ع لسان محمد:
البيت بقى خفيف جدا من بعد ريان مشت..ريل وراشد كان بعبرو عن فقدهم ليها وانو كانو بعملو مواضيع مع بعض .. سارة كانت بتقول ليهم م حتطول شديد هسة حتلقوها جات وحتصدع بيكم.. رامي كان مكتفي بانو يراقب وهو ساكت ..اثناء م نحنا ملمومين في الصالة ريان اتصلت فيديو لراشد ..قال ليها ي مفترية تضربي ياداب؟قالت ليه كنت بستمتع بونسة حبوبة اسيا ي ابني..راشد شال التلفون ومشا ع سارة ورامي ع طول قام وطلع غرفتو..كلنا اتكلمنا مع ريان وسلمنا عليها ..بعدها انا لحقت رامي وطلعت ليه في غرفتو ..دخلت ولقيتو ماسك كتاب في ايدو ..اول م شافني قفلو وقال لي اتفضل..قعدت جنبو وقلت ليهو انت بتعمل كدة ليه؟قال لي بعمل في شنو ي ابوي!..قلت ليه انت عارف قصدي م عايز تتقبل اختك زي م اخوانك عملو ليه؟قال لي ابوي انت مفروض تكون اكتر واحد عارف ..قلت ليه اعرف شنو؟الموضوع م مستاهل دة كلو ريان تصرفاتها كانت عادية كبرت ولقت ابوها متزوج ومسافر مخليها اكيد م حتحبني وانا بعيد ي ولدي انت الكبير والواعي في اخوانك هم يطلعو اعقل منك؟حاول اتصرف معاها بشكل طبيعي في النهاية هي اختك..اتكلمت معاهو وطلعت ع أمل انو يبدا يستوعب كلامي ويتغير شوية!!
ــــــــــــــــــــــــــــــــــــــــــــــــــــــــــــ
ع لسان ريل:
قاعدين انا وشادن بنحل في مسألة فيزياء نهاية اليوم ..خلصنا وقعدنا نتكلم شوية ابتديت انا وقلت ليها البيت مسيخ من غير ريان..احساس انو يكون عندك اخت تتهابلي معاها في البيت حاجة حلوة جدا وانا كنت فاقداها لوقت طويل..قالت لي الحمد لله انو علاقتكم ظبطت ي زولة كلها فترة وتجي وتقعدي معاها ع طول..قلت ليها ان شاء الله ..بعدها راشد جاني ودعتها وطلعت ركبت معاه..قلت ليه راشد عاورة اكل ايسكريم..قال لي ريان دي كمان علمتك حركات لكن مالو نمشي ..مشينا وطلبنا واتحركنا ع طول ..دخلنا البيت وم كان في زول غير رامي ..دخلت غرفتي غيرت وكنت حاموت من الجوع فنزلت المطبخ علشان اشوف لي حاجة بتتأكل لقيت راشد بيتناقش مع رامي في موضوع ريان وانها اختنا وبتاع..م اتدخلت ابدا ومشيت عملت لي سندوتش جبنة وكنت راجعة غرفتي لحد م راشد قال لي ريل تعالي هنا ..شتمتو في سري ومشيت قعدت قال لي انت شايفة تعامل ريان معانا صح لو بتكرهنا الجابرا شنو؟قلت ليه هي م كانت بتكرهنا كل الموضوع اننا م كنا قراب من بعض كفاية وتعاملنا كان سطحي..راشد عاين لي رامي وقال ليه زي م قلت ليك حاول تطلع من جو الانعزال الانت عاملو دة..رامي قال ليه انتو اتقبلتوها وانا م فرضت رايي عليكم ف م تحاول انت تفرض رايك علي وخلانا وطلع..قلت لي راشد خليه مع الزمن حيتغير دخلت غرفتي نمت صحتني خالتو سارة بعد م اتغدينا وكدة قالت لي ريل ملاحظة ليك طوالي لافة شعرك دة وحدة حتنتهي منو تعالي اقعدي اسرحو ليك ابتسمت وجبت حاجاتي وجيت قعدت وهي ابتدت تسرح فيني💕!
ــــــــــــــــــــــــــــــــــــــــــــــــــــــــــــ
"تنهدت للمرة الاولى..الثانية..الثالثة......وفي تمام المئة رفعت صوتها قائلة احبك🖤.."
