ع لسان مزن:
اتفقت مع البنات انو يطلعو معاي السوق عندي حاجات كتيره عايزه. اجهزا فأحسن ابدا من بدري،،م اتوقعت ريان تقتنع سرعه بس م عارضت وقالت لي تمام حأجي،،طلعت من البيت واتحركت ع الكافيه الاتفقنا نتلاقى فيه اول،،وصلت وبعد مسافه كل وحده ابتدت تجي،،لأول مره نتلما كلنا من فتره طويله، ،ريان كانت لابسه عبايه وشوز باللون الاسود،،سلمنا عليها بالاحضان لاننا حقيقي،كنا مشتاقين ليها شديد،،طلبنا قهوه وقعدنا، ،ياسمين قالت ريان شنو الاسود ده؟اي نعم هو حلو واي حاجه بس انت اخر فتره كترتي منو شديد، ،سماح قالت ليها انت عروس جديده م نفسك تعملي امور النساوين دي وتتحنني وتشوفي نفسك تمام اقلاها البسي لون حلو،،قالت شابات حركات امي دي خلوها عليكم الله،نهى قالت خلاص ي شباب نخليها ع راحتا بقى،،قعدنا اتونسنا شويه ريان كانت بتضحك وقالت ملاحظين انو انا الكنت مسفوهه جيت عرست قبلكم؟..نهى قالت ليها خليتوني براي الله غالب، ،ريان رغم انها بتحاول م تخرب علينا اليوم وبتضحك الا انو الحزن باين في عيونا،،طلعنا من الكافيه واتحركنا ع السوق طوالي
ع لسان ريان:
لفينا في السوق مسافه بعدها رجعنا مع مزن بيتهم علشان ح نقيل معاها، ،بعد وصلنا بشويه كده ماهر اتصل علي قال لي رجعتو من السوق؟قلت ليه ايوه،،قال لي طيب تمام قفلت منو، لقيت البنات بعاينو لي،،سماح قالت لي اهتمام لكن،،رفعت ليها حاجبي وقبل م ارد ياسمين قالت لي حنين اوي ماهر ده ☻︎..قلت ليهم شابات روقو انتو عارفين انو علاقتنا دي عاديه شديد ولو م ابوي الله يرحمه طلب كده م كان في حد فينا مفكر في التاني اساسا ،،نهى قالت لي المهم في النهايه متزوجين حتفضلي تتباردي معاه لمتين؟،،قلت ليها م عارفه المهم انسونا ياخ،قضينا يوم حلو مع مزن وبعدها كلنا ودعناها وطلعنا،،في الطريق امي اتصلت لي،،سلمت علي وسألتني اذا رجعت قلت ليها في الطريق ادتني ريل اتكلمت معاها قالت لي اشتقت ليك ع فكره،،قلت ليها كتير والله اصلا حاجيكم قريب ركزي في قرايتك بس،،قفلت منهم ولم وصلت البيت لقيت ميرو وماهر قاعدين في الصاله بيتونسو، ،ويقين وشهد كانو في المطبخ سلمت عليهم وع طول طلعت الغرفه فوق،،كل مره بشوف ماهر مع ميرو بحس بي ذنب لازم افاتح ماهر في الموضوع واشوف اذا بيحبها!..غيرت وكنت نازله تحت ماهر جا طالع، ،قال لي كيف كان يومك؟..قلت ليه ظابط الحمد لله، ،قال لي نازله تحت؟قلت ليه اي بس ي ماهر عايزه اسألك، ،قال لي اسألي،،عاينت ليه وسكت،، قعد في الكنبه وقال لي ريان في شنو احكي!..كنت بلعب بالخاتم الفي اصبعي وباكل طرف شفايفي، ،قال لي ريان م تتوتري احكي في شنو؟قلت ليه انت وميرو في بينكم حاجه؟ بتحبو بعض؟اا م تفهم غلط انا م متضايقه ابدا دي حياتك وانت حر، ،بس يعني حأكون متضايقه من نفسي جدا لو. وقفت بينكم،،وقف ع حيلو وقال لي لا ي ريان مافي بينا حاجه اتطمني وع طول طلع.
ع لسان ماهر:
بعد كلامي مع ريان طلعت طوالي،،يعني معقول ريان م شايفه حبي ليها؟ م شايفه خوفي الباين في عيوني وكلامي وتصرفاتي؟،،ولا كمان خاته في بالا اني ممكن اكون بحب ميرو؟اكتر حاجه وجعتني لم بررت كلاما وقالت انها م متضايقه وانو دي حياتي وانا حر!..م هو انا م عايز اكون حر عايزا تتدخل في اي حاجه في،حياتي عايز احس اني مهم بالنسبه ليها!.. لو م كنت طلعت في وقتها كنت وصلت ليها حته اني بحبها بس بطريقه م كانت حتكون ظريفه ابدا فأحسن حاجه اني طلعت طوالي،،م قدرت اقعد في البيت ف ع طول طلعت، ،في الطريق اتصل لي احمد وقال انو عاملين لمه في بيت جدي يوم الجمعه ولازم نمشي كلنا طلعت لاقيت الشباب وغيرت جو، ،واحد منهم قال لي شنو ي ماهر م نفسك تعمل لينا عرسك ده من اول جديد عايزين نفرفرش،،قلت ليه لا والله ي ابو الشباب جات كده خلاص،،رجعت البيت بالليل كده لقيتهم ملمومين في الصاله قعدت ووريتهم اللمه في بيت جدي وطلع عندهم خبر،،ريان كانت قاعده وشايله انوس وبتلعب فيه اساسا م كانت مركزه معاي او مع وجودي ف استاذنت منهم وطلعت الغرفه قبلها،،كنت ماسك تلفوني لم هي جات داخله،،قالت لي ماهر العشا، ،قلت ليه م جعان اكلو انتو بالهنا، ،قالت لي طيب وع طول طلعت،،م عارف حياتنا ح تستمر كده كيف وهي اصلا م حاسه بي وم مركزه معاي
