طحت معا بزناز (مكتملة)

الجزء 83

داز نهار و جاا نهار جديد ..

المغرب ...

الدار كبيرة منزل جدة الياقوت كانت ياسمين كتجري بين كلورات ديال فيلة بملابس النوم شورط قصير مع بيل سماطي شعرها طالع السمااء و سارد لا هو لا حوايجهاا هازة في يديها سندالة وهي في قمة عصبية تابعة سليم لي كب عليهاا كأس ماء مفيقهاا من نعاس بالحكم باتت عند جداها لاهي لا إكرام سليم كيجري و كيضحك عليها وهي من وراه كتغوت منوضين حالة في فيلة

ياسمين : سلييييييم كبتيهااااا على راااسك قسمااا بالله ماندوزهاا ليك هاد مرآة أععع وقف إلا كنتي راجل و مزغرة عليك حورية غير وقف سلييييم
سليم كيجري شاد كرشو بضحك : وااتي سيري تنعسي و نتي لي يشوفك يغلط فيك غير خلعة بنت بوشعيب لي في وجع ثراب صافي
ياسمين بالفقصة : ياااك الخاانز كرسووون و تلاقاااااا
وقفات بإستعداد مصغرة فيه عينيهاا رجعات بيديها لي فيهاا سندالة لور و شيرات بيهاا عليه جابتهاا ليه في ظهر مع قاصحة وقف شاد على ظهرو بآلم : واااش حماقيتي لا من نيتك مالك بااسلة مالك
ياسمين : أنت لي باسل خاوي عليا ماء مفيقني من نعااسي هااد ميكرووب هذااا
سليم : وااش مابقاااش لوااحد يضحك معاك تفوو مالك وليتي معقدة بحال هكذااا ندمتينااا علاش ضحكنااا معاك
ياسمين : مزال ماشفتي من ندم والو جمع راسك معايا أولد خالتي لعبي خايب ولي جبدني يلقااني عندك زهر مابقيتش كنخصر هضرة أماا حس نقطعو ليك
سليم بطنز : ديريهااا البنت حي شعبي شرمولة لخرا
غير نطقهاا و ضربهاا بالجرية في دروج غادي هابط و كيضحك عارفهاا ماكتحملش يجبد عليها هدشي ولايشد فيها شي واحد بهاد كلام نتفات على شعرهاا بالفقصة و هبطات تبعااه كتغوت غير بجوج بيهم منوضين شيااط فيلة لقااو عائلة مجوعين في صالون على الفطور سليم ينقز سدادر وهي من وراه جااعرة دايرين بي ميدة واحد أريج كانت جالسة كتاكل غير شافتهم كيجريو ضحكات كتصفق بيديها يسحاب ليها كيلعبو ناضت حتى هي كتجري من وراهم كتغوت قربلوهاا مخلين عائلة حالفة فمهم في عز جراهم سليم و ياسمين تشدو من شعرهم وسعو عينيهم شايفين في بعضياتهم بنص عين عاضين على لسانهم عرفو راسهم قفروهاا

ياقوت : لخراجة و بيطالي مالناا على هاد صداع وسط داري وحلتوها فيناا أحلاقم فروج (شافت في ياسمين) نتي أستيلو بيك باقي مابغيتي تحشمي على عراضك و تستري راسك هادة لبس يهبطو بيه النااس
ياسمين بالنفخة مرضاتش : واالميمة ماشي سوقكم في لبسي و زايدون ولد بنتك هو لي جبدني
ياقوت داتها و جابتها في يديها : سكتي ياقيلة لحياا سكتي ضربيني حسن أمسخوطة جداك (شافت في سليم) و أنت أمول العقل ألي ناويين نزوجوك و نعرسو ليك صافي ضربتي هيبة في زيرو دابة هذا هو لي معولين عليه يشد راس الخدمة
سليم بالتدمر : وااتي راه بعقلي غير جربيني في زواج حق الله حتى نعجبك أخدمة راني كنعرف نخدم سولي خالي حكيم

ياسمين بستهزاء : تسول بابا من نيتك هااايوو سوليني أنااا نهاار كامل وهو كيكوكط في لفااك عندي كيصيد البنات أماا حكيم ماكيطلش عليه غير لا بغا بابا يكذبني في هدشي
سليم صغر فيها عينو كيتحلف عليها : كون هضرتي لياا مع سندس نتزوج بيهاا بربي حتى نخدم غانتي مسمومة مابغيتيش هدشي علاش ماكتغلاضيش
ياسمين : بزاااف عليك أناا المجحوم و سندس هي لي ماتحلمش بيهاااا يله موت بسم
سليم كيشير ليهاا : شفتي الميمة أش كدير باغة تفقصني و هاهيااا فيك أعود سبسي آي الميمة تي ريحي وعتيني في شعري
ياقوت : يااتي شوفي ليك خانز بيطان كيف يهضر على بنت قدامناا مابقات حشمة مابقااات حيااا هدشي لي بقااا