من بعد ما تعشاو البطل ديالنا و ماماه راضية ناض غسل يديه و حك سنانو و دخل لبيتو ينعس حيت غدا عندو كومبا بليل و خاصو يتدرب بنهار باش يكون انفورم ( للعلم اوسمان كيدير قتال شوارع )
اما زينة البنات ديالنا ليلى منبعد مغسلات ماعن نتاع العشا مشات لبيتها كيف العادة هازة التيليفون كتدوي بيه مع وجدان
ليلى: ناري اصحبتي شفتو عوتاني داز قبيلة من قدامي عرفتي قلبي كان علاين يفرفر و يخرج و يمشي لعندو 😩💬
وجدان: عوتاني أ ليلى نفس الموضوع 😑💬
ليلى: و أش غندير ا صحبتي راكي عارفة بلي ماشي لخاطري راه قلبي اللي كيتحكم فيا ماشي انا 💬
وجدان: ليلى ختي انا خايفة عليك غي نتي الا مشيتي تعلقتي بيه راه غادي تحرقي غي نتي و تأذاي ونتي باقا صغيرة 💬
بقات ليلى كتمعن في هدرة صاحبتها وجدان اللي لقاتها صحيحة 💯💯 هو ماكيهزش فيها حتى الراس بقا غير يبغيها هاد الفكرة بظبط اللي كتقتلها ميات مرة و تحطمها و تخلي غصة حاااارة في قلبها 💔
ليلى: مهم حتى لغذا و نتلقاو ا بب و نهدرو بونوي ❤
وجدان: بونوي بب ❤
طفات التليفون و جرااات الغطا و تغطات وبدات تخمم ثاني فيه واش ممكن شي نهار يقدر يبغيها؟ واش حتى هو ايقدر يبادلها نفس الشعور واخا يكون غي اعجااب ؟ تنهداات تنهيدة خارجة من القلب كتعبر على الالم اللي محبوس وسط صدرها و رجعات التفكير حتى مشاات بيها عينيها😴
اصبحنا و اصبح الملك لله
فاق اوسمان بدل حوايجو بديال السبور و خرج باش يتدرب و يستاعد المقاتلة اللي كتسناه في العشية
اما واحد ليلى باقا كتكخ ههه و مسرحة كل رجل في بلاصة و المانطة مليوحة فالارض قول الله يستر بايتة محاربة 😂😂مافاقت حتى 12 ناضت عاكزة كتجر فرجليها الطواليط
غسلات وجها و حكات سنانها و مشات ديريكت الكوزينة باش تعالج المعدة لقات مها مسكينة حاطة ليها الفطور و 50dh باش تمشي الحمام حيت هي كتمشي ليه كل احد مع وجدان و مشات لخدمتها لانها كتخدم فامدميناج فواحد المدرسة داكشي لاش كتخدم السيمانة كاملة حتى السبت و الاحد
و هي سايرة كتنضغ في الدغمة حتى كتسمع الدقان عرفاتها ماتكون غي ديك المعزة ديال وجدان 😂😂
و توقعها كان في محلو غي حلات الباب و هي طير عليها وجدان بساكها ديال الحمام و سطولاتها دافعها و دخلات و مشات ديريكت الفطور و تكات عليه ما بقات ناضت خخخ خلات ليلى غي كتشوف ههه ملي شافتها قربات تخليها بلاش و هي تبرك حداها و بدات تاكل حتى سلاو على خاطرهم
وجدان (وهي شادة على كرشها ): الله على راحة دابا عاد تفاجات عليا
ليلى(و هي كتشوف فيها): وبسيف اختي ما تفجا و نتي سطتي في الميدا و مافيها بقيت ليك غي انا
YOU ARE READING
الغرام المستحيل
Actionالقصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
