خادمة القاسي

الجزء 11

أريناس: فحال مممي؟ مرات بااا؟!.

سكت مالاقي باش يجاوبها وهي كملات كلامها.

اريناس حنات راسها قدامها بأسى وعينيها تغرغروو ....حاولات تحبس دمعاتها على طراف جفونها  ونطقات بنبرة مكسووورة بالألم مرعودة.

اريناس:ولكن انا كانبغيهاا.....مانقدرش نكرهها  ونشد فيها الحسيفة واخا كانت قاسية عليااا وواخا كانت كاتبين ليا بلي كاع ماكاتحملني وكاع ماكاتحن فياا وواخا حررات العيشة عليااا...كانبغيها كيما هي.

بزاف على الحنانة ورطووبية القلب...فبلاصتها ماكانش يحمل حتى يذكر مرة خرا سيرتها...وهي مزال كاتعيط ليها بممي من بعد كاع العذاب والقهرة لي دوزاتها عليها

كيسر:ماتكرهيهاااش....وفنفس الوقت  ماتبغيهاااش ...... غير قصححي قلبببك وكاتحنيش فيها كيما  عمرها حنننات فيك.... ماتنساايش لي دارتو فيك وماتنسااايش بلي تعدات عليك وعمرها خافت عليك...هادلشي علاش كانوصيك.

شخصيتك ضعيفة ونتي كولك ضعيفة....صغيرة ونية وبرائتك خلات من قوتك خاااوية لي جا يديرها بيك... وماخاصكش تبقاي  على هاد الحال مزااال....حيت الدنيا ذياب الى مشاو حتى دارو بيك ماغايخليوش عظم واحد صحيح فيييك....نسايها...نسايها وفكري فراسك ...فكري فمتسقبلك وحياتك...نتي باقا صغيرة والحياة قدامك باقا طويلة....ماتستاهلش تضيعي حلاوة يااامك وصغرك وشبابك على وحدة كاع مامرااعيااالك....ماكانحملش نتدخل فحياة غيري باش مانعطيهش فرصة يتدخل فحياتي ولكن  شفتك محتاجة النصيحة باش توقفي على رجليك وتحلي عينيك ...ماتبقايش مبوهلة وخوافة ودمعتك ساهلة وقلبك طااايب.....قصاااحي باش تبااني وتقدري تعيشي وسط وحوووش الدنيااا....اللي كانت خايبة فحياتك بدليها وأولهم "هي"....ديك المرا لي كاتعيطي ليها ممي .

       
"مانقدرش نفررط فيها حيت تاهي مافرطااتش فيا....ايييه بصح كانت كاتعدبني وكاتضربني ولكن انا عارفة  غير كانت كاترد غدايد الدنيا فيااا.....هلكها هم الدنيا ومالقاتش منين تصرف عليا ....تاهي كاتخدم مرة مرة عند لعيالات ماشي غير اناا لي كانت كاتخدم فيا....هي ماوالداااش وربي ماعطاهاش كانت تقدر تسمح فيا وتمشي تبدا حياة خرا فقنت خرا....مزالا صغيرة وتقدر تتزوج وتولد وتعيش مخيرة ولكن اختارت تبقاا معايا ونتقاتلو على الزمان بجوج....ومن جيهة خرا كانت مضرورة من با الله يرحمو....حيت عارفاه ماتزوجش بيها حيت بغاها...تزوج بيها غير باش تربيني ملي ماتت مممي ....عارفا فينما كانت كاتشوف سيفتي كاتخسر سيفتها....كايبقا فيها الحال حيت وحلات فيااا وهي ماحطاتني من كرشها ماخرجاتني من كبدتها...ماشي بنتها وكاع ماكانقربها علاش تهز حملي ومسؤووليتي؟!.هادلشي علاش كانعذرهااا........انا راه ماشفتش ممِّي اسيدي ...ماشفتهاش حيييت....خلاتني صغيرة بزاف ماعقلتش عليهااا....شفت واحد التصويرة ديالها قبل ماتزوج ب بااا كانت صغيرة وزوينة واخا التصويرة دازو عليها سنييين واللون منها مشا...وواخا كانت بالكحل والبيض ومكمشة....ممي كانت كاتبان زوينة بلا قياااس .....انا كانشبه ليهااا...كانشبه ليها بزااااف وهادشي لي كان مفرحني بحياتي لي مافيها مايتعجب.... ببا كاان حنين فيااا....كان كايقوليااا....نتي هي النوارة لي بقات ليا من المرحووومة مك...كون كان يصيب يقطع من لحمو ويمد ليا....تزوج مرة خرا على قبلي....وكان كايتقاتل علياا باللي فجهدوو ...كان درويش ماعندوش وماخصووش مكافي مع الزمااان وراجل بدراااعو......ولكن حتى هو مشا...حتى هو ربي بغاه وخلاني صغيرة بزااف ...هادلشي علاش من بعدهم...كانلقا مرات باا واخا قويصحة وشرانية حنينة فيا...ومن بعد كلشي راه كاع ماسمحات فيا".

كلامها شحال عقلاني ...قلبها نقي وخاطرها صاافي وحنانتها غالبة على افكارها....هشيشة ورطبة ونيتهاا حاكماهااا.

شاف الدمعة فعيونها الزرقااا القتااالة لمعات وعلى شفيراتها وقفات وهو ينطق بنبرة خافثة وهادية وعيونو على تفاصيل ملامحها  الشقراا كاتسااارى.

كيسر: توحشتيييهم؟!.

بلا ماتفكر جاوباتو والدموع ترقرقوو على خدودهااا .

اريناس : بزاااااف....بغيت نشوف ممي ونعنقهااا ونشم ريحتهاا وننعس فحجرهاا.......بغيت نقراا كيفي كيف البنااات   ونجي من المدرسة وناكل  من يديهااا ونعاونها فشغال الدااار ونخرج نلعب مع  قراااناتي حتى تعيط ليا وتغوت عليا ولا درت البسالة تضربني وتنفر عليااا .....بغيت نشبع منهاااا.

توحشت نشوف با جاي من الخدمةة ونخرج حفيانة كانجري نتلقاا ليه ويعنقني ويهزني بيد وحدة  ويدو اخرا هاز فيها التقدية....توحشتتتتهم.
دمعة ورا دمعة على خدودها المزنكة تسااابقو فوثيرتهم سارعين....تزمت قلبهاا عليهاا وحسات بنخصة قوية شاداه وحاكمة قفص صدرها كامل قاطعة فيها النفس ....تنخصصات بقوة وراسها فالأرض محطوط ماقادراش تهزو ولا تعللي عينها .

تحرك من مكانو متقدم فاتجاهها ووقف بخطواتو قدامها...تفتف بشوفاتو فجنابو وبلع ريقوو  متردد يتكلم وفالتالي حنحن ونطق وهو كايشوف فالجنب ماجابش عينو فيها.

كيسر:صاافي....مسحي دموووعك.

هي رفدات كمام يديهاا كاتمسح عينيهاا وشنيفاتها مدليين بطفولية كي شي بنية صغيرة...وهو رجع تكلمم .

كيسر: مابقيت محتاج حتى حاجة  دابا باغي  ننعس نرتاح  غدا خدام بكري...حددي ليا وحدة من القوامج بكري ووجدي ليا فطوووري وقهوتي.

بغا يقوليها سيري تنعسي ترتاحي وقال بلي هو لي بغا ينعس ويرتاح....حاول يلهيها ويخليها معاه وصدق مبكيهاا وماعرفش حتى كيفاش يواسيهااا......هو ماشي من النوع لي مولف يتلقا المشاعر داكشي علاش ماكايعرفش يعطيها ومايكايعرفش حتى يتحكم ويسيطر فيها....يعني ماغايقدرش يتلفض بكليمات زوينة ليها تروء(تهدن)  وتخفف عليها......هزات ليه راسها بواخاا وتمات خارجة  فحالها وكل شوية كادور تشوف فيه واش تايشوف فيها ولا غايعيط ليها كاتلقاه تايشوف قدامو ويديه فجيااابو وغير وصلات حدا الباب عيط ليها وهي دور بزربة لعندو .

كيسر: ااه ..القروية..

اريناس(على القرص):نعام اسيدي.

كيسر: الكرااافاط...ماتنسااايش تخلي ليا كراافاط  تجي مع الشوميز لي غاتحددي ليااا فالصبااح.

أريناس بلات حلقها وبلعات ريقهااا واللون عاوتاني تخطف من وجهها...كايكونو غادييين مزيان حتى غاماكايعطيه ربي وكايبغي ينكدها عليها  ويبدا يقول شي هضرة عمرها سمعات بيهاا...دورات عينيها فجنابها وعضات على اسفل شفاهها كاتفكر واش تسول ولا تسكت.

شافها ماقالتش ديك "هي اللولة اسيدي مايكون غير خاطرك" وهو يدور شاف فيها وحجبانو بين عينيه مقرونين.

كيسر : سمعتيني؟!.

اريناس(قفزات): سمعتك سمعتك اسيديي...ولكننننننننننن.... شناهي الشوميز ؟!

كيسر(قلب عينيه بملال): القمييييجة القمييييييجة....(شير ليها بيديه باش تخرج)خررررججي  قبل ماتخرجي علياااا.... غاتحمقيني مافيهاش الى زدتي  معايااا شوية .

يتبع🍂