القصة كتهضر على وااااحد البنيتة في عمر الزهور و غاتكون ضحية ديال الحب من طرف واحد لشخص اصلا عندو اخرى في حياتو و كيبغيها 💜
نتمنى القصة تنال اعجابكم و دعموها 😘
Oops! This image does not follow our content guidelines. To continue publishing, please remove it or upload a different image.
وصلات دوريات شرطة 🚔 بعد دقائق طلعوا كيجريو وألقوا القبض على گاع الموجودين وداوهم لكوميسارية ... رجال بكوستيماتهم ونساء بتكاشطهم ومكيجاتهم وناضت الحيحة وزازة في وسط لكوميسارية كلها ويلغي بلغاه وشي كيعاتب في شي وهالي واقف وهالي گالس وهالي مقرد كلها واش داير ... ولد مليكة وزيزوار مالين المشكل هبطوهم لجيور يتگلاصاو حتى دوز عليهم 24 ساعة ... في واحد لقنيتة كانت واقفة ليلى ومسندة على الحيط والقفقافة شداها شاحبة دم مسقوط منها وشنايفها گاع بياضو وزايداها بالعضان فيهم وغي كتدور في عينيها لمدمعين وقلبها كيزدح هادي كانت أول مرة ليها تحط رجليها في لكوميسارية وزوينة جاية بقفطان ومقادة ومصوبة هههه وحداها مريم لي كانو معاليم الخوف مرسومين على وجهها وكتعض في ظفارها بتوثر وكيبكيو بالخلعة
مريم : صافي اصاحبتي موصيبة وطاحت فوق راسنا الا ساق ليا بابا لخبار بلي أنا عند لبوليس غيذبحني
ليلى : ليوووم أنا بعدا غناكل طرحة دالعصا من عند جميلة هئ هئ أشداني لشي نشاط اميمتي هئ هئ كون غي بقيت في دارنا هئ هئ مشييت فييها
مريم : هئ هئ قودناها على راسنا ازغبية
ليلى كتشهق : أنا لي درتها لراسي ومتبعااك في هبالك حتى وصلنا لحبس
خرج عندهم واحد لبوليسي وفي وجهو ملامح صرامة ومخنزر قال بصوت حاد مسموع : فين هي لبنت لي بسبابها ناض لمشكيل
كلشي لي تماك دارو شافو في ليلى وشيروا بصبعهم في جيهتها ... دارت شافت فيه وسرطت ريقها ملي لمحاتو كيقرب لجيهتها ... جرها من إيديها بقسوة ودخلها عند لكوميسير لي مكلف بيهم وخرج ... كان حاني راسو وخدام على شي ملفات وضواسة كيحلل فيهم وكيجغم من طاس دلقهوة ديالو ☕ باش يزيد يحل ليه دماغ وكيكمي سيجارتو ... بخ دخان في الهواء وهز راسو شاف فيها هز حاجبو باعجاب من شكلها اللافت للأنظار ومع ذالك قدر يخفي اعجابو بيها بمهارة اصلا هادي خدمة لبوليس كيقدرو يخفيو مشاعرهم ومكيبينو الا الجمود في وجاههم ... تقاد في الجلسة وقال بصوت قوي : جلسي
جلسات ليلى حانية راسها وصوت بكاها وشهقاتها مسموعين ودموع دايرين خط وسط حنيكاتها وكتعض على شنايفها لي ولاو حمرين كي حبات لفريز كمحاولة منها باش تسكت شهقاتها وتسيطر على راسها وخلعتها ... جاها صوتو الغليظ كيقول : الاسم الكامل ديالك
ليلى بتعلثم : ل ليلى هئ هئ ليلى زعيمي
حرك راسو بالايجاب وقال : ششش تهدني معندك مناش تخافي ... حنا بغينا نعرفو غي سبب صداع والمشكل لي واقع ( بعد صمت ) يله حكي لينا شنو وقع وكيفااش بدات لمضاربة
هزات رأسها بأه وبدات كلامها بتنخصيص : ش شدني من دراعي بزز وبغا يشطح معايا هئ هئ و وجا داك دري عتقني منو هئ وضاربوا على قبلي هئ هئ عفااك طلقووه مسكيين راه مادار والوا هئ هئ كلشي بسبابي أنا كلشي هئ هئ هئ
عطاها كاس لما كان محطوط حداه وقال : هاكي شربي
شداتو من عندو وهبطات عليه كامل باش تسقي داتها وتطفي الخلعة لي شاعلة فيها
لكوميسير : عطيني لكارت ناسيونال ديالك
شافت فيه بخوف وسرطت ريقها وقالت بصوت متقطع : م مع ند يش (معنديش)
شاف فيها بتعجب وقال : علااش معندكش شحاال في عمرك
ليلى : 17 العام
استغرب لكوميسير من عمرها حيث كانت كتبان كبيرة وصدماتو بعمرها لي مكانش متوقعو .. تدارك نفسو وقال : في هاد الحالة خاص ولي أمرك يحضر ضروري
ليلى جفلت بخوف وقالت : واش ممكن نحلو لمشكل هنا بلا تدخل ولي أمري
لكوميسير : للأسف لا ( مد ليها تيليفون باش تعلم اهلها بشنو طاري ويلتحقو بيها لكوميسارية )
خدات من عندو الهاتف بيد كترجف خايفة من ردة فعل مها الا ساقت الأخبار وكتدعي لله في داخلها يدوز هادشي على خير ... دوزات الخط وسمعاتو كيرن ودقات قلبها مسموعين مع كل رنة دگدگدگ
عند جميلة لي كانت جاية من مدرسة ليلى كتسول على بنتها لي تعطلات ومجاتش لدار كيما لعادة حيت كانت كتسبقها وكتلقاها تم فاش كتسالي لخدمة ... ملي مشات الإدارة علموها بالغياب ديالها شي لي خلاها تخلع على كبدتها ومشات كتجري كتدق بجهد في دار وجدان لاتكون تما ... هاد الاخيرة لي خرجات عندها وشافت فيها باستغراب
