: رديت لمكاني
: العراق غالي
: هواي
اخذنا جنطنا ما خلاني اشيل ولا وحدة بس ادفع صعدنا بسيارة دنروح للعائلة عاد
اول ما وصلنا لبيت اهلي
نزلت من السيارة ونزل زوجي الجنط ضليت واكفة كبال باب الحديقة اباوع للبوابة
تذكرت لمن طلعت من هنا عود عروس
عروس الحزن ثوبها ومتزينة بكسرتها
عروس دفنت نفسها بحياة مالها قيمة عايشة جسد بلا روح مع زوج ما متقبلها بقربة
عروس راسمة ابتسامة مصطنعة على خدودها جانت غايتها الانتقام طلعت تنتقم من روحها بس
قاطعني محمد وهوا يلزم ايدي ويبتسم
جريت نفس ولزمت الجنطة التندفع وهوا شال الجنطين الباقيات دفعت الباب وفتت
ابتسمت بخيبة لمن تذكرت هذ الباب الي ما نقفلة بس لمن ننام النهار كله مفتوح وهسة مو وكت نوم تاركينه
طبيت شفت سيارة قيصر وسيارتي مليانة تراب ههه والله وكت اللامبر هيج يصير بوضعها
وصلنا للداخل دكيت الباب صوت خالة خولة اجت فتحته ولمن شافتني فتحت عيونها على وسعهن مصدومة
ضحكت وحضنتها وهيا بدت بالهلاهل مالتها على صوتها طلعت امي جانت وحدها بالصالة ونزلو اسيل وقيصر من فوك
سلمت على خالة واخذت الجنطة من ايدي وطبيت وصلت امي الجانت جنها جبل بس مهزوز
وكفت كبالها هيا شامخة بنضراتها بس ملامحها ورجفتها تكول غير هالشي
بقيت واكفة تقريب 15ثانية وهيا تنهز كدامي وجها مخنوك وحت النفس كاطعته ابتسمت ولزمت ايدها حسيتها رخت لدرجة دموعها نزلن ورجفتها زادت
بلا كبرياء وبلا زعل وبلا عركات اريد اذب روحي بحضنها وابجي اريد اطلع قهر الي بداخلي يم امي واشكيلها اني مو حجر
امي المفروض هيا كتف الانسد علي وامي من صدك سند بشموخها هذ
اريدها تمسح شعري وتبوسني وتطمني انو ماكو شي مازين يستمر
كتلها باحساس طالع من كل كلبي اشتاكيتلج
من كتلها هيج خانتها دموعها ونزلت بغزارة وجرتني لحضنها اني بعد ماتحملت صرت ابجي وياها لئن كلبي تعب واني احمل الهم لوحدي ومستحيل الكا احن من كلب امي عليا كل الامهات هيج رغم عصبيتهن وقوتهن كلبهن علينا
اني ابني اموت اذا صارلة شي واني اصلا ماشايفته شالح امي
كل الي بالهم ابجي من حضنتها لئن مشتاكة لو شي بس الي بكلبي مو هيج
BINABASA MO ANG
احساس منحور
Romanceاحساس منحور اسراء العزاوي "خيالية" عشك غلط لا اكدر انسة ولا اكدر اترك اكليبي ________________ رغم محبتي له ادرت ضهري وقلت فلتحترق انت وقلبي ________________ وبتعب فلاح اثاريني احرث بذور بارض ماهي ارضي
part17 ج2
Magsimula sa umpisa
