من بكري كانت عندي نظرية الأنسان يقدر يطير نجربونا؟😏
*يا نطلقو يطيح يموت
*يا نقعد شادو يختانق ويموت
.
_ط..طلق..ن.
_واش؟؟ نطلقك؟ أوكي
بعدت يديا والبغل هبط بلا جنحين.
كي درت لقيت رولا تشوف فيا جامدة عقدت حواجبي وعطيت عليها تهبط قبل ما يلحقو عليها بعدت بكل قوتي انا وصرب لكانو هابطين ورانا أخيرا شفت للتحت مكانش لازم عليا نغفل عليا حتى نصف ثانية هطبت انا وصرب للتحت وشفت فالحارس تاع حيدر واقف قدامها بسكين تبسمنا فزوج ونحينا ليماسك كي عينو طاحت علينا وجهو تبدل لونو
.
طبعا وعلاش ميتبدلش وهو كان شاهد على كل تعديب كنا نمارسوه على الخايين فالغروب كي كنت نخدم معاهم
الحمار كان فاهم كفاية باش يحافظ على حياتو ويهرب.
لطقت البنت لي قدامي
.
ختي بمعنى اخر
.
ختي؟ شحال بيزاغ هاد الكلمة!
.
التبسيمة لكانت على شافتها طويلة عريضة وصفقت بحماس شافت فيا شحال منبعد هزت يديها بحماس
__شفتووو كي خاف مني!!!
هزيت راسي
.
كيوت
.
صرب: معليش تكملي بينا للمخرج
قلبت عينيها منو وكملنا فوسط الغاشي المتزاحمين لبرا غيث🎙️: المخرج الرئيسي راه...
صرب: محلول علابالي انا امرتهم يروحو للمخرج الشرقي لانو متوقع راح نخرجو منو.
حكمت رولا وشفت فيها
_لازم تخرجي دوك منا وتجري بلاما تشوفي وراك متحبسيش حتى تشوفي شاحنة نواغ راح يلقاك غيث
_ب..ب..بصح ونتوما و..و.كون يخرجلي ك..كاش و..احد
كانت ترجف شفاها ميقدروش حتى يكونو جملة مفيدة قلبي وجعني على داك المنظر زميت شافتي وحكمت وجها لكان غوج مالخوف
_شوفي فيا مليح!!
يدي مسحت دمعة هربتها بسرعة
_وعد راح نخرجك منا سالمة راح تخرجي ومراح يصرالك والو مدام فيا نفس راح نحرص باش ترجعي لعائلتك رولا
حبست وقعدت تشوف فيا مصدومة الرجفة حبست وعينيها قعدو لاصقين فتاوعي
_ك.. كيفاش؟؟ صرب؟
شافت فصرب لي نحى الجهاز من ودنو وحطو في تاعها
تكلمت انا متجاهل سؤالها مش وقت نفهمها
_ديلن
ديلن🎙️: اني هنا أرسلو البرنساس مكاش لراح يمسها
رجعت شفت فيها
_كيما قتلك
هزت راسها شافت فينا وبحركة مفاجأة طلعت بالطول وعنقتني انا وصرب
_راكم جايين؟؟🥺🥺
صرب: لازم نأمنو البلاصة ونلحقوك
_ص..صحا
راقبتها كي بدات الجري وتنهدت
.
سوري سيس
.
رجعنا للمخرج الشرقي للبناية عند اول خطوة لبرا الاسلحة كانت فوجوهنا
.
فوسطها حيدر واقف يدخن فسيجارتو معا خمس رجال
نجيب واقف وراه جامعة يديه
_اه صرب وجلال...ولادي المفضلين...واش علمتكم انا على الخاينين؟نتوما زوج بالدات مالغروب نوغمالمون تتعلمو احسن من انكم تخونوني...متعلمتوش مالدروس لي عطيتهالكم نتوما و البقية للأسف...شكون قتل لافانت
تكلمت انا بتبسيمة مستفزة
_انا
_يعني هكدا تشكر الراجل لي رباك وكبرك؟ ونتا...ولدي؟ ودلي اناااا! لالالاء ماشي هكدا خصني نربيكم فزوج
كي جينا نطلعو سلاحنا شار بيدو لرجالو
حيدر: منظش هادي فكرة مليحة يلا راكم باغيين رولا توصل امنة لبرات الميتم🌚
.
عاودنا حطينا يدينا بصدمة
.
من تحت الجهاز سمعت ديلن يتكلم ماشي معايا بصح معا نفسو
_شيت شيت شيت!!!! كاين قناص وحداخر منعت راسي برصاصة بسيف شيت!!!
نظن انو صرب سمع نفس الشي وحط يديه معايا شاف فيا مالازمش نتقلقو ظربة مالعدم جاتني على وجهي بوكس لعطاهولي واحد مرجالو كان يوجع صراحة...(نتيجة التدريب لسنوات صرب نفس الشي بصح ما داقعناش على روحنا قعد الوضع هكدا ونجيب قاعد يشوف فيا يدو مكسورة قبضة حتى لمقدرش يزيد يتحمل بصح شفت فيه بعينيا
صرب: واش من دروس كيما هادو بابا العزيز مرجعوش ينفعو
حيدر: يعني مكانتش كافية باش نبيعلك البنت لتبغيها
ونتا
شاف فيا
.
_سرقتلك ختك سرقتلك يماك سرقتك ونتا صغير..علمتك الاعمال غي المشروعة وطلعتو فزوج على يدي ههههه عندكم اسلوبي ومتقدروش تنكرو هاد الشي...
_طبعا وعليها راح تخلصها غالية
تبسيمة جانبية حطت على وجهي هو عقد حاجبو قبل ما ينطق بابا ويطلع سلاح في راسو
نجيب: راح تخلصها كيما قال ولدي مسيو حيدر على وساختك لي لعبتها معايا على عائلتي لي فركتها بسبتك على لعبك الوسخ معا ولاد الناس
حيدر: وعندكم اثباث ههه نتا شريكي فميتم مش فأعمالي انا؟ تحسب معلابالي علاش شاركتني مسيو نجيب
طلعت يدي نمسح فمي مالدم وقمت نحيت الجهاز الصغير من ودنو
_كون جيت فبلاصتك مانهدرش على بكري قول هاد الشي لابوليس برا
#صرب
لاول مرة شفت عينين بابا وساعو فينا بصدمة لاول مرة نحس عندي اليد العليا على بابا شاف فيا فيهم كامل شاف فيا انا
.
_يعني أخيرا تغلبت عليا هه ولدي انا...كان لازم عليا نقتل رولا من اول نهار..
نجيب عصر السلاح فيدو وهو مطلعو فوجهو صوت لابوليس وهوما داخلين من برا بدا يقري وبابا مهتمش وكمل
_نقارتح عليكم تقتلوني يا سادة لاني بلا دخلت للحبس وخرجت راح تكون خرات عليكم بالواحد واولهم حبيبتك رولا
نجيب: هادي طريقتك باش تهرب مالذل تاع الحبس حيدر؟؟ الموت راح تكون راحة ليك راح تدخل للحبس وتخلصها بالقطرة على كلش.
الفصل 35
Start from the beginning
