خادمة القاسي

الجزء 11

قلب خطواتو فمكانو داخل للبيت وهي تبعاااتو كاتزرب فخطواتها و كاتسمع ليه .

صغغر عقلو معاهاا وشد معاها الستون فالمواضيع الفارغة رغم أنو كايكره قوة الشرح والتوضيحات الفاضية ولكن  متعمد يلهيها ويخليها معاه شوية.

كيسر(تايطنز عليها): براااافوووو....وكايتحددو الحوايج بالمصلوووح....باش؟!

اريناس(كاتعاود وراه): بالمصلووووووح

وقف حدا سريرو ونعت ليها للحدادة فوق الطبلة...شافت فيها وشافت فيه وتبسمات ببهالة مجاوباه.

اريناس :اااااه  الباااطو الحااامي..

هي ببرائة هزات يديها كاتوريه الكويااات وهو جرها بضحكة عالية على ديك "الباااطو الحااامي" ....هزات عينها فيه كي تايقهقه بصوت عالي من قلبووو وغمازاتو على حنيكاتو ظاهرة ....سنيناتو بيضين مستفيين وعينيه دمعو بقوة الضحك.

أريناس:والله حتى بصح هه...كان عند خالتي الطاهرة عندنا لهيه فالدوااار كنت تانصاوب ليها بيه الحوايج شحال من مرة كواني.

هنا صافي سالات معاه...تمرغغ فوق الناموسية كايكركر مابقاش قادر يشد الضحكة ولا يصبر.

كيسر:  ههههه ههههههه....ماحاسباااش شحال من مرة ؟!.

حركات راسها بالرفض ولمعة البرائة فعيونها بارقة...هزات كتيفاتهااا ونطقات وهي كاتفرك فطرف من ثوب تريكو بيجامتها كيف عادتها بصبيعاتها.

أريناس: لا والله....علاش؟!.

كيسر  بقوة الضحك كان فاااشل...جاوبها ونبرتو مغلوبة ماقادرش يحبس ضحكتوو .

"هههه  غير ضاحك معاك....ولكن راه ماخصكش  تنساااي جوج دالناس فهاد الدنيا.....لي دار فيك الخير....ولي  دار فيك العيب.....وماتنسايش حتى  شحال من مرة ".

أريناس(ميلات فيه راسها ورمشات بشفيراتها مدلية قنيفاتها برائة): مافهمتش اسيدي؟!.

كيسر تقاد فجلستو وربع يديه على صدرو العريض تايشوف فيها بجدية وكلامو منطقي وعقلاني كايحاول يخليها تفهم عليه بلا قوة الشرح والتبرير.

كيسر : انا غانشرح ليك القروية...
ماخاصكش تنساااي  لي كواك....وشحال من مرة كواك  ....باش تردي ليه الكوية حيت هادلشي علاش دايرة الكرة الأرضية....عطيني نعطيك سوا  كان خير ولااا شر..درتي المزيان معايا غانردو ليك بمزية...غلطتي معايا غاتخلص الفالطة.... هكا غادا الوقت.. الى زكلتي تشمتي".

مافهماتش لغاه وهي تكمش حجبانها الشقرين من عند ربي مسرحين ومطراااسين بين عويناتها الزرقين وهي ترد عليه بنبرة خافثة من صوتها الحنين وكان ردهااا سؤال خلاه يجمع ضحكتو وملامحو تكتسيهم تعابير الجدية شوية بشوية...سكتاتو  وفبلاصتو خلاتو يتوكض تدريجياا... رمقها بنضرات غامضة ماعرفاتها نضرات شفقة ولااا عطف وحنية.