☄️Safe better then sorry
غمضت عينيا علابالي بواش راه يمر انا منقدرش نتخيل بابا يكون صلاح و خويا أدم ماادراك هو لقا روحو تحت الواقع كيفاه منتبهتش للشبه ييناتهم أدم وديلن عندهم نفس لعينين الخضرست لفرق الوحيد انو أدم شعرو صفر فاتح وحتى حد فيهم ما يشبه لباباه من غير نفس نظرة لتخوف أحيانا
_ديلن راني معاك مراح..
_علاش راكي هنا ميرا !!
حكمني من كتافي وهزني همو واش راني ندير هنا كان اكبر من انو يتلهى بالاذى لسببهولو كلام صلاح.
_هو جابني لهنا..كيما العادة
_اللله ينعلوووو
طلقني وظرب الخزنة برجلو
_دوووك لازم نخرجو مانيش تقعدي معا داك الخرا تحت سقف واحد..سكت شوية ودقق عينيه فيا
_عملك حاجة؟
هزيت راسي لا رجع تكلم بهدوء يخوف اخر حاجة راني باغية نعمر ديلن على أدم ويروح ياكلو قدام باباه خاصة انو أدم بليس ويركعو بوجهو الملائكي قدام باباه
_معملي والو
_مييييراا تكلمي
_والله معملي حاجة
هو راسو كي د الفاليز وسحبني نفظت دراعي من يدو
_منقدرش
_راكي تتمسخري بيا؟؟
_منقدرش راح يغلق الميتم كون نعاود نهرب
الفاليز طاحت من يدو وتبسم بسخرية
_نتي تاني طبق معاك نفس الطريقة..
_واش تقصد واش عملك...سكت وانا محتاجيتش نرجع نسأل باينة حطو تحت الاقامة بكاش تهديد محترم كي تاعي.
اول ما عقلي ستوعب ظحكت...ايه ظحكت بهستيرية ديلن شاف فيا ماشي فاهم حية حياتنا خرا مالتالي صفقت بيديا وقعدت نظحك
_شوف حالتنا ماشي بغينا دار وعايلة وخاوة ههههه
راحت من وجهو نظرة الحيرة ومرت دقيقة وحدخرا رجعنا نظحكو فزوج مكنتش عارفة انت دموعي بداو يطيحو حتى الظحك رجعلي بكا ودراع ديلن لف على خصري سحبني لصدرو بقوة هبط بينا ل الارض وقعدنا انا وياع راكزين على السرير تاعي انا حاجة راسي على كتفو سلم على راسس
ديلن: ع الأقل عندك انا وعندي نتي..نوعدك مراحش نخلي حد يتلمسك مدامني نتنفس...راح ندبر حل ونخرجو منا بأسرع وقت اصبري عليا برك
هزيت راسي متبسمة واش قلتلكم نوثق فيه ثقة عمية هادوك زوج كلمات منو خلاوني نرقد لاول مرة هانية تحت هاد السقف..امنة بين يديه.
#ريا
فطنت صباح على صوت المنبه كاش نهار راح نخبطو على حيط مزعج لدرجة ينوض الجوارين رغم انو الفيلا فيها 1000 كيلومتر مربع يعني بعاد بمئات السنين علينا ويسمعوه.
.
المهم اليوم قررت انو يكون يوم مختلف علاش؟ لاني تخلص من كل الواني السوظاء القاتمة رميتهم من جيهة مانيش حاس روحي انا كأنو تجردت من شخصيتي الحقيقية حتى ولو منحبش الالوان الفاتحة بصح نعطي فرصة لنادين باش نعيش الحياة الجديدة يلا بغيت ننسى
.
الخزنة كلها بينك وخرابيط بنات فيلم رعب كان لازم عليا نشوفو كل صباح
ماعليه قلت نلبس حاجة بينك اععععع🤢 شهيق زفير ريا غمضت عينيا وجبدت غوب سامبل غوز لبستها معا كونفارس بيضة وبما انو الساعة مبكرة مالصباح راح تكون درجة حرارة منخفظة دونك رميت فاست جين فوق كتافي وساك نواغ ع الأقل ساك نواغ🥺 هبطت فالدروج ويا سبحان الله كي نخرج للكولواغ قبل ما نهبط فالدروج تقارلني سلسلة تاع بيوت عمري ماراح نفهم علاش الناس الاغنياء يبنو فيلات بمليون بيت بلا فايدة🙄. ستخطيت فطور الصباح لوصات صفاء الخدامة يوجدوهولي صباح ورحت نجري للجيب لقاعدة تستناني برا
_بونجوو....او ماااايغااااد😯 نتي صحبة نادين
قلبت عينيا من وجه اونور المخلوع و ظحكت ايه صدمة عليه كانت كبيرة مسكين يحب يدي وباسها وجهي رجع غوز
_نادين بالبيبي بينك منظر خطير على قلبي
كنت قريب نتخبى تحت المقعد تاعي مالحشمة بيزاغ وانا لابسة هكدا لاول مرة في حياتي محسيتش روحي انا رميتلو بيزو قالهوا
_مدابيا نقعدو نتغزلوو بصح لازم تقلع و..
مكملتش جملتي كي سحبني من يدو لي مزالت فيدو وغلق الايصباص بين شفاهي وشفاهو يدو الزاوجة حاكة شعري باحكام رغم اني مازلت تحت الصدمة نادين تاع دوك عملت واش ريا مكانتش راح تعملو طلعت يديا لصدرو وغمضت عينيا رغم انو الوقت بالنسبة ليا حبس كان دافي هادي ومتفاهم محسيتهاش صحيحة بصح تجاهلت داك الشعور وستمتعت بالدفا تحت يديا من صدرو.
_دوك رانا واجدين نروحو
☄️
.
كان عنا كوغ فالدراما ايه دراما 😑 المسرح و الغنا الثمثيل الرسم وكل مالع علاقة بالفن اليوم من حسن الحظ نظري نقراو فكلاسة تطبيقي كان فالمسرح فالجيهة الاخرى تاع الجامعة. قبل ما نلحقو على الكوغ غيث وقف قدامي هو ونانا بالعادة كنت راح ننخلع كيفاش راهم معا بعض بصح الخلعة لي علا وجوهم سبقت الخلعة تاع وجهي انا
غيث: ميرا شفتيها؟؟
_المفروض انها جي معاكم علاش صرات حاجة اقسم بالله كون يكون ديلن عملتها حاجة ولله نقتلو نشرب من دمو وندف...
نانا: صلاح جا وداها مالميتم
فمي نتحل بصدمة بصح قبل ما نرياجي رانج روفر نواغ حبست فالبارغينغ صعيبة باش ما تلطاقطهاش بعينيك تبرز روحا مابين كامل الطونوبيلات مين عالية وتلمع لمعان
اونور: كاين مشكل😕 مشكيتش ديلن داك بنص عقل قادر يستحفظ علا صحبتك
كلنا تنفسنا الصعداء كي ميرا نزلت منها وجات تجري شعرها وراها وساك طايح من كتف وحدة كالعادة حتى حاجة متبدلت فيها ترمات في حظني انا ونانا
غيث كان اول واحد كسر صدمانا كي حكم وجها المدور بين يديه
_ميراا واش عملك صلاح داك الخرا كان معاه الغلطة تاعي انا قتلك ر..
_معليش ديلن جا وراع معايا متخافوش عليا
ديلن وراها متبسم يدو تلعب بالمفاتيح تاع طونوبيلتو هز راسو لغيث لي تنهد بعمق
غيث: ديلن عمري ما فرحت بشوفتك كيما اليوم كون تخلي داك الخرا يدور بيها نقتلك
_طمن منظنش راه باغي وجهو يلصق فوحدة مالخزانات تاع الكولوار...سكت شوية وشاف فيا
غيث: قدرت ندخل لمعلوماتك اعطيني مدة وراح نحلها ورسل ميرا تقعد عندي
ميرا هزت راسها بعنف
_نقعد معا ديييلن
غيث: ميرا راكي واعية واش راكي تقولي ديك الدار فيها ديلن وفيها اددمممم!
_راك قلتها فيها ديلن مراح ي..صرا والو🥺
تنهد وهز راسو معنادها واش هاد السبب لي يخليها تقبل تقعد تحت سقف واحد معا داك الحيوان و ولدو شفت فنانا لي شافت فيها بحزن راه اوت؟؟
_اوو شنوفتني واش حكاية البينك اليوم💓
ديلن قطع عليا تخمامي فجأة كامل شافو فيا وانا جاتني رغبة ملحة نخزن ورا اونور لي مزال نستوعب والو فحديثنا كامل شافو فيا وعلاش كانو مخلوعين مني بهاد اللوك كثر من لي نخلعو بميرا معا أدم فدار وحدة معلاباليش!!
غيث: اوه😶
نانا: ر..إه نادين راكي...واو😶
ميرا: راكي تهووووبلي
ديلن: راه بدا يرجعك فرويتي😕الشهر الجاي نلقاك جاية بتقاشير تاع الدونتال
اونور: باغي وجهك نتا يلصق فالخزانة اليوم واقيلا حبيبي
ديلن: اووو شحال نبغي التهديدات هذا شحال ما دخلتش في عراك واش رايك ورا دوام الجامعة :) نلعبو بيسبول انا وياك ليخسر تكمل بيه فلوبيتال بصح🤔🌚
عينيا وساعو اونور مش عارف معامن راه يتعامل...
____________
؛) ////////////////اونور صلي على روحك اليوم
