Truth or lie?
,
#Taken
#ديلن
بدلت البطاقة الشخصية تاعي باش بابا صرب ميلقانيش طبعا مش خايف منو لو حكمني خدمت معاهم تقريبا حياتي كاملة مراحش يطلقني باينة بصح كنت خايف على ميرا يلا لقاوني هي تنجر معايا ونعرفو مليح كي يخدم عندو طرق ملتوية باش يركعك عندو يروحلك لنقطة ظعفك هاد الشي علمو حتى لولدو يلا حسبتو صرب شيطان بوجه ملاك ارجاو تشوفو باباه هو الزريعة المرررة فالحكاية
دونك لمعملتش حسابو كي بدلت بطاقتي الشخصية هو الكونت تاعي فالبونكا تجمد لازم نهدر معا غيث باش يهكر المعلومات ظربت الفولون بقهر ماشي وقتو باش نشري دار ونبعد ميرا من تما لازم نبعدها مالميتم مين تنخطف من بلاصة وترجعلها راح تكون اكثر خطوة غبية تعملها فحياتك بصح مانيش باغي نخوفها
.
هاد البنت رجعت حياتي كاملة..رجعت الهوا لنتنفسو رجعت التبسيمة لي نوظ عليها الصباح..قبل ما طيح عيني عليها كنت ظايع فالدنيا رحت للمخدرات باش نسكن الألم باش ننسى بصح كي جات هي حسيت انو كاين بنادم راه يهتم لامري ومراح نخلي لا بابا صرب لا بنادم وحداخر يديهالي من بين يديا..علابالي خطف بنات الناس غلطة كبيرة بصح ني فرحان لقمت بديك الغلطة وخرجتها مالخزانة داك النهار.
لظحك رغم كلش تأنيب الظمير لقعد كالسوسة فزاوية من زوايا عقلي أحيانا نقول كون مفتحتش ديك الخزانة ومجريتهاش لموند تاعنا مكانتش راح تتعرض لهاد الشي كامل بصح كي نقعد نشوف فااشي لي كانت عايشاتو معا خويااااااا انا الله ينعل بو كلش انا خاربها خاربها.
كنت نسوق بلا عقل حتى لقيت روحي ديباسيت دارنا
هههه دارنا اظحكو كامل...الدار لرجعتلها بالقوة كون نهرب راح يأمر بابا رجال يرموني للحبس يعني راني تحت اقامة جبرية معا عائلتي السعيدة..بابا المتوحش..خويا لتحرش بالبنت لنبغيها وام الله اعلم وين راهي..علابالي رخيص ويرميني فالحبس باش ينتاقم مني بصح طبعا مراحش نخلي ميرا وحدها اي فوالا
تنهدت وانا نحبس الروفر تاعي قدام باب للدار المفروض انها دارنا🙄. وانا داخل نتفكر آخر مرة هربت منا كنت صغير مكنتش عارف انو جابو ورايا ولد وحداخر اسوء من حالتي بكثير أحيانا نخمم حنا مجرد غلطات لعيباد يعرفو ### يجيبو دراري بصح مايعرفوش كيفاش يكونو اباء.
دخلت للبهو تحتاني قابلتني الخدامة شدت عليا مفاتيح الطونوبيل و الكاسكات تاعي باش تعلقهم وتكلمت بكل أدب "العشاء راه واجد فالصالون.
.
الخدامة الحاجة الوحيدة لتنحب فهاد الدار
_منتعشاش
جيت طالع الفوق وانا فايت ع الصالون طاحت عيني على وحدة صاحبة شعر ذهبي طويل..عندهم ظيفة؟ دقتت عينيا باش مخي ستوعبت المفاجأة...نقدر نميز ذلك الشعر من بعد ميات كيلوميتر مخي حبس وحسيت الدنيا حبست من حولي
.
ميرا
☄️
.
ودافااااااك ميرا شاراهي دير هنا؟؟؟ يدي تعصرت وحدها واول حاجة شفت فيها من ميرا...أدم!! ادممم ادممممم😡😡😡😡😡 قاعدين فوق طابلة وحدة يا عيني
كنت رايح نلصقلو وجهو في طبسيه كون ماشي صوت صلاح/بابا حبسني
_جيت ؟ قعد تاكل معانا..المرة الجاية ارواح فالوقت منحبش روطار على الحشا
_واش راهي دير هنا
وقفت عند راس الطابلة الجيهة لي مقابلة بابا كنت واجد أي دقيقة باه نقلبها.. من هاد المنظر لراه قدامي مقعدينها معاهم كأي عائلة سعيدة ماظحكونيش وانا ماراهيش طالعتي نظحك كيفاش يطلب مني نقابل هاد الصورة وناكل؟؟
ميرا كي طلعت راسها فيها قلبي تكسر كان ميات شعور فيها...خوف..رجاء...كانت نظرة اول مرة شفتها عليها كي ديتها لبيتي شي محزن كي كانت تشوف فيا كيما أدم وحد الوقت وانا مانيش احسن منو يا ريت كون نقطعت يدي ساعتها.
صلاح: واش دير البنت في دارهم يعني؟
_دارهم؟
طلعت حاجب عينيا ديما على أدم لكان قاعد ياكل كأنو كلش طبيعي مستمتع بالغضب لراه يغلي فيا للسطح
_قومي
ميرا تنفظت من بلاصتها على وقع صوتي وشافت فيا منبعد في بابا لي مزال ياكل عادي
_اقعد...خلي اول ليفة لينا معا بعض تفوت على خير
أدم: هاي برو كي فوت نهارك 👍
_مانيش خوك😡
جريت كرسي بعنف وقعدت عاض على شافتي بقهر قدرت نحس بطعم سائل في فمي من قوة لشديت على شافتي باش مانطرطقش اخخخخخ كان يصبر حتى يفريهالي غيث ونشري دار منبعد بلا بغا يتبنا ميتم كاااامل
_دخلت لجامعتك اليوم
_علاش جبتها؟
_قريت؟
_علااااش جبتها!!!!
_نقتارح عليك جاوبني بادب ال### يماك معلماتكش للأسف
حسيت الجملة دخلت كي السكين لقلبي عوض ما توصل لودني ميرا وادم ساكتين يشوفو مني لبابا ميرا حطت المغرف وشافت فيا عينيها الزرقين لمعو على ملامحي
_يما..ماشي..###😡😡 ظربت دراعي معا الطابة أدم شاف فيا بصدمة البنت لراهي معانا تنفظت من بلاصتها بخلعة بصح انا مهتميت بحتى حاجة فهاد الدقيقة من غير الراجل لراه قدامي
صلاح: واش تعرف نتا عليها انا لربيتك ماشي هيا انا نخبرك عليها ولدي العزيز.. حط المغرف بنفس القوة لظربت بيها الطابلة تحت يدي وشاف فيا
_كانت وحدة رخيصة جابتك وهربت ورجعتلي حامل منبعد وجابت أدم طبعا الوقت لي حظرت جنابك قررت تهرب قعدت وتكرمت علينا باش تربي أدم وهربت مرة أخرى حامل بختك الصغيرة الله اعلم وين رماتها يلا جابتها الدنيا اصلا..فالمقابل شاف في ريا وتبسم
_اني جبتلكم تعويض لختكم الصغيرة نشاله نقدرو تتفاعمو
هاد المرة عينيا وساعو وتاع أدم قريب خرجو من بلاصتهم وميرا حلت فمها بصدمة
.
عندي اخت!!!؟
.
توماتش صدمات بالنسبة لاول قعدة تاع عشا.
.
نفاسي طلعو وهبطو بسرعة شفت فآدم لكانت عندو نفس الرياكشن تاعي فجأة راحتلي اي رغبة باش ناكل راحتلي حتى الرغبة باش نقعد مقابلو حسيت روحي مرضت مالدقيقة لي ديك الهدرة خرجت من فمو
#ميرا
الصدمة كانت عنوان العشا تاع الليلة شفت في عينين ديلن الخضرين كانو واسعين قاعد يبحلق في باباه كي هو كي أدم بصح الألم كان حاظر بقوة فملامح ديلن بسرعة طلع بلاما يزيد كلمة متجاهل صلاح لقعد يعيطلو بدون تخمام لحقتو
دخل لوحد البيت مكنتش عارفة انها موجودة تشبه لحد كبير بيتو فديك الدار تاع الغابة معمرة العاب وجبال تاع أكس بوكس و اجهزة تحكم كالعادة بيت فوظوية كي عقلو لقيت عاطيني بظهرو فوق راسو يشوف فالتاقة لترقب على المدخل التحتاني يد وحدة داخل فشعرو الشاتان ويد وحدة طالعة لوجهو دخان بيض حام حولو مطولتش باش ستوعبت انو كان يتكيف طلبت منا 3 شهر تاع عذاب و الم وعنف باش قدرت نسيه قدام السم ليكان ياكلو دوك بزوج كلمات كالشوك من باباه رجعوه لديلن الاول بسرعة سحرية.
نفث كمية دخان من فمو حتى الشوفة ظبتلي
_وين راهي البيت تاع ال###
_ديلن ☹️
_وييين راهي
ديباساني وراح لبيتي جبد الفاليز وفتح الخزانة الكبيرة جبد صوالحي بلاما يشوف واش كان يجبد
_ديييييلن
محبسش حتى يدي حكمت دراعو
_علاش راك هنا
تكلمت بالشوية الدقيقة لدخل فيها رغم الصدمة تاعي الدنيا رجعت ظوات فوجهي..شفت فيه شحال عينيه رجعو خظر غامق عظلات وجهو مشدودين حتى تاع دراعو تحت يدي
_ميرا طلقيني
_د
_متتلمسينيش مراحش نظمن ردة فعلي كون يتلمسني واحد دوك
زميت شافتي حاوطت يديا على خصرو ودفنت وجهي فصدرو
هو اكثر واحد نوثق فيه مراح يعملي والو ريحت البرافان الرجولي مخلطة معا الدخان تاع سيجارتو رجعت مخدرات ليا انا
.
////هاي..فوطة مخاسرين والو 😗
