☄️
"الشلة اجتمعت😎😁"
.
كي وصلنا حس تاع الموطو خلا الناس كامل تشوف فينا علابالي بلي كامل ناس راهي تشوف بلا ما نشوف علاش؟ كنت حاكمة فجلال بقوة عاصرة عينيا ولاصقة فيه بمعنى الكلمة
_وصلنا في نص ساعة تطلقيني ولا لا؟ والله يلا وصلنا😑
_كداب!! زيدت زيرت عليه حط يدو على يدي وبعدها بسرعة زيادة عن اللزوم تاني مرة راه يعملها واش بيه؟
نزل وساعدني باش نحل الخودة رفدها فيدو وحب اافاست تاع الكويغ تمشينا المدخل الكبير وانا نظعي فربي ما نتلاقاوش بأونور عينيا نحلو على جيب صفرا بصح مكاش اوووف الحمد الله..فاتو علينا زوج بنات خارجين شافو فيه منبعد شافو فبعضهم وحدو منهم همست "واو" لصحبتها وقعدو يظحكو بالتخبية جاني شعور نحط على راسو داح الكاسك ونخطفو انا هاد المرة 😒🙄.
_رياااا
صوت نانا جاني مالخلف جات عنقتني وعطات نظرة لجلال
_واش مكانش عناق ليا؟؟
_ريا!
شفت غيث جاي وراها بسرعة رحت عندو لفيت دراعي على خصرو وعنقتو بصح همست قبل ما نبعد 'كلش راه مليح متخافش' حسيت جلال يشوف فيا من ورا ظهري عينيه قريب يحرقونس هذا لا غيث واش بيه😕.
غيث قرب من جلال وشاف فيه
_علاش سلكت نانا؟
هز جلال كتافو
_مانيش رخيص لديك الدرجة رجعتلك نفس كمية رخصك دا مكان🙄
_رولا وين راهي جلال؟
شفنا كامل فيه نقارعو الايجابة بصح هز كتافو ببساطة
_معلابليش
نطقت انا ماشي مصدقة
نانا:كي فاش معلابالكيش!! مش كنت معا صرب
_قلنا معلاباليش
غيث تكلم بين سنانو بنبرة تحدير:جلال !!
جلال:واش بتعيط لابوليس؟ انا منكدبش
انا: كيفاش معلابالكش جلال؟
عطاني نظرة عملت كل جهدي باش ما نرجعش بخطوة ونتخبى ورا غيث
غيث ع فكرة رفع القبضة تاعو وراحت بوكس لوجه جلال
_امنتك وهاك شكري على لي سلكت نانا و حصلتها في نفس الوقت حبيبي
جلال ظحك ومسح فمو من قطرة تاع دم خفيفة هربت من شافتو السفلية
نانا حكاتلي على قصة خطفها بصح مكانش علابالي انو جلال حماها من لافانت شفت في جلال شحال بصح هو مشافش فيا..بقات قصة رولا لي خلاتني نشوف فيه حايرة بسيطة يا صرب
_اه شيتتت!!!
سمعنا ظربة عالية درنا كامل شفنا رانج روفر نواغ كي حبست بصح ظربت
الطونوبيل لي قدامها خرج ديلن وشاف فالظربة بانزعاج خرجت ميرا واقفة حداه
_ديلن مراكش مليح اليوم!!!! واش هاد السياقة
_قتلك ر.راني م..مليح هو ظربني
_الطونبيل كانت حابسة في أمان ربي حتى حد ما يسوق فيها شكون ظربك!!!!
_شفتي هو كداب
طلع راسو منها لينا
ميرا كي شافتني نسات كل شي متحرك حوليها وجات تجري عندي عنقتني
_ريااااا 😃😄
شافت فجلال وتبمست قبل ما يقدر ديلن يمنعها عنقت جلال تاني جلال قعد جامد شحال مكانش يقارع يتلقى عناق منها
☄️
دخلنا للكوغ الكبير تاع الانجلي سمعت ديلن يهمس ورانا لغيث
_ واو جلال طلع يحب بنت وانا كنت حاسبو gay
جلال كيما كان يتمشى دارولو بوكس للكرش
ديلن رجع النفس لي هربتلو مالظربة بصح مبانش عليه توجع شفت فالمهبول حدايا
_باغس تعمل ثقب فكرشو🤨؟!!
_راه مخدر مراح يحس بوالو 🙄
_البغل ساق بميرا هكدا !!
غيث: نظن انو رجع المشاكل معا باباه
شفت فديلن الاول مرة حسيت بالتعاطف معاه😕 يمكن الظغط الكبير وصلو لهاد الشي قعدنا فبلايصنا كنت راح نقعد حدا نجلا بصح جلال جرجرني معاه قعدت بين وين غيث ديلن حدا ميرا بصح نانا هي لي قعدت حدا نجلا قدامنا مخليا غيث حدايا دفاك؟؟
ديلن: فراندزوناتك 😂😂😂😂
غيث ظربو للراس بكايي: بلع نتا
.
شفتو مين قتلكم راني متعاطفة معا ديلن؟ واه هاداك كلامي لي قلتو نسحبو دوك🙂
.
شفت فجلال حدايا شاد ظحكة 🤨
الأعين كانت علينا معظم الاوقات واش بيهم الاولاد قفرو مالجامعة ولا كاين غي هادو ينخلعو فيهم حسيت بشفاهو تلمسو ودني
_تبسمي عمري بنات الجامعة كامل راهم غايريين منك
_بصكو ميعرفوكش مليح
_هههه true
شفت في اونور لي شاف اللقطة هادي ودور راسو كي شفت فيه تجاهلني محاظرة كاملة :( حسيت قلبي تكسر ع كلامو الجارح لاني حقا منستاهلوش..أخ يا اونور كون تعرف انو هاد الشي لمصلاحتك
البروف صفقت يديها بحماس: راح نعاودو كامل نراجعو واش تعرفو على اللغة الإنجليزية..راني نشوف معانا وجهو جدد شارت لينا و كامل الأعين راحت لس راه قاعد حدايا كي تبسم البروف هزتلو راسها وزادت شافت فديلن وغيث
_غيث معليش تعطينا انواع الاسئلة
_ طبعا yes and no question 😑
كتمت ظحكو بسيف غيث الهاكر المطالب قانونية قاعد يعد فyes or no question 😂
ديلن: بصح نسا وحداااا😕
_انعم واش هي ديلن!؟🤔🙂
.
_ودفاك questtrue
القاعة كانت مقلوبة بالظحكة فثانية نستعرف اني نحب ديلن المزطول كثر مالواعي هه. كلهم ظحكو الا اونور💔.
