الدفعـة " ١١٠٠ " | اكتملت

البارت الأول

في كل بداية كل سنه في مدرسية انديانا الدولية، تكون فيه تجارب اداء استعدادًا لدوري المدارس المحلي وعشان تضمن ان لاعباتها يكونوا في الفريق الدولي الآول واللي يجيب لهم رعاة ويدر عليهم ربح هائل .. انديانا مليئه بالمواهب ولكن كرة السلة اهمها خصوصًا مع دفعة ١١٠٠ واللي مليانه لعيبه مميزين ..

بدأ الكوتش جاك يفرز الاسماء ويقيم لاعبي المحاور والهجوم والدفاع على حدة وطبعا وكالعاده ريما ومها وستيفان اوائل اللعيبه المقبولين او اللي اساسًا ما يخضعوا للتقييم الفعلي وهذا بسبب مكانتم وخلونا نكون واقعيين بسبب مهارتهم فاللعب بعد ..

.............................................

ريما تتأفف : هالموال كل مره يتكرر وفالنهايه ينضاف لنا لاعبين وفشله يجلسون عالدكة لنهاية الموسم .. ماعرف ليش ما يختار تشكيلته ع طول ويخلص
ستيفان يلف عليها : هذي كلها شكليات عشان الاداره والهيئه اكيد
ريما ترفع شعرها : المفروض الاداره المحترمه تعرف قيمة اللعيبه اللي عندها وتبطل شغل الهبل هذا
مها تضحك : عادي خليهم ما انتي قلتيها يلفون ويلفون وترجع نفس التشكيله !
ريما : ما كاسر خاطري الا كل هالشعب وفالنهايه ينرفضون - تطقطق -
مها تشهق : اما اما !! هذييييييييي ؟؟؟
الكل يلف : شو ؟
مها : شسمها نسيت نسيت ياربي هذي ام الشعر الاحمر السايكو اللي كله لحالها عرفتوها ؟
ستيفان يتذكر: اوه ضيء تذكرتهااا غريبه شو جابها
ريما مفهيه : شفيكم من هذي ؟ وليش كذا مصدومين
مها : ضيء بكلاسنا كانت زمان ومسكت نادي المكتبه فتره الدافوره ذي اللي كله ع الكتب قبل كانت تلبس نظاره عرفتيها ؟
ريما : اما نظاره ودافوره وصار ذا شكلها ؟
ستيفان يضحك : يفوتكم جسمها عيل انا شفتها فكلاس السباحه هي جميله بس مدري ليش كله هالستايل
مها : جميله ؟ والله احسها سايكو ما تتكلم الا وقت الكلاسات وبس
ريما ما تهتم : ماعرفها والله كيفها المهم نروح ناكل شيء ؟
ستيفان : دورنا ما بعد جاء كيف نروح ؟
ريما تقوم : اه يا ستيفان ليتك تتعلم شوي ! انا او شلتنا ماتحتاج اذن ولا تحاتي نحن ضمن التشكيله - تغمزله-
مها تتبعها : امش يلا وش تنتظر بعد

........................................

مشت الشلة المترأسه فريق كرة السله بكل ثقه تاركه كل شيء وراها وتوجهوا للكفتيريا يريحون في طاولتهم المعروفه، جلس الكل بعد ما طلب وجبته في انتظار جايدن يجهزها ..

ريما : اقولكم بروح اعدل شعري شوي وبجي
مها : ماشي تبين احد معك ولا ؟
ريما : لالا بخلص ع السريع وبجي شوفوا لي جايدن بس يخلص سريع لان بطني يطلع اصوات - تروح -
مها : اوكيه بقوم اشوفه
ستيفان يمسكها : ليش كذا تتعاملين معها كأنك عبد عندها !
مها تعصب : اسمع ! من بداية اليوم وان ترمي حكي ومسوي فاهم وتتفلسف ع راس ريما ف انا اقولك مالك شغل فاللي بيني وبينها واسكت ارجوك بس امشي معي
ستيفان : ليش ؟ خايفه لهدرجه
مها : يا غبي !!!!! انت هنا وفالفريق بسببها هي جلست فتره اقنعها تدخلك الشله عشان مابي يكون لي قريب فاشل وحاله حال باقي الطلبه لانك بتجرني معك سامع ! سد فمك وبس لا ترد ع ريما الا
ستيفان يقاطعها : الا باللي هي تباه ، اخيه مها والله شو هالعيشه وشو هالصحبه ؟
مها تتنهد : من الاخر ستيفان عندك خيارين تخليك معي وتسمع الكلام او انقل من المدرسه وروح اي مكان ثاني لا تورطني فيك انا هذا مكاني ولا عندي استعداد اتنازل عنه !
ستيفان : خلاص بس ما استحمل كمية الخضوع ذي بسكت وامري لله
مها : تسوي خير - تنادي جايدن-
جايدن : هلا ؟
مها : خيبه شو تسوي من هذاك الوقت خلص سريع ترانا جواعه
جايدن يضحك : ماشي دقايق بس وهو عندك