☄️فقط تدكر لا شيء جيد كما يبدو ولا شيء سيء كما يبدو...
~~~
#ريا
جمعت يديا فوق صدري وشفت فجلال
_وين كنت علاه جريتني معاك لبيرو تاع المدير
_وينما نروح انا طروحي نتي
_وعلاش مديتنيش معاك دوك وين رحت وقتلي قارعي هنا
_بصكو انا قلت هاك ودوك تقدري تسمعينا سكاتك ريا عمري قصدي نادين
قلبت عينيا دور راسو من جيهتي
_قلبت عينيك عليا دوك؟؟
_واه
قرب من جيهتي وانا جمعت قوتي كاملة باش منرجعش للخلف بخوف منو
_القطة رجعت تقباح كيما ايام زمان اني نشوف ؟
عقدت حواجبي بصح شفت بخلعة كي ظهري لصق فالحيط وريا يد وحدة برك حكمتلي يديا فزوج فوق راسي وشفاهو على تاوعي بقوة مكنتش نقارعلة يعملها فوسط غرفة السيكريتية!!!!! حاولت نبعدو بصح مقدرتش قاعدة نتخبط بينو وبين الحيط بلا فايدة معرفتش شكون فيهم الحيط أصلا خاصني نتنفس بخلعة مكنتش مستعدتلو يهجم عليا هكا بصح هو مبعدتش كي جيت نحرر شفاهي متاوعو باش نقول بعد لازم نتنفس بيدو الزاوجة راح لرقبتي وعصرها وهكدا كل درجة اكسجين ستنزفها مني بكل بطء الرئة تاعي رجعت تحرق من نقص الهوا قعد مدة طويلة يخنق فيا حتى دخت بقع نواغ رجعو يبانو في مرما رؤية تاعي ومنبعد كلش رجع ظلام
_راهي مليحة!!؟
صوت مرا
_واه غي دوك كانت مليحة فقدت الوعي مش عارف علاه؟؟
صوت جلال! بديت نفيق بشوية
_دوك نجيبلها كاس ما
فطنت لقيت روحي فوق المقعد مقابل البيرو تاع السيكريتية لراحت جيبلي كاش ما جلال قدامي يديه متشابكين بين ركابيه حاكم ظحكة بسيف
_نتا!!! فقدتني الوعي!! رخييييصصصص
ظربتو لصدرو وهو سمح نفسو باش يطلق ظحكة طويلة عريضة
_ع الأقل واحد فينا الموود تاعو راه مليح مزية كي راك تطلعو كي تتوقت بيا
جلال: انا قتلك قلبي عينيك؟
_نتا واحد مريض
_الله يسلمك
جات السيكرتيرة بالكاس تاع الما
_اوه فقتي بنتي!! واش صرالك
_والو نظن كمية الظغط تاع القرايا الله ينعل هذاك الظغط
شفت في جلال عارف مليح اني قاصداتو تبسيمتو وساعت كي غريان صغير مستمتع بالعرض كأنو ما باسنيش ووخنقني مالفوق فوسط بيرو تاع سيكريتيرا تاع الجااامعة!!! هاذ البونااادم كي يخمم!! شطبوو التالية ميخممش معندوش عقل!! ماشي بني أدم أصلا.
_اه معليش ماعليك شر بنتي ..مسيو جلال تقدر تدخل عند المدير كمل الاجتماع
هز راسو وحكم يدي سحبني وراه كي فتح الباب ودخلنا ريحت الخشب العصري معا فالخامة ارض رخامية تشوف فيها وجهك قدامنا كانو زوج كراسا كوير نواغ وراهم بيرو كبير معمر وراق و رواه كان قاعد راجل يكون ع الأقل مزال ما بلغش الخمسين شعرو نواغ داخل لحيتو شوية بدات تبياض عينيه قرفيين...انا نقولكم لحيتو علاش بدات تبياض من نهار لي دخل هاد الهمجي وصاحبو الجامعة مشفناش نهار واحد بلا مشاكل
كان حاط قدامو فنجال قهوة ولا هي فالخدمة كان يبان عن جد مشغول ويخوف وشباب بالنسبة لراجل فعمرو هههه جلال عطاني نظرة بصكو كنت نبحلق فالراجل كثر مما ينبغي أقل حاجة يرميني م التاقة دوك
_احم
الراجل طلع راسو فينا
_انعم؟؟ عندك موعد
جلال تكلم بلاما يخبي الملل تاعو او الظحكة الساخرة في وجه المدييير واش قلتلكم ماعندوش عقل
_ عطيتك ورقة الخميس لي فات ونتا قتلي رجع اليوم
الراجل بحث بين الوراق وسمها فيدو
جلال: باينة مزال مقريتهاش
_فكرني باسمك؟
قبل ما يجاوبو صونا تيليفونو عملنا بصبعو دقيقة ورفد
_انعم...مازلت فالخدمة...واشمن حفلة عشا؟؟
ما كملش هدرتو دخلت السيكريتية بلاما دق الباب
_حظرة المدير تقدر تجي معايا دقيقة
.
واو مسؤوليات هاد البنادم متكملش !!
.
كانت واضحة انو لكان يهدر معاها يا بنتو يا مرتو من نبرة صوتو لي تبدلت
_نعيطلك منبعد وقطع الخط رجع شاف في جلال مدلو ورقة
_ونتا نعيطلك منبعد كي يسألوك على تسجيلك قولهم المدير منبعد يسجلني بنفسو
وخرج بسرعة البيرو تاع السيكريتيرا
.
جلال ظرب برجلو الكورسي لي كان قدامو انا تنفضت من بلاصتي برعب باينتو تعصب ايه عندو الطق في هاد تجرجر معا هاد المدير🙄
.
خرجنا للكولواغ الكبير جلال كان ساكت بصح فجأة فمو رجع ابتسامة منبعدة ظحكة هستيرية حتى انو حط يدو على فمو باش يكتم صوتو كي لفت الانظار
_جلال! واش بيك
_والو تفكرت حاجة منظحكش يعني؟
مانيش عارفة علاش بصح يدي حكمت يدو ووقفت قدامو بحكم فارق الطول بيناتنا طلعت راسي باش نشوف فعينيه
_مراكش مليح :( نعرفك مليح نعرف الظحكة تاع الهبال تاعك و الظحكة تاع الألم و الظحكة تاع من قلبك
سكت عينيه وساعو قعد يشوف فيا شحال مال وسلم على نيفي وكي قلت راح يقولي كاش حاجة واش كان يخمم تكلم!!!
.
_تاكلي شيبس؟
_نن منكلش😑
هبطنا شرينا بصح الاغرب انو الناس برا رجعت للداخل بسرعة همسات وهداك يدفع فلاخر للكولوارات واش راه صاري؟؟
_ الظاهر عندها حاجة بالخرجة تاع المدير نظن
_عندي شعور ديلن مراحش يروح المكتبة هاد المرة
_واش تقصد واش عمل؟؟ وين بيروح مثلا؟؟
رما حبة شيبس في فمو يشوف في الجيهة لراهم يروحولها بملل منبعد فيا
_للحبس🌚
