زوينااات ديالي عرفت راسي تعطلت عليكم مي راه ماتت واحد لمرة من لعائلة الله يرحمها .. داكشي لاش تعطلت ... نتمنا يعجبكم لبارت ومتنساوش ديرو فوت وتعطيوني رأيكم في تعاليق
------------------------------------------------------------
كان جاي بكل رجولة وخطوات رزينة وحداه عرمة تاع دراري اللي غيشوفو حتى هما عائلاتهم ... ومبتاسم وكلو شوق باش يشوف منبع لحنان ديالو حتى كيوقف مصدوم مللي لمحها گالسة بكل انوثة وجمااال وشعرها الطويل الاسود مليوح ورا ظهرها وكتضحك مع راضية ... للحظة سها في ابتسامتها الجميلة لدرجة ترسمت نفس الابتسامة على وجهو بدون شعور ... حس على نفسو ونفض راسو ورسم على وجهو ملامح جدية وكمل طريقو عندهم ...
عند ليلى اللي كانت كتضحك مع راضية على الموقف اللي طرا صباح بين سعد ووجدان ... مع لهزة اللي غتهز راسها حتى كيبان ليها فارس أحلامها وحبها وعشقها جاي لعندهم برجولة طاغية ... تقادات في لبركة ووجهات نظراتها ليه اللي كانو كلهم شوق وحب وعينيها كيبريو ... واخا كان باين عليه لعيا من شكلو اللي تغير على اخر مرة شافتو فيها الا انها كانت كتشوفو أجمل وااحد في ديك لقاعة ... راضية مللي شافت ليلى كتشوف في شي حد وساهية دورات وجها لفين كتشوف ... بان ليها ولدها جاي جيهتهم وقفات بدون شعور معرفات واش تفرح حيت شافتو ولا تحزن على حالتو اللي تبدلات ... عنقاتو عندها وبدات تبكي وكتقول بصوت باااكي : الله ياولدي وشحاااال توحشتك خليتي عليا دار مظلمة هئ هئ هئ نتا هنا وانا قلبي يعلم بيه غير الله مهولة من جيهتك هئ هئ
أوسمان بعينين مغرغرين وكيطيطب عليها : يدير الله تاويل الواليدا .... نتي غير دعي معايا اميمتي يبان الحق
راضية : الله ياخذ الحق في لي كان سباب ... وبغيتو يدوق العذاب اللي شربنا منو ... ربي كبييير دابا يبين لينا علامتو
أوسمان : ونعم بالله اميمتي .. داكشي لي كاين ( جرها من إيديها وگلسو ... راضية كانت في جنب ليلى اما هو كان مقابل معاها هي اللي كانت باركة ومتوترة وحادرة راس ... وأوس كيشوف فيها غير بطرف عين بلا مايبين لشي حد)
راضية وهي كتفقد في ولدها بقلق : حبيبي لاباس عليك (شدات وجهو بين يديها) ياكما مريض ولا طرات ليك شي حاجة لداخل
أوسمان شد ليها في إيديها : لا مكاين والوا .. بلا ماتشغلي راسك عليا ... ديها نتي غي في صحتك وراحتك
راضية وهي كتزير ليه على إيديه وعينيها مغرغرين : راحتي أولدي هي نشوفك قداامي وبينات عيني .... غدا أولدي غيتحدد لمصير ديالك ... الله يبن الحق ويحنن قلوبهم عليك هئ هئ
أوسمان : قل لن يصيبنا الا مكتبه الله لنا ... هذا ابتلاء من الله وأنا راضي بيه
راضية : الحمد لله أولدي على كل حال ... ربي كبيير وراه كيشوف وكينصر المظلوم من ظالم
YOU ARE READING
الغرام المستحيل
Actionالقصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
