲ့ အနီက ကော်ဖီတစ်ခွက်ဆီ အတူတူ မှာလိုက်မိတာမို့ ပြုံးလိုက်ကြသည်။ မေမေနဲ့ အန်တီ ကတော့ ကြည့်နေရဲ့လား မသိ။ သက်ပိုင်နဲ့ သက်မှုံကတော့ အပေါ်ထိ လိုက်မလာကြ။
" သမီးရဲ့ ချစ်သူဆိုတော့ ကြည်ကြည်ခိုင်ရဲ့ သမီး ဖြစ်နေတာကိုး "
အန်တီက စကားစလာသည်။ အန်တီအသံက မပျော့မပြောင်းဘဲ နည်းနည်း မာချင်ပုံ။
" ကျွန်မလည်း ဒီရောက်မှ သိတယ် ကမာနီက မယုနွယ်ဇော် သမီးဖြစ်မှန်း "
မေမေ့ရဲ့ စကားသံကလည်း ပျော့ပျောင်းခြင်း အလျဥ်း မရှိ။
" ငါ့ သမီးမှန်း ကြိုပြီး သိခဲ့ရင် သဘောမတူဘူးဆိုတဲ့ သဘောပေါ့ "
" အဲ့လိုဖြစ်သွားနိုင်တာပဲ အဲ့ဒီထက်ဆိုးဆိုးလည်း ဖြစ်ချင်ဖြစ်သွားနိုင်တယ် မယုနွယ်ဇော် "
မေမေနဲ့ အန်တီ ပြောနေတဲ့ စကားတွေကို တေး နဲ့ ကမာနီ ဘာမှနားမလည်ဘဲ တွေဝေစွာ ကြည့်လိုက်မိကြသည်။
" ဒါဆိုလည်း နောက်မကျသေးပါဘူး ခုထပြန်လို့ရနိုင်တာပဲ "
" မာမီ "
YOU ARE READING
ရင်နှင့်အမျှ ချစ်ရသည် (Uni+Zawgi)
Romanceချစ်လွန်းလို့ ရူးရကြေးဆို ဒီအမျိုးသမီးကို သံသရာအဆက်ဆက် မိုက်မိုက်ကန်းကန်းကို ရူးသွပ်ချင်သေးတယ် ခ်စ္လြန္းလို႔ ႐ူးရေၾကးဆို ဒီအမ်ိဳးသမီးကို သံသရာအဆက္ဆက္ မိုက္မိုက္ကန္းကန္းကို ႐ူးသြပ္ခ်င္ေသးတယ္
