الدفعـة " ١١٠٠ " | اكتملت

البارت الثالث عشر

في مكان بعيد عن المدينة، مكان ريفي قدمه بحيرة كبيره هادية لدرجة انه الهدوء فيها مخيف ! وقف هذال بالسياره وكان فيه كوخ صغير خشبي مسور وهنا طلب من ضيء تنزل

...........

هذال : يلا ما تسمعيني انزلي ؟
ضيء بخوف : انت قلت قهوه وتوديني البيت ليش جايبني هنا
هذال يمسك شعره : انتي شفيك! تجننيني وتخليني اطلع من طوري بعدها تتمسكنين علي هالشكل ؟
ضيء : ما اتمسكن ابا اسير البيت
هذال : ما بسوي ولا شيء ترا اذا ع بالك جايبك هنا عشان اضرك لا جايبك هنا عشان جننتيني ابا افهم شتبين
ضيء تنزل : هذا مكان مين؟
هذال: خيالي اكيد لي دامني جبتك فيه ؟
ضيء : يخوفي
هذال يعصب وينهار : انتي شفيك ضيء يعني تنرفزيني وتنرفزيني بعدين تبكين ؟ ما بسويلك شيء خلاص انزلي القهوة داخل وخلاص برجعك بعدين بس وقفي هالضرابه دخيل الله
ضيء تنزل : متى تقولي ليش بستني؟ - تحط ايدها ع خصرها -
هذال يمسك راسه : انتي مش فاهمه ولا تستعبطين ؟ خلاص بسنا
ضيء : انا مابستك انت بستني ترا ع فكره شو بسنا ؟
هذال : خلاص زين يلا ممكن تشربي قهوتك ؟ ونسكت عن هالموضوع
ضيء : اخاف حاطلي شيء انت
هذال ياخذ قهوتها : زين خذي قهوتي وهاتي قهوتك ولا قومي بسوي وحده قدامك لكن فكيني
ضيء : مابا ابا عصير
هذال : طيب بروح اجيب لك - يفر القهوه ويروح -
ضيء تضحك عليه : بسرعه اشوف
هذال يخزها : نعم ؟؟؟؟؟
ضيء : لالا ماشي
هذال : احسب بعد لا تطلعين صوب البحيره تسمعين ! بروح اجيبه واجي

..............................................

ما كانت ضيء ناويه تطلع لكن مجرد ما هذال تكلم ضيء قررت تعانده وطلعت من الكوخ للبحيره تصور المكان وتتصور في كل زاويه في هالوقت نادى عليها هذال بقوة حيله وقال : ضيء لا !!! لا تتقدمين ع الخشبه مش ثابته بتطيحين - يركض لها -
ضيء تكمل وتاخذ خطوات عناد في هذال اللي كان ع بالها انه يخوفها وهنا تحركت الخشبه من مكانها وطاحت ضيء في نص البحيره وهي ماتعرف تسبح بدت ترفع نفسها لكن ترجع تغرق وماهي قادره تحافظ ع توازنها .. نط هذال وراها وهو مفجوع ويدورها لكن كل ما كان يمسكها من خوفها تدفشه بقوة حيلها لحد ما مسكها وسحبها فوق معه

( عند الكوخ )

هذال يغطيها بفوطه : اهدي اهدي خلاص طلعتك - يحضنها -
ضيء خايفه وتبكي : ....
هذال يحضنها اقوى : خلاص يا روحي انتي بخير لا تحاتين - يشربها ماي -
ضيء : ع بالي تكذب علي
هذال يشيل شعرها من وجهها : ادري وتبين تعانديني بس مش مهم الحين ممكن تريحين ؟
ضيء : ابا انام
هذال : زين بس لازم تبدلين هالملابس وانشف لك شعرك شوي ولا بتتعبين
ضيء : زين - تروح تبدلهم -
هذال : لا تروحين البيت اليوم تمي معي هنا
ضيء : ما بسير محد فالبيت اصلا
هذال يستانس : اوكيه
........................