ع لسان ياسمين:
من اخر نقاش بيني وبين حسام م اتقابلنا تاني وتقريبا شكلو غير دوامو للمساء ..م ركزت مع الموضوع رغم انو قهرني جدا بس اتجاوزتو عادي ..بركنت العربية ونزلت علشان ادخل المستشفى فجاة سمعت حسام وهو بيناديني..وقبل م اتلفت جا وقف قدامي قال لي ممكن نتكلم؟عاينت ليه واتحركت من غير م ارد عليه..لحقني وقال ياسمين بطلي تتصرفي بالطريقة دي وخلينا نقعد ونتكلم..قلت ليه وانا لم جيت علشان اتكلم سمعتني؟صح قلت م لي دخل وبعرفك من متين؟!!..ي سيدي غلطانة انا الاعتبرتك زميل وصديق لي وحاولت اساعدك ،،وحاليا لا عاوزة اقعد ولا اتكلم معاك عن اذنك وراي شغل..دخلت وابتديت امر ع المرضى وشفت كذا نتيجة لحد م زمن الفطور جا..شلت تلفوني وطلعت ع الكافتريا صادفت حسام قاعد فطلبت اكلي سندوتشات ووصيت ع القهوة وطلعت الحديقة بتاعت المستشفى ..لا المكان ولا الزمن مناسبين للنقاش ولا انا في حد ذاتي م عندي رغبة اتناقش معاه..كنت ماسكة تلفوني وبتفرج ع صور ريري المرسلاهم وكاتبة تحتهم اول يوم دوام ..رديت عليها ب سمحة سمحة مشحوار يعني بس الله يستر عليك من ماهر..مزن قالت لي ريان دي عاقلة م اعتقد انها تشتبك من اول يوم صح؟قلت ليها ريان الانا وانت وكلنا بنعرفا تشتبك ونص والله ي قلبي..قفلت الداتا بعد م خلصت من الفطور وبتاع الكافتريا جاب لي القهوة برة شربتها في محلي وبعدها رجعت المكتب تاني
ــــــــــــــــــــــــــــــــــــــــــــــــــــــــــــ
ع لسان ريان:
نزلت من الترحال ودخلت الشركة بكل ثقة..كنت لابسة فستان مورد بالبيج لونو هادي ومعاه اسبورت ابيض ..لاقتني لمى بحماس وهي بتقول يييي واخيرا ضمتني عليها بسرعة وقالت مشتاقين..ابتسمت وحضنتها زيادة وقلت ليها كتير قسما بالله ..ساقتني معاها مكتبها وطلبت قهوة ..قالت لي خلينا نتصور كذا صورة كدة ونحنا رايقين قبل م وحوش آل عبد الماجد يجونا ناطين..قعدت اضحك فيها وفعلا اتصورنا كذا صورة ..ونحنا قاعدين جو علي واحمد داخلين بعد م سلمت عليهم احمد قال لي مبدئيا كدة الشركة نورت..بس ي ستي ماهر متضايق منك جدا وطالب اول م تختي رجلك في الشركة تمشي ليه مكتبو..قلت ليه ودة ع اساس اني شغالة عندو يعني؟ علي قال لي ريان م تكوني اندفاعية هو كرئيس قسم واداك خبر بانك مفروض تجي خلال اسبوع وانت م نفذتي اكيد حيكون حازم شوية معاك بس انت خليك ريلاكس..احمد قال لي ماهر دة زول بارد لو عايز يستفزك حيستفزك بهدوءو او بي افعالو يعني م من النوع البيعلي صوتو ..لمى قعدت تضحك وقالت كانو ريان برضها باردة؟الموضوع حيكون حرق اعصاب يخوانا..قلت ليها وهو كذلك اللهم وصلوني مكتبو ..علي قال لي تحبي نجي معاك..قلت ليه انا اتفاقي مع ابوي من الاول اني حاتحمل العواقب براي فوصلوني مكتبو بس.. أحمد ساقني ووصلني المكتب واتحرك..دقيت ع الباب بخفة لحد م سمعت صوتو وهو بقول اتفضل..دخلت وقعدت في الكرسي القدامو. ومن غير مقدمات قلت ليه انا ريان محمد تقريبا حضرتك طالب اني اجيك..خت القلم من يدو وصلح قعدتو وعاين لي مسافة وبعدها قال بالله انت ريان؟عموما ي ستي نظرا لتغيبك بدون اذن حاخصم من راتبك الشهري ..واول م تمشي مكتبك حتلقي عندك كذا ملف حتخلصيهم في يومين وحتجي تنزلي مع عمال البناء بنفسك وتراغبيهم ..واخر حاجة حابي اقولا ليك انك تخلي شغل الواسطات يعني م لانها شركة العيلة تستغلي الحتة دي وتتصرفي ع كيفك..كنت بسمع فيه من غير اي ملامح ع وشي قلت ليه بعيدا عن الرغي الكتير دة ان شا الله تشيل الراتب كلو ولا يفرق لي..واذا مفتكر انك حتتعبني بالشغل وتسد نفسي تبقى غلطان الشغل القلت عليه حيتنفذ خلال اليومين ..واخر حاجة انا م استغليت حتة انو دي شركة العيلة كان عندي اسباب بتمنعني انو انزل واشتغل واتحلت وكنت حانزل من قبل م انت تتصل ع فكرة ..انا بعمل الحاجة الفي دماغي ي استاذ ماهر علشان م تفتكر انك جبتني بمزاجك وعموما عن اذنك ألحق اشوف شغلي..اتحركت ع مكتب لمى وحكيت ليها الحصل..قالت لي جدعة ي بت احرقيه ببردوك ويلا تعالي اوريك مكتبك علشان تبدي تشتغلي..وصلنا مكتبي ولمى رجعت لقيت 5 ملفات محتاجين شغل اتنهدت ورخيت لفة الطرحة وبعدها ابتديت اشتغل
ــــــــــــــــــــــــــــــــــــــــــــــــــــــــــــ
