☄️
.
HE'S BACK.
.
🎧❤️😍
.
كنت فنفس الموقف معاه مش عارف اي نوع هو ديلن كون يحط يديه عليك تكمل بيك كوما اول كوما مكانش نهاية خلاف وبيناتنا خفت على وجه اونور يديفورما وانا نحبو كيما راه🤦🌚
_نانا تصالحتو
غيرت الانتباه تاع الجماعة لنانا وغيث دوك شافو في بعضاهم نانا قلبت عينيا ولعبت بشعرها بغرورو سحبت ميرا من دراعها
_ابدااا😒😒 نشوفك منبعد ر..إه نادين عمل كوغ غيث تنهد عطيتو تبسيمة متعاطفة هزلي راسو مشى للكوغ تاعو ديلن نفس الشي وانا سحبت اونور للكوغ تاعنا.
قعدنا فاول طاولات جيهتي على الحيط فوق راسي بوستار تاع مارلين مونرو كل شوية يطيح فوق راسي شفت الرخيص حدايا قاعد يظحك هو ونجلا صحبتي الجديدة تعرفت عليها فبدية هاد الكوغ هي تاني من عشاق المسرح كلهم هنا يعشقوه ما عاداي. شفت فأونور لي طاح شعرو الماغون على عينيه وهو يضحك على عذابي معا البوستر دقيقة منبعد كنت انا قاعدة مالجيهة لخرى وهو جيهة الحيط وجهو هاك😑وانا لي كنت نظحك🌚.
حبسنا كامل الهدرة كي دخلت الاستاذة باش تبدا الكوغ..
_الوغ المسرح نقسم لنوعين التراجيديا المأساة و الحزن و... كنا فوسط الشرح الممل حتى نتحل الباب انا مشفتش لي دخل كنت لاهية يهدرو نجلى تهدرلي على كرونيك قراتها البارح صوت الاستاذة رجع قاطعنا
_اه اليوم دخل معانا طالب جديد نتمنى كل يرحب بيه
كنت مازلت نظحك على كلام نجلى عام كامل وهي تتمنى يجيها واحد جديد كيما حكايات يوقع فحبها كل مرة تبدا تحكي انا منقدرش نشد ظحك ياخي مسكينة
أخيرا سكتنا كلبروف عطاتنا نظرة تاع مرغتوها..طلعت عينيا بشوية مازلت متبسمة نشوف فالباب بصح كشفت شكون دخل من وراه تبسيمتي ذابت
عينيا وساعو الدم جمد فعروقي !! كأنو الدقيقة رجعت ساعة تفوت بكل بطء مألم
حسيت كلش كلللش حبس من حوليا حسيت حتى نبض قلبي حبس فجأة مرجعتش نسمع صوت الاستاذة واش قاعدة تقول ولا همس صحبتي على لي دخل.
مرجعت نشوف والو من غيرو هو واقف تما بكتافو عراض كأنو مالك الدنيا يديه فجيبو ووجهو كعادتو خال من اي مشاعر الوضع مدامش هكدا بعد دقايق دعيت فيهم ربي السماوات السبع باش مايشوفنيش بصح كي عينيه لقطوني من بين كامل دوك الطلاب هو تبسم على جيهة وانا نفاسي حصلو الداخل قريب خنقوني
يديا بردو الدم مرجعش يوصلهم وانا نشوف فتبسيمتو الجانبية تاع العادة على شفاهو تخوف كثر من اي وقت فات. نقسم بكل حاجة عزيزةة انو راه مستمتع بوجهي لراه أشارة الوان كي زدت هبطت عينيا ليدو لي كانت حاملة الكاسك تاع الموتو زدت صقرت من بلاصتي برعب داك الكاسك رجعلي دكريات دات من حياتي وقت طويل باش ننساهم
فجأة كل ديك الذكريات المألمة رجعت كالفلاش ورجعت نشوف فيه فلو انا وين عرفت عينيا تعمرو دموع.
راه هنا راهو هنااااا!!!!!!!
لالالالاااا
صدري بدا يطلع ويهبط كي بديت نتنفس بسرعة تقول كنت نجري عشر سوايع على طريق
الاستاذة: تفضل ولدي احكم أي بلاصة تحبها
_شكرا.
تبسم هز راسو بكل ادب واحترام.
قولولي مهبولة معليش بصكو قريب ظحكت وسط الانهيار وانا نشوف فيه وتبسيمتو البريئة الزفت هاديك لقدر يخدعهم بيها كامل الا انا.
هو بعيد كل البعد عن الادب و الاحترام..بعيد عن كل صفة انسان عاقل بعيد عن اي حاجة سموها منطق البلاصة الوحيدة لي لازم يكون فيها دوك يا فالحبس او المقبرة ميت ماشي ليكول مااااااشي معايا تحت سقف واحد.!!! بغيت نعيط فوسطهم كامل "دخلتوووو واحد مريض عيطو لابوليس يعطو لعزرائيل يجي يديه!!!😢بصح اسكو بصح نقدر نعملها شكون راح يأمني!؟؟"
_ دفاك؟ راكي تبكي؟ مالو وجهك صفار واش بيك راكي مليحة؟
كأنو صوت اونور حدايا؟ شفاهي كانو مفيكسيين ميتحركوش نحاول نخرج صوت بصح حتى حاجة ما خرجت.
راقبتو بحذر كعمل خطاوي للقدام😨..كي مر جنب طاولة تاعي نظرة الاحترام رجعت نظرة قتل وشاف فيا كنت قريب ندخل تحت الطابلة نتخبى كون ماشي منعت روحي مالفضيحة آخر دقيقة همس شفاهو تحركو بلا صوت و ببطء شدييييد قبل ما يستخطاني
.
.
.
.
لقيتك!
كمل طريقو وقعد فبلاصتو عيني الكل عليه وانا تاوعي معلقين فالفراغ مزال أثر الصدمة واسع عليهم لازم نخرج منا قبل ما ننهار طلعت يدي لكانت ترجف الكل رجعو شافو فيا
_ن..ن..نقدر ن..نخرج...م..ممدام
شافت فيا شحال وهزت راسها باينة خلعتكم بحالتي لتقلبت فجأة كنت قريب نطيح فلرض متجرأتش نشوف ورايا لازم نخرج منا!!!! بمجرد اني قمت على رجليا م الكورسي مرجعش عندي حول باش نوقف الدقيقة لي وراها كانت احساس ثقيل بالارض تلعب بيا صوت اونور نسمع فيه بعيد من بعد ظلام والكوغ تاعي يتلمس لرض بعنف.
