القصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜
نتمنى القصة تنال اعجابكم و دعموها 😘
من بعد ما حط أوس لوطو ديالو قدام دارهم مشا دخل عند ماماه اللي لقاها كتفرج فتلفزة في مسلسل ديال الوعد..... باس ايديها و تكا ليها على رجليها وقال
أوس: أش بان ليك ألواليدا واش نتوكل على الله
راضية (بحنية و هي كتدوز ايديها على شعرو): اش غنقول ليك أوليدي... اللي نتا مرتاح ليه ديرو و أنا متسالني غي نوقف معاك
أوس (شد ايديها اللي كانت فوق شعرو و باسها): الله يخليك ليا أميمتي .... نتي اللي عندي في هاد دنيا
راضية (بابتسامة و حنية ): و الله يخليك ليا حتى نتا راه بيك راني فايزة و عايشة فهاد دنيا و نشكر الله و نحمدو اللي عطاك ليا
أوس ابتاسم على كلامها و غفى في حضنها فحال شي بيبي صغير ....الانسان يكبر حتى يكبر و يبقى ديما طفل صغير في حضن ماماه اللي كيساوي دنيا و مافيها اللي كيقلب فيه على الدفئ و الحنان (الله يحفظ واليدينا و يخليوهم لينا)❤
عند يارا
من بعد مابدلات حوايجها بملابس مفضوحة كيف العادة و هزات صاكها و نضاضرها ومشات لعند صحباتها اللي دايرة معاهم في كافي كلاص ديال البرجوازيين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
غادة و كتمشى بكل غرور و استعلاء و كأنها كتقول الارض تهدي ما في حدا قدي و صوت طالونها كيتسمع قرب ....قرب... قرب و عطرها الغالي واصل حتى لعندهم وقفات عليهم و دارت ليهم ضحكة صفرة و هما بادلوها نفس ضحكة و سلمات عليهم بلابييز بلا ما يقيسو حنك بعضياتهم و جلسات بكل استعلاء و دارت رجل على رجل و شافت في ميساء صاحبتها اللي كانت متكية على الكورسي و حتا هي دايرة نفس البركة ديالها وهازة في ايديها ايفون لخر داخلة لأنستا (جوال أبو تفاحة 😂😂😂😂) و مدلية شنافتها للجنب بدلع كتدوز في تصاور و تدوي و علامة الاشمئزاز باينة على وجها: على ذوق عندها في الحوايج تگول باقا في تسعينات (ودوزات واحد تصويرة كانت ديك لبنت لابسة واحد الكولي و هي غي شافتو بدات تضحك وتوتول) هههههه ويلي ويلي على شوهة شوفو شوفو لكوليي لي لابسة ناريمان ماساوي والوا يله داير 30 مليون و فوق هادشي باركة تصور فيه و فرحانة من لفوق
شافو لبنات تصويرة و بداو حتى هما يضحكو و يعيبو فيها
يارا(هزات كاس ديال لقهوة كتشرب فيه و كتقلب عينيها فيهم): ليوم خرج اخر موديل Dior في تصميم كوليي ديال الالماس و كيما كتعرفو بابي حبيبي كان هو سباق و خذاه ليا و ثمن ديالو 100 مليون أورو وخا جاتني قليلة صراحة و مقنعنيش 😒
