☄️
.
.
#ميراكنا كامل واقفين فآخر الرواق هاد المرة مدام صفاء وراجلها مسيو نجيب و وحدة المرا معاه معرفتهاش شكون حتى لشفت عينيها
.
يشبهو لتاع جلال لحد كبير
.
كيفاش منفهمهاش من عينيها مكاش لعندو موجة زرقة مستفزة للنظر كي يطيحو عينيك عليهم من غير عايلتهم...طبعا راح تكون تقربو..هادي الشي يعني تاني انو ليراهم مقابلني يكونو.._والدين رولا
نانا همستلي مكنتش عارفة بلي كنت نخمم بصوت عالي.
_شفتي عينيها
نانا: بوركت جينات العايلة رولا مسكينة كون تجي وتشوف هاد المنظر باباها وماماها...يا ريت خوها كان هنا سألت غيث باش يستخبر بصح عارض وقالي منبعد كيفاش ميستخبرش على صاحبو...راهم مخبيين حاجة علينا
_نانا أيا كان..مراحش ندخلو رواحنا هاد المرة ونعرقلوهم
_بحص رولا و...بفففف صحا ..بصح هاد الشي ميعننيش مراحش نعرف علاش راهم يخبو أصلا يشكو فينا نخدمو معا حيدر نوغمالمون حنا نشكو فيهم😒
.
تنهدت..عندها الحق في هادي المشكل انو طريقتهم في التعامل معا الاوضاع مختلفة وعمرك ما تتوقتها مثلا المنظر المخزي تاع ديلن فالحفلة مزال في عقلي يوجع بصح غير مقنع..شحال من بنت تلصقت في فالجامعة علاش ديك الليلة بالدات
.
صفاء كانت تسأل كيفاش حفيدها دخل للحبس ومكانش لخرجو ومكاش لجبد على واش صرا.
.
رجعت نظري لمدام تسنيم لي كانت واقفة تهدي في صفاء قاعدة تبكي على ريا مسيو نجيب المدير تاع الجامعة تصدقو؟بيزاغ مدير تاع جامعة نشوفوه في فتصاوير المعلقين فالمكتبة لو التيليفيزيون معا مسيو عمر واقفين كامل قدامنا..ع الأقل هو كان شوية بعيد بصح عينيه ما بعدوش من على نظام تسنيم...باينتو يبغيها...يا ريت نكبر انا ودي..شطبو واش قلت مافيهاش😑💔بعد مدة عينيا رجعو يتصلقو وحدهم لبقية ترجاو ه باش يجي معانا لانو الطبيب كان قاطع ممنوع الزيارات دوك وحنا مازلنا بحوايجنا من ليلة الحفلة حتى لي طلع الصباح علينا انا كنت بالغوب كل شوية واحد يفوت يخزر فيا ع الأقل ماشي كيما داك الممرض رايح جاي فالكولواغ كل مرة يبحلق في الكوغ تاعي حسسني اني راني عارية😥 مكانتش فكرة مليحة نجي بالغوب شديت فالفاست فوقي ريحت ديلن ظربتني لنيفي
.
ريحت ديلن
.
ظربني الواقع بقوة دوك..بعدما طفرت يلا درت نيف وقعدت زعفانة منو منبعد نجي بالفاست تاعو فوقي شوفولي كاش حفرة نردم روحي فيها.......ونرقد تاني بصكو رجليا مراحش يزيدو يحملوني..شفت فيهم كامل تعبانين بصح حتى حد ما بين
.
_فوااش راك تشوف
صوتو فطني من جلستو فلرض كان واقف قدام داك الممرض دفعو بقوة من كتفو
_فواش😠راك😠تشوف؟؟
زيرت القبضة تاعي على الفاست فوقي وانا نشوف بحذر ثورانو لي بدا يخرج للسطح
.
ياربي واش راه يصرا جلال داه صلاح الله اعلم وينتا نشوفوه واش عملولو لافانت كان فغرفة اللستعجالات جنب غرفة ريا..قام غيث ونجيب بسرعة وبعدوه على الممرض
نجيب: ديلن ولدي علابالي ماشي ساهلة عليك بصح لازم تهدى
الممرض: يلا قعدت لي جا تهجم عليه مراحش نتردد نخذروك باءبرة راك نزعج فالمرضى
.
شيت كيما يقول هو 🙁
.
خطأ هدرتو كانت خطأ توقيتو كامل خطأة علاش مابلعش فمو ومشا كي سلكو مسيو نجيب🤦
.
هذا كل واش تطلب باش ديلن يحكمو مالتيركو البلو تاعو وبووووم فوق طاولة المعدات الطبية_دوك نشوفو شكون يخدر خوه
حطيت يدي لكانت غارقة فالكم الطويل تاع الفاست على فمي بصدمة الطبيب جا يجري معا زوج ممرضين وحدخرين رؤيتهم زادت من الغضب تاعو حكموه من يديه وثبتوه فلرض قبل ما يعملولو لبرة طبعا هاد الشي قبل ما يرفع رجلو ويظرب واحد منهم بعنف بعدو عليه قام وهز راسو بعنف باش يفطن..فاجأتني قوتو وهو فديك الحال ماشي راقد ماشي كالي متبرع بعضر ليترات دم وزايد قاوم ثلاثة دفعة وحدة...أحيانا نتسأل كمية الغضب لي مدفونة في هاد الولد باش تعطيه هاد الكم مالقوة...الكل بعدو عليه يقارعو لمفعول الابرة بصح مزال مابانش عينيه الخظرين عملو لفة على الكولواغ حتى طاحو عليا انا وين حسيت شعر راسي راح يوقف مالخوف الخطاوي لي عملهم ليا خلات غيث يعمل حركة لا ارادية ويعلطو تجاهبو يدو لقات يدي وسحبني لوحدة مالبيوت كانو لاحقينا بصح حبسو باشارة من غيث
الدقيقة لي غلق الباب في وجوهم لصقني معا الحيط بعنف
_نتي علاش جيتي هنا؟
_ك..ك..يفاش علاش ريا صح..
_علااااااااااش جيتي
صوتو هز الحيطان تاع البيت وقريب حبسلي قلبي معاهم
_معندكش اي قيمة لنفسك؟ شفتيني معا بنت وحدخرا علاش ماشي بتفهمي
بلعت غصة ويدي تكورت قبضة حتى ظفاري جرحو راحة يدي
_ديلن راك تحت الصدمة ومخدر مراكش عارف واش راك تقول
_راني عارف اني بينتلك بلي مانيش باغي نزيد نشوف وجهك هنااا
_ماجيتش على جالك جيت على جال صحبتي..!!!
_صحبتك عندها خوها دوك ...تقدري تروحي باي باي بسلامة خرجي ####
علاش مصر يقهرني علاش الألم كان حاد لدرجة رجع جسدي منعت يدي بسيف باش تحكم قلبي لي بدا يدوب ببطء كل قطرة منو تحرق حريق الداخل بصح ما منعتهاش باش طروح كف لوجهو حتى خليتو يدور على جيهة انا ميرا عمري ماتخيلت راح نظرب ديلن.
1)عظلات فكو تحركو بعصبية رجع راسو ببطء شديد باش يشوف فيا الغضب القهر في عينيه عصرت عينيا نقارع وينتا الظربة المرتدة جيت ويدفورميلي وجهي بصح مجاتش كان مزال قاعد يشوف فيا يديك النظرة كان حاكم روحو بمعنى الكلمة فجأة الباب نتحل دخل واحد نواظرو كبار على وجهو. ملامحو راسمة أقصى درجة ملل شفتها في حياتي وفيدو دوسي
_مستر ديلن معليش ندي من وقتك دقيقة
ديتها كإشارة ليا ونسلست من بين صدرو و الحيط وهربت للباب شفت نانا لي حكمتني من يدي
_اكي عايشة!! واش صرا الداخل شكون ظرب خوه؟؟؟؟!!!
_شكون داك لي دخل
_طبيب نفسي...قالو انو ديلن راه تحت انهيار عصبي والمخدر مراحش يخدم فيه حتى ي...
مكملتش الهدرة حتى خرج الطبيي من البيت يعيط نظراتو مكسورة دوسي مقطع
غيث: حدرتهم بصح مسمعونيش أحسن شي نديكم للدار دوك
نانا: وديلن
_باغي يقعد وحدو
هاد المرة شافو فيا في زوج منظنش انهم كانو يقارعو لهاد التصريح بصح حتى حد ما عارض
~~
ديلن خدلاك سنيكزر😂😂
![](https://img.wattpad.com/cover/294751912-288-k478118.jpg)