_خفت عليك اليوم راكي حاسبة روحك مليحة
صفاء: علاش واش صرالها !!
اونور: مخبركمش جلال؟ فقدت الوعي فوسط الكوغ
_شافو كامل فيا وانا تلبكت بصح تبسملهم
_هه حسيت بدوخة بصكو مكليت والو صباح😅اونور علاش راك تكبر فيها
صفاء: ايه طلعا كبيرة!! حبيبة قلبي طاحت فوسط الكوغ وانا لا خبر!!!!! جلال كيفاش مقاتلناش!....جلال؟؟؟
كان شارد علينا فعالم آخر حاكم السكين ويطعن فماكلتو بيها (علابالي شكون لكامل تفكرتوه دوك نفهمكم انا😂🤛🤜
تبعت عينيه وللمرة الثانية كان يبحلق بعصبية فيد اونور على يدي
.
الوضع مراحش يكمل على خير يا رب استر يا ربي اونور يخرج عايش ياربي يخرج براسو لاصق فكتافو يارب
.
عمر: جلاااااال
_هه؟؟؟
_علاش مقلتلناش ر... نادين اليوم فقدت الوعي ؟؟واش صرا
_الغوز مجاش عليها
اونور عقد حواجبو عمر تنهد وصفاء عطاتو نظرة
_ مديريش عليه حبيتي نونو انتي اجمل بنت بالغوز خطيك منو شابه لجدو
عمر: خير مالو جدو؟؟؟
_خرف على بكري🙄
_عمري تسعة وخمسين🙄
_ستين😏
اونوى مقدرش يقاوم قعد يظحك وانت كي شفت ظحكتو تلطف الجو شوية بصح الرعد كان يضرب من جيهة جلال وهو يشوف فينا متبسمين معا بعض...
كملنا الهدرة معظم الوقت جلال يجاوب على أسئِلة البقية باختصار فهمت انو قالهم كنت مسافر للخارج باش يكمل ثاوني تما ورجع هنا يقرا ليسي قبل فترة الليسي واش صرا؟كيفاش رجعو لقاوه؟؟
_اونور محكيتلناش على روحك شوية مصارتلناش فرصة نتعرفو عليك من نهار جابتك نادين عنا الدار
جلال طمع يديه بابتسامة عريضة كشغل كان يقولي 'ياك جبتيه وكامل واو روعة 🙂👏'
جلال: وله حكيلنا شوية كي تلاقيت نتا ور..اوبس قريب عيطتلها ريا ههه نادين مش عارف علاش ديما نقولها ريا
قلبي طاح تحت الطابلة وشفت فأونور لي مداهاش فتعليقو رجعتلي النفس
اونور: بابا كوتش منبكري مايلين للsport سو..ترينيت تايكواندو
جلال: واو يعني كون يخرب فيك واحد ديرلو كي جاكي شان؟
اونور: هذاك مارانيش🙄
جلال تبسيمتو وساعت وركز خدو على يدو: واش رايك توريلي شي حركات برا...
يدي زيرت على الكورسي تحت الطابلة حتى قريب كسرتو راني عارف وين راه رايح بيها اونور مراهش عارف الهمجي لي راه قاعد حدانا واش قادر يدير بيديه مازالت الظربة لي عطاهالي ديلن فوق الحلبة توجع لحد الان الله اعلم على واش كانو يظربو بديك القساوة
اونور: متأكد تخاف نكسرك بغلطة
تبسمية جلال رجعت ظحكة عالية لاول مرة ملي رجع لحياتي شفتو يظحك هاد مسح دمعة هربتلو مالهستيرية لي حكملتو
_غي بشوية عليا مالا انا نخاف مالعنف الزايد.
☄️
.
صفاء: إه طبعا طبعا خرجو لمعلب الغولف شكون شوية هوا بيلاما وجدو الحلو
كيما سمعتو غولف فالحديقة الخلفية يعني ست ميات متر مربع غي حديقة غولف🤦
خرجو الحديقة قفزت انا
_نجي معاكم!!
خرجنا للحديقة اونور يتمشا حدايا وجلال قدامنا يديه فجيبو تاع الشورت حبس ودار
_يالله وريلنا شوية كونغفو يا نمر
اونور قلب عينيه: تايكواندو🙄..راك منيتك؟ اني رايح لطونوبيلتي هه
_واش خايف؟
اونور حبس قدامي رجعت ملامحو سيريو من كلمات جلال المستفزة
_طبعا خايف عليك
_خاف من هادي
بوكس من حيث لا يدري جا لوجهو بصح بعد للورا آخر ثانية حتى انو قريب تلمسو
جلال: هههه عجبني ريفلاكس تاعك
_باغي تلعب خشين تسما
اونور رحتلو البوكس بصح جلال مبعدتش... داه الشي لخلاني يرجع خطاوي شوية دم بانت في شافتو
حطيه يدي على فمي بصدمة و وشفت فأونور لتبسم
