" "Every moment I look at you I fall in love with you again❤️!."
ع لسان ريم:
صحيت الصباح بيد بتلمس في وشي، ،اتقلبت ع الجهة التانيه جاني صوت لؤي وهو بيقول ريم ي ريم كفايه نوم الله يرضى عليك..فتحت عيوني واتقلبت عليه قال لي صباح الخير ي كل الخير ♡..ابتسمت وقلت ليه صباح النور ي قلبي،،قال لي ده الصباح ولا بلاش ادخلي الحمام وتعالي نفطر علشان طيارتنا الساعه 10 ..قلت ليه بالنسبه لاني م عارفه نحنا ماشين وين؟،،باسني في خدي وقال لي اجهزي اجهزي وبطلي كلام،،دخلت الحمام وطلعت صليت بعدها لقيت الفطور مرصوص واضح انو خدمه الغرف جابت الاكل وانا نايمه..لؤي مد لي ايدو وجراني قعدني جنبو قال لي عمري الفات د كلو ضايع بسبب اني م اتصبحت بالوش الحلو ده من زمان..قلت ليه هو في زول حلو هنا غيرك؟انا الضايعه والله،،قال لي فصلتيني خلاص ارح ارح ناكل🤣 ..خلصنا من الفطور وطلعنا من الفندق لفينا مسافه بالعربيه وبعدها اتحركنا ع المطار لاقونا علي واحمد ودعناهم وشالو مفاتيح العربيه من لؤي وبعدها دخلنا صاله المغادره،،قبل الاقلاع بي 5 دقايق عرفت من لؤي اننا حنمشي تايلند 🖤
ع لسان لؤي:
تايلند من افضل البلدان السياحيه بحثت عنها كتير وانجذبت ليها من خلال الصور والكلام القريتو عنها فقررت انها تكون وجهتنا ونتعرف عليها انا وريم سوا..طلعنا الطياره وريم اصرت اديها نبذه عن تايلند قلت ليها من خلال معلوماتي المتواضعه فهي مدينه سياحيه ناشطه جدا، ،السياحه اقتصادهم الاول فعلشان كده بيهتمو بيها،،المناخ فيها رطب وخصوصا في الايام النحنا ماشين فيها دي ..وجهتنا الاولى حتكون العاصمه بانكوك اما الباقي حنتعرف عليه لقدام مع بعض..ابتسمت ومسكت ايدي،وقالت متحمسه جدا ❤️..
وصلنا مطار سوفارنابومي المعروف ب " مطار بانكوك الدولي ".. مطار ضخم جدا وجميل ..اتحركنا بعربيه اجره لفندق جراند بانكوك ..وصلنا تعبانين جدا ريم غيرت وع طول نامت ..انا دخلت اتدوشت وجيت اخدتها فحضني ونمت كمان ♡
ع لسان ياسمين:
تقريبا شغلي انا وحسام في نفس المكان ده ارهب حاجه تمر علي..المشاغلات البتجي ع السريع ،،الابتسامات الجانبيه لم نتلاقى صدفه،،واحساس الراحه اننا في نفس المحل..كنت في مكتبي بلم في حاجاتي علشان اطلع لانو الزمن بتاع الدوام خلص،،طلعت ولقيت حسام منتظرني قدام مكتبو،،قال لي الحبيبه ♡،،قلت ليه المريود،،ضحك وقال لي مشينا؟قلت ليه ارح ..ونحنا طالعين اتلاقينا مع دكتور سامي عاين فيني مسافه ودخل تقريبا دوامو كان مسائي في اليوم ده..حسام عاين لي وقال لي د مالو بيعاين ليك كده في شنو؟..قلت ليه ارح بحكي ليك قدام،،وقف وقال لي لا احكي هنا،،قلت ليه حسام روق،،كل القصه انو حاول يصاحبني ورسل هدايا وحركات بس رجعتها ليهو ووقفتو في حدو ..صر لي وشو وقال لي هدايا؟علشان كده يوم الورد رميتي لي وقلتي لي انا قلت ليك بطل حركات؟يعني الخايب ده كان خاتي عينو عليك؟.اتحرك وكان راجع يدخل المستشفى تاني وقفتو وقلت ليه شنو شنو ع وين؟قال لي اوريه انك بتخصيني علشان تاني مره لو رفع عينو وعاين ليك م حيحصل خير،،قلت ليه حسام مافي داعي، ،رفع صوتو وقال لي كيف م في داعي يعني اخليه يعاين ليك في الطالعه والنازله وانا واقف زي العمود حتكوني مبسوطه كده؟ قلت ليه حسام راعي لكلامك انا لو مبسوطه بحركاتو م كنت وقفتو قبل م انت ترجع حتى وخليتو وطلعت ع طول..
