أصبح الصباح ودخلات شميسة 🌞 نورات على دوك الجثث لي مداخلين في بعضياتهم وكأنهم شخص واحد ... كمش عينيه بانزعاج من أشعة الشمس لي وصلاتو وضلل بيديه عليهم عاد بدا كيحلهم ببطئ وطاح نظرو على أجمل منظر شافوا في حياتو .. كانت ملاكو مخشية فيه وشعرها الاسود منسدل عليهم بعشوائية وفمها الاحمر صغيور محلول كطلق منو شخير خفيف ... ضحك على منظرها لي جاه كيووت وقرب بدا كيفيق فيها برفق
أوس : ليلى ... ليلى نوضي اسنفورتي براكة عليك من نعاس 12 هادي
ليلى : هننن
أوس : يله أحبيبي ماماك ولواليدة كيتسناونا فدار
ضربات ليه يديه وتقلبات على جنبها كوزات ليه وكتمتم : بعدي مني اجميلة خنيني نعس
شداتو ضحكة سيدة مزال دايخة معقلاش على راسها بلي تزوجات ... مد يديه وطلعها بتلييعة حااارة لطرماحتها حتى ناضت بلا هواها جالسة ... شعرها شاد ريزو وعينيها مطرطقاهم ... شافت فيه بصدمة وشهقت : اش كدير هنا
مقدرش يحبسها وطلق ضحكة من القلب خلات لخرى ساهية فيها ... حبسها بصعوبة وشاف فيها وقال : أش كندير هنا (حركات راسها بأه ) دابا ديك الهيلالة والحيحة تاع لبارح حتى هي نسيتيها
ليلى : الحيحة ؟
ناض من حداها عارفها مزاال مافاقت مزياان .. جبد حوايجو بدا كيلبس فيهم وهي كتشوف فيه وكتستوعب اش كدير هنا معاه ... حتى طلعات معها بلي تزوجوا ولبارح كانت ليلتهم لولة .. طلعاتها تزنيگة ملي تفكرات تلاحم أجسادهم ... فاقت من سهوتها ملي نادى بإسمها وتنوض تبدل باش يمشيو ... هزات ليه راسها بلا ماتشوف فيه وغير حطات رجلها في الارض ضربها الضو تحتها ... عضات على فمها وتمشات كتعكز لحمام قضات حاجتها وغسلات وجهها وخرجات جيهت لفاليز ديالها جبدات منها جلابيتها في الغوز بيبي لبستها فوق من دوني وشورط ديالو طلقات شعرها ودارت مكياج خفيف ناسب بشرتها ورشاتها من ريحتها وأخيرا ولات جاهزة ... مشات لعندو لبالكو فين كان كيتسنها ووقفت حداه مقدراتش تدويه ولا تهز فيه العين الحشمة مزال غالبة عليها اما هو حس بوجودها موراه وتلفت عندها طلعها وهبطها بعينيه فاتنة كعادتها ... تبسم برضى وتقدم لعندها شبك يدو بيدها وزاد بيها لبرا حتى قفزات بين ايديه وقالت : هئ لباليزات
أوس : غير زيدي دابا يجبوهم ليا حتى لدار
ليلى : شكوون ؟؟
شاف فيها بغموض وعاود دار قدامو مجاوبهاش مابغاش يقول ليها على رجالو كيما ماباغيش يقول ليها على انضمامو لمافيا ... طلعو للوطو الجديدة ديالو وكسييراا والوجهة درب الباهية
YOU ARE READING
الغرام المستحيل
Actionالقصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
