الغرام المستحيل

part 22

كانت باركة كتنقي في العدس ونظاراتها الطبية في عينيها ... حتى كتسمع صدى صوت لخبطة ديال لباب لي قفزاتها ... حطات صينية فوق طبلة وخرجات لمرح عاقدة حجبانها .. بانت ليها ليلى كتحل في طبلية بنترة وكتسوط بفمها

جميلة : مالك كتسوطي كي لفعة ياك لباس

ليلى : خليني عليك أيما راني معصبة غا بوحدي

وزادت دخلات لبيتها خلات جميلة حاطة يديها على حناكها وتبقلل في عينيها .. لاحت شكارتها فوق ناموسية بعصبية وتلاحت حداها ... تنهدت بعمق على حالها وعلى قلبها لي دايب في العشق وهو في هاد سن لي كيكون فيه الحب لمراهقة صعيب بزااف كيكون أشد ومختلف بزاااف عن حب لبلوغ ... كيخلي العقل 🧠 دايب فقط في هذاك الشخص لي كيحب والعين 👀 مكتشوف حد من غيرو والقلب ❤ كينبض غي في سميتو ... وبالأخص هي كتحتاج الحنان من طرف الجنس الأخر أي للرجل ... ملي وعات على دنيا وهي في أحضان مها ويتيمة من طرف الأب ومعندهاش حتى الأخ لي يعوضها ... هاد الحنان لي كانت كتقلب عليه لقاتو غي في أوس لي سرق قلبها من صغرها ومن تعاملو لحنين معاها ومع ماماه قدامها ... هكا بدا كيكبر بشوية بشوية حتى تحول لحب من طرف واحد ... وآخخ من الحب لي كيكون من طرف واحد كيكون عبارة عن موت بتقادم وانتحار شخص بلا مايحس ... انك تكون تحب شخص وهو معارفش وتكون تتألم ببعدو وهو ماملاحظش وتسهر الليالي كتوجع مع قلبك واشتياقو لمحبوبو وهو معلابلوش ... وتراقبو من بعيد باش مايحسش ويعرف بمراقبتك ليه وخلي ملي كيدوز من قدامك فهاديك اللحظة بظبط قلبك كينبض بعنف في قفصك صدري لدرجة كتألم ... وتشوف گاع الناس غرباء الا هو ويسرق نص نهارك وليلك غي في تفكير فيه ... الأبشع هي أن الكل كيحساب ليه راك ناعسة ونتي مخذتك فازگة مكتنشفش .. وجع القلب 💔

عند أوس لي كمل طريقو وهو كيفكر في ليلى وسبب عصبيتها لي جاتو كيوت ههه حيت أول مرة يشوفها معصبة ... وكيفااش كتخبط الارض برجليها ومخنزرة وخبطت بابهم حتى تسمع صوت ... صدقات حتى سنفورتو كتعصب جابت ليه ضحكة متوقعهاش منها ... وصل للحانوت وتقدى لي خاصو ورجع في طريق اتجاه لدارهم ... يله كان غيدخل وهو يقاطعو صوت حمادة جن كيلهث حيت كان كيجري باش يوصل عليه قبل مايدخل

حمادة بنفس متقطع : خويا أوس ... على سلامتك ملي خرجتي ... ولاهيلا فرحت ليك بزاف

أوس شاف فيه وحرك راسو وقال بصوت رجولي ثقيل : الله يبارك فيك

حمادة غي شاف أوس غيدخل وهو يقول بزربة باش يحبسو : خويا أوس (تلفت عندو) واش نوجد لييك بلاصة في لحلبة هاد ليلة

قرن أوس حواجبو وشاف فيه بنظراات عميقة ... تنهد وقال برجولية : دير خدمتك كي لعادة

حمادة بحماس : وعلييه ... توحشناك أليو نشوفوك وسط لماتشات