وجدان : بنت لحراام تمشي تحضي غي بنتها بعدا وهي لي جا يطلعوا معها ويهرب .. ولكن بلاتي لما نربيها ونوريها كيفاش تدوي على لاليتها .. واش گلتيها لأوس
ليلى بتوثر : احم أه
وجدان : إوا أش گالك
ليلى تزنگات ونطقات : بغى يجي يخطبني
وجدان 😳 : أأأ ... حلفي حلفي
ليلى : والله العظيم غذا غيجي لدارنا
وجدان فرحات : هههههه شتي أنا فال خير علييك غي تخطبت أنا ليووم وغتخطبي نتي غذا
ليلى : فال مخري گلاك خير مشتيش لقتلة لي غناكل فدار
دخلات حياة عليهم لغرفة وقالت : يله البنات نوضو تعشاو راه حطينا
ناضو مشاو ولتاحقو بالاخرين وتجمعو على طبلة لي كان فيها كل ما لذة وطاب من مأكولات مغربية 💯 هالبسطيلة ولحم بالبرقوق ودجاج مدغمر على حقو وطريقو وشلايض مستفين في طباسل صغاار وديسير على الاشكال ونواع خلاصة القول حياة تهلات وكبرات بناس بنتها
لالة ثورية : نتوما مالين لخير الالة حياة ولكن لاش معذبين راسكم
حياة بابتسامة : عذابك راااحة الالة ثورية تستاهلو ماكثر .. يله بسم الله
شرعوا في الاكل لي كان بنيين وعجبهم بزااف وبالأخص ياسمين حيث قلييل فين كتاكل الاكل المغربي تقليدي ... وهكذا داز يوم الخطوبة ديال وجدان وجاا الوقت فاش غيمشي كل واحد لدارو
رفاييل ناض وقف : سي سعيد مدام حياة تشرفت بمعرفتكم وخليناكم على خير
سعيد : شرف لينا اسي رفاييل
لالة ثورية : الله يخلف وشكرا ليكم على هاد الأمسية الرائعة
حياة : بصحتكم الالة ثورية
رفاييل : راضية واش مغتمشيش
راضية : لا غير سير نتا أنا غنبقى مع العيلات نعاونهم
حرك ليها راسو وخرج وتبعوه الاخرين من غير سعد لي كان مع وجدان ماساخيش يمشي ويخليها وأوس لي باغي يدوي مع جميلة
حنحن أوس باحراج وقال : خالتي جميلة عفاك بغيتك واحد دقيقة
جميلة قالبة سيفتها ومنفخة : يااك لاباس لاش باغيني
غمض عيونو باش يهدن راسو وحسب في خاطرو حتى لعشرة باش ينقص غضبو وميخرجوش فيها وعاود حلهم ونطق : فواحد الموضوع مهم مكيتأجلش
أنت تقرأ
الغرام المستحيل
Actionالقصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜 نتمنى القصة تنال اعجابكم و دعموها 😘
part 41
ابدأ من البداية
