"ويحدث ان يراودك الحنين بعد ما اقسمت جاهدا انك لن تحن ابدا 🖤"
ع لسان سارة:
جية محمد لخبطت حاجات كتيرة جواي..انا كنت متحفظة ع مشاعري من ناحيتو وحاولت اكرهو من لم اتزوج وجاب ضرة فيني..طيب ليه هسة من لم جا وانا م ع بعضي..ليه حاسة اني لسه بحبو مش د نفسو محمد الانا طلعتو من حياتي وكملت عادي؟ ..ليه هسة بفكر فيه تاني،،كتير بتجنبو وم بحاول اقعد معاه علشان م عايزة اتعلق وارجع سارة القديمة سارة الحبت محمد من كل قلبها وهو جازاها بانو اتزوج وخلاها هي وبتو ورا ضهرو.. بالرغم من الصراعات دي بس مبسوطة انو ريان بدت تتعامل معاه في الاخر هو ابوها وهي م تستاهل تعيش طول عمرها فاقدة احساس انو ابوها يكون جنبها..كنت واقفة في المطبخ بعمل لي في قهوة وسرحانة وبفكر فجاة حسيت بريان وهي بتحضني من ورا،،قالت لي الجميل بيفكر في ايه؟ ابتسمت ولفيت عليها وضميتا زيادة قلت ليها بيفكر في بتو الحلوة دي.. ضحكت وهي بتغمز لي وقالت دة علي انا برضو ي سرو؟!قلت ليها قصدك شنو انت،،قالت لي ولا حاجة القهوة دي لسه م طلعت؟كالعادة يعني ريان شاطرة في تغيير المواضيع وانا واثقة انها فاهماني وعارفة اني كنت بفكر في محمد..ونحنا واقفين راشد جا نازل قال لينا صباح الخير يحلوين ..ريان قالت ليه صباح دة لكن علشان م وراك جامعة ارتحت في النوم ..بقا يضحك وشال كباية وعمل فيها شاي ،،قال ابوي طلع ع الشركة قلت ليه ايي طلع.. بعدها القهوة جهزت شلناها وقعدنا كلنا سوا..عاينت فيهم وقلت مبسوطة جدا انو علاقتكم حلوة مع بعض..راشد خت ايدو في كتف ريان وجراها عليهو وقال لي وانا مبسوط منكم جدا ي خالتو والله..ريان قالت ليه خنقتني ي ع عواليق فضلو يتناقرو وانا بعاين فيهم ومبسوطة شديد 💛..
ــــــــــــــــــــــــــــــــــــــــــــــــــــــــــــ
ع لسـان نهى:
اليوم م عندي دوام فصحيت ع راحتي ..نزلت ولقيت امي بتجهز في الفطور صبحت عليها وكبيت لي شاي..قعدت وقلت ليها هناء طلعت الجامعة؟قالت لي اي ..بعد خلصت من الشاي قمت وفضلت اساعد فيها..اخر حاجة دخلت غرفتي استحميت وشلت التلفون..فتحت قروب الشلة رسلت ليهم ي شابات.. بعد مسافة ردت لي ريان بـ ي حلوة..فضلت اتونس معاها مسافة وواضح انو الباقيات مداومات ..اخر حاجة ريان قالت فاضل 5 ايام واسافر بعد بكرة ضروري نطلع السوق لانو الجمعة معزومين في بيت جدي..قلت ليها ظابط طيب..بعدها نزلت تحت وقعدت مع امي.."انا زولة حياتي كلها متمحورة حول امي واخواتي وصحباتي اولا والشغل ثانيا.. ابوي اتوفى ليه قريب 10 سنين وبم اني البكر ف طبيعي بكون شايلة هم امي واخواتي .. اختي الاصغر مني مباشرة نهال اتزوجت بعد قصة حب طويلة ..امي كانت شايفة مفروض اتزوج انا اول وكانت حتطلب من نهال تاجل زواجا بس انا كنت حاكون انانية لو خليتا تستنى لسه لاني اكتر وحدة عارفة هم بحبو بعضهم كيف.. اضافة لاني م نفسي اتزوج واخلي امي وهناء وراي ،،اولاد اهلي عموما عندهم انو المراة م بتشتغل تقعد معززة مكرمة في بيتها والعايزاه يصل ليها.. وهم شايفين انهم كدة بعظمو زوجاتهم بس بالعكس د قمع وتحطيم احلام .. وانا مستحيل اقبل بحاجة زي دي ورفضت كذا واحد منهم..م عندي زمن اضيعو في علاقات وانا م عارفة هل حتنجح ولا تكون فاشلة وتستنزف مشاعري م عندي طاقة للحاجات دي انا سند اهلي ولازم اكون قوية عشانهم 🖤 ..
ــــــــــــــــــــــــــــــــــــــــــــــــــــــــــــ
