#Tragic
arcade duncan laurence🎧
#غيث
خرجت سلاحي وشفت فصرب كي كامل لابوليس خرجو والناس كانت لاهية في منعرت واش
صرب تبسم على جيهة تبسيمتو المستفزة كالعادة
_برو نظن عندك حاجة تهتم بيها دوك
عقدت حواجبي على وجهو لي كان سيريو ورجعت خبيت سلاحي كي جا واحد ملي يقراو معانا يجري مفهمت والو من كلامو تحت الموسيقى لي مازالت عالية
.
كاااااش واحد يحبس داك الخرا تاع البااااف
.
كل لي قدرت نفهمو من فمو هو "..برا..طونوبيل..بنت..."
صوت رصاص برا لقط انتباهي بلاما نعبر صرب ورايا نظرة وحدة جريت لبرا كي خرجت شفت الحشود شفت صلاح يخرج فلافانت من فورد تاعو النواغ ويكبلو بسلاسل
.
وديك تبسمية على وجهو خلات قلبي يحبس يا اما اذى واحد مصحابي يا اما اذى واحد مصحابي..ريا؟ رياااا لي خرجت برا
دخلت نجري بين الحشود دفعت كامل لكانو فطريقي باش نلقى واحد حاظنها فلرض ويبكي بقهر يبكي بصوت عالي كنت واقف جامدة ماشي عارف واش لخلعني كثر
.
منظر ريا معمرة دم
.
ولا منظر جلال شادها بقوة فوق حظنو دموعو يهطبو على وجها صوتو كان متألم كثر من اي درجة توقعتو يوصلها فحياتو كاملة ديلن كان بنفس حالتي سلاحو طايح حداه ويشوف فيهم ظايع ع الارجح مخلوع من صاحبنا كثر من منظر الدم على ريا
_ديييلن عيط للاسعاف
مزال واقف يشوف خارج من عقلو كليا
_كاااش واحد يعيط للاسعاف ديييييان فيييييق
صوتي العالي فطنو من سرحتو وفتش على تيليفونو فجيوبهزالامامية و الخلفية.
وهو طول الوقت كان فيدو رفدو يرجف الحمد الله واحد برك تكلم من بين دوك الحشود لي قاعدين بلا فايدة وقال عيطنالهم.
طحت على ركابيا وشفت فريا عظيت شافتي تنفس غيث ماشي وقتك باش تنهار ع الأقل لازم يقعد واحد واعي فينا رمشت شحال من مرة باش عينيا ميظبوش بالدموع منلومش جلال يلا بكا صديقت الطفولة تاعي طايحة فلرض تصارع فالموت كان منظر بزاف عليا باش نستحملو عذبت روحي فعليا باش قدرت نستخطى الصدمة
_جلال بعد عليها
_لااااااااااااا
عطاني نظرة تخوف كي شاف جدية الموضوع رجع شاف فيها صوتو رجع خانو ودحرج مالجديد بألم.
_راهي تموت !
كلماتو كانو يكسرو الحجر زميت شافتي اخر ذرة صبر عندي بدات تزلق
حطيت يدي على رقبتها بسرعة..
.. مزال كاين نبظ بصح منقدرش نتاكد حجم الظرر اذا حركناها بحركة واحدة خطأ رجال لاسعاف وصلو فتوقيت اسطوري وطلبت منهم مني ومن ديلن وصلاح يبعدو جلال عليها بالقوة
.
لولد هذا كانت عندو قبضة تاع حجر كي ينفاعل ارواح نتا وفتحها الدقيقة لي بعدناه منظرها وهي تترفد الداخل وتنغلق خلا عينيه يوساعو على حقيقة الوضع.. فديك الاوضاع تجاهلت صلاح لي ركب فالاومبيلونص معاها
شفت في ديلن حدايا
_تقدر تسوق؟؟شاف فيدو لي تلون بلحمر كي ساعدني نبعدوها من صاحبنا لي نهار وف طريق وهز راسو لا
تنهدت بعنف وشديت بفاتيحي الظاهر انا لراح نسوق
.
مش المفروض لنا لراني فحالة صدمة لانو البنت لي داوها دوك تربات معايا تحت سقف واحد حياتنا كاملة
.
#ميرا
كنت نلم فأغراضي بعنف فالفاليز ديت ع الاكثر 5% مشي لي كان فالخزانة دخلت نانا وجها صفر شفاها يرعشو الباب خبط الحيط بعنف كي فتحاتو حتى تنفظت من بلاصتي زوج ميترات تكلمت بسرعة وبصوت عالي فهمت منو ومن دموعها انو الوضع كان جدي
.
ريا
.
لوبيتال
.
اجري!!!
