الدفعـة " ١١٠٠ " | اكتملت

البارت الثاني

ڤوت + كومنت لا هنتوا ♥️
" عذرا على التأخير "
..............................

بعد ما ريما سوت اللي ببالها وطيحت ضيء وخلت كل الموجود يضحك للحد اللي ضحكات الطلبه وصلت خارج الكانتين وسط تفرج منهم بدون لا احد يتقدم ويساعد خوفًا من ان يكون الهدف الثاني للكابتن ريما !

الكل بدأ ينصرف يحسب ان ريما خلصت من حركتها لكن ريما ما اكتفت ابدًا وقررت تكمل على ضيء ف جابت الماي البارد اللي مليان ثلج وكبته عليها
وخلت كل اللي راحوا يلتفتون للموقف .. المكان كان مليان بصوت الشهقات اللي كل مره تطلع من الطلبه بسبب اللي سوته ريما ولكن لا حياة لمن تنادي وكأنهم يضحكون خوفا من انهم يكونون الضحيه الثانيه لها ؟ او يمكن هالمدرسة باللي فيها عباره عن نسخ مصغره من ريما  وهالتصرف بالنسبه لهم موضوع عادي ؟

تحرك جايدن من بين الاصنام اللي كانت متجمعه تشوف الموقف وشال ضيء من الإرض والتفت بقوته على ريما وهو يصارخ

جايدن : اذا ع بالك هذي قوة ف ترا ذا اكبر دليل انك ناقصة عقل واخلاق لأن شخص ما ضرك ولا عرفتيه اصلا بحياتك تسوين فيه كذا من ولا شيء ليش !!
ريما تضحك : هدي هدي لا يطق لك عرق بعدين انت ما تتحكم بتصرفاتي يا بابا انا حره اسوي اللي ابي واذا عندها اعتراض - تأشر ع ضيء - تقوم وتدافع عن نفسها ولا انت محامي الغفله ؟
جايدن : والله انك طفله يا ريما والكلام معك مافيه فايده لان اشكالك اصلا ما تفهم الا الاشياء السطحيه اللي تسوينها
ريما : اسمعني زين دامني للحين عندي ذرة شفقه اتجاهك كونك يتيم تسترزق الله هنا ف سد فمك احسن قبل ما اقلب كل حياتك عليك وتطلع من هنا وتنسحب بعثتك وشغلتك لو انك باريستا لا راح ولا رد
مها : لا تخلينا نحطك براسنا جايدن ومثل ما كل هالطلبه ساكتين ! اسكت انت بعد احسن ما تكون مكانها المره الجاية
جايدن : هددي باللي تبيه انتي والغبيه هذي اللي تركض وراك مثل الكلب لان انا مايهمني وبقول الحق حتى لو كل هالعالم ساكته ولا تحسبينه احترام لك ترا بس يبون يفتكون من شرك
مها تنحرج : ....
ريما بوقاحه : ايه كلبه عندي وش تبي انت ؟ شلتنا احنا ادرى فيها ع الأقل احنا معروفين اهالينا مش من الشارع
جايدن يضحك : والله انك طفله ! روحي بس من وجهي
مها تسحب ريما : امشي امشي في احد راح يبلغ الاداريه بسرعه
ريما تطلع : شغلك عندي يا محامي الغفله - تهدد -

.............................

بعد ما راحت ريما ومرت تحت عين الاداريه اللي سوت نفسها ما تشوف ! وصلت وبدت تلقي موعظتها العظيمه اللي تتكلم فيها عن الاخلاق والالتزام بقواعد المدرسه وان هذي المدرسه مكان واسم كبير ومجرد ما انك طالب فيها ف لازم تكون فخور وتمثلها خير تمثيل .. لكن ؟
بدون ما تسأل او حتى تلتفت لضيء اللي كانت على الارض ! كل همها كان انها تقفل الموضوع لا غير لأن الجاني ريما اللي ابوها يجيب فوق نص ارباح هالمدرسة وزعل ريما هو دمار لمدرسة إنديانا !!!.