خادمة القاسي

الجزء 26

اقتاعد كرسيه بهدووء وسركل عينيه على الطبلة برواء ورجع مسند ظهرو على الكرسي اللور بملامح جامدة وتعابير باردة وحنحن صااارخ بصوووت عالي مطوول سميتها

"أرين".

مزااال ماكملها حتى كانت حدا رجليييه...شافت فيه ورجعات شافت قدامها حانية راسها.

" نعام اسيدي".

تبسم بطرف شفاهو كي سمع نبرتها الحنينة بصوتها الزوين على الصباح وحدر عينو على الطبلة مباشر ففطورو .

كيسر:جلسي.

هزات راسها بواخا وجلسات قدامو كاتاكل بشوية وبالسكات باش ماتلفثش انتباهوو وهو نطق بعدما بلع الدغمة من حلقو.

كيسر: غانمشي نحيد شعري ونرجع....نلقاك ساليتي شغالك ووجدتي ليا قهوتي وكاتسنايني فبيتي....(شاف فيها) وحافظة الحرووف لي عطيتك.

فهمات بلي غايدير معاها حصة خرا اليوم وهي تهز راسها بالموافقة والفهم....شافت فشعروو وهزات حاجب وحطات الثاني ناطقة.

أريناس: ولكن اسيدي...نتا ماعندكش الشعر...اش غاتحيد فيه؟!.

جابتليه الضحكة بكلامها..حبسها علة طراف شفاهو ومد ليها الملوية ودفع ليها العسل بمعنى " صاوبيه ليا كي ديك المرة" .

هي فهماتو وشدات تاتدهن ليه فيها العسل وهو نطق.

كيسر(بهدوء):ممنوع عليا يطلع شعري على زغبتو...خاصو ديما يكون مجدددررر ...على الجدر.

أريناس(مدات ليه الملوية): وعلاش اسيدي؟!.

كيسرر: هادو هوما القوانين والقواعد لي كانمشيو عليهم فالخدمة.

هزات راسها بفهم وهو كمل كلامو.

كيسرر:الطاكسي هي طوموبيل فشكل خاااص كايبينها بلي "طاكسي" كاتنقل الناس للوجهة لي بغاوهاا بواحد القدر مالي بسيط...فهمتي ولا نزيد نشرح؟!.

..فهمات بعقلها الصغير بلي شخص كايسوق واحد الطوموبيل فواحد الشكل خااص تايخلصووه الناس وكايديهم للبلايص لي بغاو..عرفات بلي فاش قالليها" صاحبتي" كان معصبب من غبائها " وهي تحشم من راسها.

كيسر(هز راسو بالإيجاب):مزززيان...الماركة..

شاف فالطبلة فالجنب مكتوب عليها "سيرا" ..ونعت ليها ليها.

كيسر:شفتي ديك الكتابة لهيه...(اريناس شافت فيها وهزات راسها باه ورجعات شافت فيه)..هاديك هي الماركة....فهمتي ولا نزيد نشرح؟!.

كاترفع راسها بالإيجاب وهي حشمانة منوو وهو تايعاود ينطق.

كيسر: الريسطورا كاتقال لمطعم مشهووور...مطعم هو مكان خاص بالماكلة وماشي أي ماكلة...الماكلة المعروووفة فالمغريب وخارج المغرييب كايكون كلاص وفيه موسيقى وشي حوايج خرين من بعد وتعرفيهم ...فهمتي؟!