الدفعـة " ١١٠٠ " | اكتملت

البارت السابع عشر ( النهاية )

تحرك كل من هذال وضيء لجايدن عشان يفهمونه انه ستيفان مستعد يشوفه وما عنده مانع يصالحه بشرط انه يجي ويعتذرله لكن كان خوفهم ان جايدن ما يرضى ويتم معاند ف انه ما يشوف ستيفان وخلاص !

بس ريما ماكانت حاطه اي مجال لهم عشان يتراجعون لانها بين الخطوه والخطوه تسألهم وتشجعهم يتدخلون اكثر واكثر عشان ترجع جايدن

( بيت جايدن )

جايدن يفتح الباب : حياكم
هذال وضيء يدخلون : وصلتك اوراق الفصل ؟
جايدن يأشر : شرفت قبلي اليوم بعد ماجيت من المدرسه
هذال : حتى نحن وصلتنا فالبريد
جايدن : زين والحين جايين عشان نبكي ع الاطلال يعني ولا شو ما فهمت
ضيء : لا ما جينا عشان هالموضوع اصلا
جايدن يستغرب : جايني عشان ايش عيل ؟
ضيء : عشان ستيفان
جايدن يعدل جلسته : شفيه؟ وكيف صار اصلا ؟
ضيء : هو بخير وعافيه وتحسن حاله وايد لكن جايدن انت لازم تعتذر له
جايدن : بشو بيفيد اعتذاري؟ انا سويت اللي سويته ولا بيستفيد هو من اعتذاري ولا غيره
هذال : هو ما يبي يستفيد يبي صاحبه وانت دافعت عن حد كنت تظن انه تغير وصار انسان سنع وما سويت غلط غير انك تسرعت فالحكم وهو بنفسه راضي
ضيء : ولحد فينا جبره ع فكره
جايدن يهز راسه : خلاص ماشي بروح اشوفه واكلمه
هذال : حلو وبخصوص موضوعنا مع المدرسة اظن اني لقيت حل
جايدن : م صار يهمني موضوع المدرسه حتى لو رجعتنا انا ماراح ترجع بعثاتي مع اللي سوته ريما
هذال : الا كل شيء بيرجع بس بياخذ وقت
جايدن : شوف انا عايش من كانتين المدرسه وبتم اشتغل فيه وبيمشيني عادي وما ابا شيء ولو قدرت بطلب نقل لفروع ثانيه وانتهينا
ضيء : تستهبل صح! سويت اللي سويته عشان تطلع من الدار واخرتها يوم وصلت وقربت لبعثة الجامعه تبي تتراجع! عشان فعايل ريما ومها
هذال : كلمني بالمنطق انتوا اكثر حد عارف ريما ومها وان من يومهم هذي سوالفهم ومشاكلهم تستسلمون ع النهاية؟
جايدن : تعبت وانا بس ارد واصد مشاكلهم ومافيني حيل اكمل بهالمشوار خلاص خلوهم ياخذون اللي يبونه ويخلوني فحالي وانتوا احرار تبون تكملون مناطح وياهم ولالا
هذال : شوف انا اللي بضربك الحين جد لين تعض الارض اصحى على نفسك لا هي اول ولا اخر وحده والدنيا فيها كثير بيخذلونك اذا كل مره بتسلم دنياك عشان حد بتنتهي خسران كل شيء
ضيء : بعدين تراها من لما صار الموقف وهي تلاحق ورانا تعتذر وراحت لستيفان بنفسها عشان تكلمه وتوضحله خطتهم وتحاول توصلك ولعلمك تراها تجي لي باب البيت وتتم بالساعات
هذال : ترا ريما حسب اللي اعرف ولا همها ولا تتنازل دوم تسوي المصيبه ولا تفتكر بس واضح ان هالمره مها اللي عاندت او صار شيء هي ما تبيه
جايدن : بعد شو بعد ما عيشتني الحب والغرام صحى ضميرها بعدين! وشعوري
ضيء : تكذبني لو قلتلك انها ميته على هواك اصلا؟ ولا ماكان سوت كل هذا
جايدن : لا والله انها تبي شيء ثاني ريما هذي غداره
هذال : انت منت خسران شيء اولا صلح وضعك مع ستيفان وعقبها وافق تشوف ريما وقص حقك منها سواء ان اقنعتك بكلامها او انت قلت لي بخاطرك وانتهيتوا
ضيء: ولا خايف تواجهها!
جايدن : مابا اضيع وقتي زياده على وحده مثلها
ضيء : اول شيء كلم ستيفان وبعدها يصير خير بمووضوع ريما ومها