⭐⭐لبنات عفاكم بغيت منكم طلب صغير كيفما كاتعرفو الكونط ديالي مزال جديد بغيت كل وحدة متبعة معاياا القصص لي كانشر تخلي ليا أبوني للكونط باش تزيد تشهر القصة كتر و كتر و شكرا كانحبكم❤💋 ⭐⭐
أمال واقفة التحت لابسة جينز أسود مع بودي بيض و دايرة فوقهم تجاكيط جينز كحلة جامعة شعرها فوق كوت شوفال و هازة سكادو في يديهاا : ماتهبطيش دربي معايا دويرة حداا البحر الله يرحم والدين
ياسمين ميقات فيهاا : و علاش بسلامة ياااكماا باغة تديريني طريق عوتاني باش تخرجي مع عثمان و منين يجي تبداو تصدرو فيااا
أمال غمزاتها : وتيي سكتي بغيت ليك لقوة درتي لياا شوهة في درب دابة غادي تهبطي ولا لا
ياسمين زفرات بإستسلام : تسناي نبدل و نهبط عندك
دخلات ياسمين تجهات ماريو و جبدات ليهاا سولوبيط في لون الأسود مع قميص في لون أبيض مغطي غير صدرهاا هزات شكارة ديالهاا لي فيها بعض كتب باش تحفظ في بحر هاذي هي عادتها ولات كتمشي لتماك بزاف تفرش شي حاجة في رملة و تجلس تحفظ في راحة خدات نظرات طبية دارت على عينيها يله هزات تيليفونها باش تخرج وهو يصوني ليهاا شافت سمية وهي تقلب عينيها بملل جات تقطع عليه جوباات صبرات راسها و دارت تيليفون في ودنيهاا : شنووو بغيتي
حمزة بهدوء : توحشتك بزاااف
ياسمين عوجات فمهاا : أممم و من بعد علاش مصوني ليا راني خارجة نطق بزربة ماعنديش وقت
حمزة بصوت غريب : مالك أ رانيا شفتك تبدلتي بزاف معايا واش داير ليك شي حااجة و أنا ماعرفش
ياسمين زفرات بنرفزة : شوف حمزة و حق الله ماعندي كغام ديال وقت قول شنو بغيتي ولا نقطع
حمزة تنهد بصبر : وااخة بغيت نشوفك
ياسمين : حتى نجي و نصوني ليك أبيل فيديو و شوفني كيف ديمااا
حمزة بالسرعة : لا ماشي هادشي لي قصدت أنا بغيت نشوفك في العشية نتلقاااو
ياسمين بتعجب : نتلقاااو علاش حناا من إمتى كانااا كنتلقاااو
حمزة : دابة بغيت نشوفك واش نتلقااو ولا لا على خاطرك أنتي
ياسمين سمعات أمال كتغوت عليها عوتاني ولات باغة غير تصدرو : واخة حتال العشية و قول ليا فين نشوفك
حمزة ضحك بإرتياح : واخة شكراا بزااف زين
ياسمين قلبات عينيها بملل مجاوباتوش قطعات عليه و خرجات دازت من حداا حمام كتسمع صوت ماء مطلوق و بحال الا شي واحد كيرض و كيبكي عرفاتها إكرام حيث هذاا صوتها دقات عليهاا مشوشة عليهاا : إكراام مالك واش باقة مريضة
تسد الماء داخل حتى ولات كتسمع غير سقيل : إكرام دويت معاك واش سمعتيني
تسمع صوتها تعبان و مبحوح من داخل حمام كتهضر غير بزز كتكحب : كح كح أحم أ ياسمين أنا بخير غير ضراني كرشي ماشي شي حاجة
ياسمين تنهدات بقلة حيلة : واخة منين تخرجي رجعي رتاحليك أنا خارجة مع أمال صاحبتي صافي
إكرام ببحة : واخة سيري
هبطات ياسمين لقات ماماها كتحط في فطور باستها و قالت ليها خارجة مع أمال مقداش تفطر حيث سلوى بغات تشدها حتى تاكل بحكم ماكلتها قلالت هاد أيام ...
خرجات عند أمال لي غير شافتهاا طلقاتهاا بواحد ضحكة شادة كرشهاا : و ناري أ صاحبتي غير حيدي هاد نظاظر شي نهار تقليني بضحك
ياسمين ميقات فيهاا : تفو على ميكروبة ماتعرفي تقولي تحاجة زوينة شتي هاد نظاظر راه بزز باش دارهم لياا حكيم منين عرفني كذبت عليه في فلوس سوايع و خسرتهم مابقاش يحط لياا درهم حتى مشيت عند طبيب عينين و دوز لياا قال ليا نقص ليك شوف عاد دارهم لياا
أمال كتمسح دموعهاا من ضحك : أفف ياختي و الله حتى هربتيني زيدي زيدي نمشيو و نهضرو
ياسمين : أجي فين نمشيو بعدااا
أمال : نمشيو الساحل نجلسو شوية تماك نخويو قلبناا كيف ديمااا و أنا راه غيجي لياا عثمان تماااك قالك نخرجو نتسراو أنا ويااه
ياسمين زفرات بغيض حتى شافت فيهاا أمال : مالك عوتاني كتزفري عليناا أش كاين
ياسمين بالعصبية : داك سكفاندري بغاني نتلقااه في العشية أفف و حق الله الا عيت منو
أمال : اختي انتي لي درتيهاا رااسك مدارهاا ليك حد
ياسمين هزات فيها عجب بأعصاب : الله يرحم باك أ أمال مازيدي خلينا نمشيو و سكتي عواض ماتقولي شي حاجة مقادة كتزيدي عليااا
أمال : ماقلت والو راه أنتي لي وليتي على سبة زيدي أختي نمشيو حسن لانصدقو قالبينها صباط عوتاني
أنت تقرأ
طحت معا بزناز (مكتملة)
Romanceبقلم : الكاتبة حسناء إس جي إم Hasnaa SGM قصة : طحت مع بزناز هااي لحيباانات صافا عليكم هنااا رجعت بقصة جديدة بقلمي أنا ✒ #Hasnaa_SGM ✒ 🚫لا أحلل نشر إلا بعد إذني مع إحتفاظ بالمقدمة و كوفر 🚫 هه شي حاااجة طوووب قصة...
