ع لسان مزن:
فتحت عيوني ولقيت فادي قصادي،،عاين لي وابتسم،،رجعت غمضت تاني لاني كنت نعسانه جدا،،حسيت بحاجه ماشه في وشي بس م فتحت،،فجأه فادي جراني من أنفي،،فتحت عيوني وقلت ليه فادي ياااخ،،قلدني بصوت مايع كده م لقيت نفسي غير جادعاه بالمخده،،قال لي انت جايه هنا بعثه نوم؟قلت ليه نعسانه اعمل شنو يعني؟جراني من ايدي وقعدني في نص السرير قال لي قومي اخدي ليك حمام كده ح تنعنشي علشان نطلع ونلف شويه ي نوامه ي كسلانه انت،،قلت ليه تمام تمام قمت،،مسك ايدي وباس جواها وقال لي كده انت حبيبتي البتسمع الكلام! ..ابتسمت ليه ودخلت جهزت نفسي،،لم طلعت هو كان جاهز وقفنا واتصورنا كتير بعدها طلعنا، ،حقيقي الحياه مع الانسان البتحبو بتكون حلوه ورهيبه جدا ❤️!.
ع لسان لمى:
قاعده مع علي في الكافتريا بتاعت الشركه كنت مبسوطه وبضحك وانا بحكي لي علي عن اتفاقنا مع ميرو وانو ريان بدت تتغاظ من اسراء،،قال لي انتو مصايب واقسم بالله م تحرقو للبت دمها ياخ،،قلت ليه ع فكره اسراء زاتا بتاعت امور باين عليها من م جات ملصقه في ماهر وريان قالت انها بتتصل ليه طوالي فأحسن ليها تلم راجلا عليها،،قال لي لا واعيه والله ي لمى، ،قلت ليه وانت مالك بتدافع للبت دي ي استاذ؟قال لي لا انا قايم قبل م تستلميني،،قلت ليه والله ي علي ألقاك واقف ولا بتتكلم معاها م حيحصل خير،،قام ع حيلو وقال لي مجنون انا علشان اخاطر بحياتي واتكلم مع غيرك؟لمى انا قادر عليك بالعافيه بطلي امورك دي وخلاني فات،،دخلت وراه واتلاقيت مع ريان،،قلت ليها اها ي شابه الامور شنو؟،،قالت لي كلو فل خارجت البت دي من مكتبي وعقبال م اخارجا من الشركه كلها،،قلت ليها كأنك بتغيري؟قالت لي طبعا لا بس البت م دخلت مزاجي وباين انها بتاعت أمور،،قلت ليها ي شيخه!..قالت لي لمى انزلي من راسي وفاتت 😂..
ع لسان ماهر:
ريان تصرفاتا بقت غريبه جدا اخر فتره،،كل شويه بتجي المكتب بتاعي وبتصر انها تشتغل الشغل كلو،،كنت ناوي اخليها هي واسراء في مكتب واحد بس هي رفضت وقالت لي م برتاح مع زول انا عايزه مكتبي براي،،ف اضطريت اني احول البت واخلي ريان براها،،في يوم كنت في الغرفه وتلفوني رن لقيتها اسراء بتقول لي انها بعتت لي تفاصيل الملفات بتاعتها ع الواتس وبعدها قالت لي انت ليه فصلت فيني كم مره؟ قلت ليها انا؟دي اول مكالمه تجيني منك ع فكره قالت لي والله اتصلت كذا مره والخط فصل، ،قلت ليها تمام احتمال بالغلط وقفلت منها وانا متأكد انو انا لا فصلت ولا هي اتصلت،،بعدها قلت لي ريان انت تلفوني د ضرب وانا كنت بره؟قالت لي م عارفه م سمعتو وبعدين هي متضايقه مالا وطالما فصلت فيها بترجع تتصل ليه؟قلت ليه تمام روقي زعلانه مالك انت!،،قالت لي انا؟وازعل ليه وع طول لبست شبشبها وطلعت خلتني مستغرب فيها
ع لسان ريان:
البت الاسمها اسراء دي م نزلت من حلقي ابدا م قادره اطيقا،،انسانه لصقه وم عندها دم،،وماهر باين انو مستمتع منها وخاليها ع راحتها،،م انا كنت في المحل ده قبلها ليه م اتواصل معاي واتس؟ليه م كنت ببعت ليه تفاصيل الشغل ع الواتس؟،،كنت ممغوصه جدا وم عندي طريقه اتفشا بيها، ،في يوم لمى وريم جونا في البيت اتلمينا نحنا البنات كلنا وعملنا قعده،،ريم قالت لي ريري الشغل معاك كيف؟قلت ليها ظابط والله،لمى ضحكت وقالت ظابط لو اسراء كانت مافي،حمرت ليها ابتدت تضحك زياده،،شهد قالت فهمونا الحاصل شنو؟لمى ابتدت تحكي ليهم عن اسراء،،ريم قالت لي ي بت م تبقي بليده امسكي اسراء دي وخليها تبعد من ماهر،،ميروقالت لي انا لو محلك ح اصفق ليها كلو ولا شريك حياتي ده الله يجيبو بس،،يقين قالت شباب ماهر هو م زول يتشلب ياخ بس برضو ي ريان خلي عينك ع اسراء دي لانها م مضمونه، ،قلت ليهم خلاص م تملو لي راسي ساي، ،لمى قالت لي نحنا بنحذر فيك ي بليده ي م عندك موضوع!
