ကုဖေးတိလိုဇာတ်လိုက်မျိုးက သူ့ရဲ့ဆွဲဆောင်မှုရှိတဲ့ မျက်နှာနဲ့ အသွင်အပြင်ကြောင့် ကွေးသွားတာတော့ လုံးဝ မဖြစ်နိုင်ဘူး!
... ဒါဆို သူကိုယ်တိုင်ကရော။
ကုဖေးတိအပေါ် သူ ဘယ်လိုခံစားချက်မျိုးရှိခဲ့လဲ? အစောနက အနမ်းသည် သူ့အား ဓာတ်လိုသလို ခံစားရစေပြီး ခေါင်းမှ ခြေဖျားအထိ ထုံကျင်ကာ စိတ်ကို ကမောက်ကမ ဖြစ်သွားစေခဲ့သည်။
ဒါက လုံးဝ မဖြစ်သင့်ပေ။
ယောက်ျားတစ်ယောက်ရဲ့အနမ်းကို ဒီလို ခံစားရလိမ့်မည်ဟု သူဘယ်တုန်းကမှ မတွေးခဲ့မိပါ။
သို့သော် အမှောင်ထဲ၌ သူခံစားခဲ့ရသည့် နွေးထွေးမှုနှင့် နူးညံ့မှုတို့သည် သူ့နှုတ်ခမ်းပေါ်တွင် တည်ရှိနေဆဲ ဖြစ်သည်။ အဆိပ်အတောက်များကို ဖယ်ရှားခြင်းမပြုမီ ကုဖေးတိပေးခဲ့သော အစမ်းအနမ်းကိုပင် ပြန်လည် အမှတ်ရနေခဲ့သည်။
သူ၏ရင်ခုန်သံများမှာ မငြိမ်သက်နိုင်သေးဘဲ အနမ်းကြောင့် နားမလည်နိုင်စွာ နိုးထလာသော သူ့ခန္ဓာကိုယ်ထဲရှိ အလွန်ထူးဆန်းသည့် လိုအင်ဆန္ဒဟာ ကုဖေးတိအပေါ် ထားရှိသည့် သူ့ခံယူချက်က အပြစ်ကင်းသော အတန်းဖော်ဆက်ဆံရေး မဟုတ်နိုင်ကြောင်း သတိပေးနေသကဲ့သို့ပင်။
သို့သော်လည်း အရာအားလုံးက ရုတ်တရတ် ဆန်လွန်းလှသည်။
ထိုအခြေအနေမျိုးတွင် စုယန်သည် မည်ကဲ့သို့ ရင်ဆိုင်ရမည်ကို မသိနိုင်တော့ပေ။
ထိုအခိုက် သူ့နောက်တွင် ခြေသံအနည်းငယ် ထွက်ပေါ်လာ၏။ စုယန် လှည့်ကြည့်လိုက်သောအခါ ကုဖေးတိက သူ့အား စူးစူးဝါးဝါး စိုက်ကြည့်နေသည်ကို တွေ့လိုက်ရသည်။ စုယန် ရင်ထဲ၌ ဆတ်ခနဲ တုန်လှုပ်သွားပြီး မသိစိတ်က ခြေနှစ်လှမ်း ဆုတ်မိသွား၏။
ကုဖေးတိ၏ နက်မှောင်နေသော မျက်လုံးများ အနည်းငယ် မှေးမှိန်သွားကာ တိုးညှင်းစွာ ပြောလာသည်။
"ငါ့ကို အဆိပ်ဖြေပေးတဲ့အတွက် ကျေးဇူးတင်ပါတယ်....."
စုယန် တိတ်ဆိတ်နေသည်ကို မြင်သောအခါ ကုဖေးတိ၏ နှုတ်ခမ်းထောင့်က ဆတ်ကနဲ တွန့်သွားသည်။ သူက ဆက်ပြောလာ၏။
आप पढ़ रहे हैं
ငါတို့ပြိုင်ဘက်လုပ်မယ်ဆိုတဲ့ သဘောတူညီချက်က ဘယ်မလဲ?(ဘာသာပြန်)
ऐतिहासिक साहित्यBoth Unicode and Zawgyi Title- 說好成為彼此的宿敵呢 Author- 輕風白楊 (Qīng fēng báiyáng) Type - web novel (CN) Status in CO0- 120 chapters+ 2 extras (Completed) I do not own any part of this novel. I am just a translator translated into Burmese. All credit goes t...
အခန်း-၅၉ ရှုပ်ထွေးနေသော နှလုံးသား။
शुरू से प्रारंभ करें:
