الدفعـة " ١١٠٠ " | اكتملت

البارت الثالث

( بيت ريما - العصر )

مها : خلاص ريما خليه يولي من اول ما طلعنا من المدرسة وانتي تفكرين بكلامه ترا لا راح ولا جاء !
ريما بعصبيه : مها لا تتفلسفين بشيء ماتعرفينه ولا جربتيه تكفين !
ستيفان يتنهد : ممكن تسمعوني شوي؟ ي جماعه تراه مدرب جديد وقلتلكم كل حد يحاول يفرض كلامه وشخصيته عقب يوم يحس ان الوضع جد ومب ع هواه صدقوني بيغير اسلوب تعامله بالضبط مثل كوتش جاك !
مها : ريما اشوف كلام ستيفان منطقي والله كوتش جاك كذا سوا ولما انقرص شفتي كيف صار شوي ويبوس روسنا - تضحك -
ريما تستوعب : صح بس انا بستعجل علر القرصه وربي لا اخليه عبره لمن لا يعتبر مسوي فيها يفشلني قدام الفشله اللي هناك ولا كآن انا الكابتن واللي جبت كل هذا
ستيفان ينصرع : شو بتسوين يعني مافهمت ؟
ريما : شفيك خفت ولا عشان يعني مدحك ع الخفيف صرت خايف عليه ؟
ستيفان : شدخل انا بس ابي اعرف شو بتسون عشان نفهم !!
ريما : اه نفهم ! ما يحتاج بتشوف وبتعرف
مها : ريما ؟ شو بتسوين لا تتهورين دخيل الله
ريما : انا اعرف شو اسوي مو هو تومبوي وفالها ويعني اني انا بزيد على هالنقطة شوية بهارات
ستيفان مفهي : للحين ما فهمت ما انا تومبوي وجايدن وعشرات من اشكالي شو يعني ؟
ريما تقوم : مها اتبعيني وستيفان لو سمحت اذا خلصت قهوه تقدر تروح بيتكم عادي ما تلزمنا
مها تخزه عشان ما يرد : الا ستيفان تذكرت امي موصيتني ع كم شغله اقولها للسواق ف خلص انت معه الاغراض اللي تبي وتالي خله يرجع ياخذني
ستيفان : تمام ما يحتاج انا رايح كذا ولا كذا - يطلع بعصبيه -
ريما تضحك : تكفين يحسب انه يخوف قريبك هذا ولا وش العلم ترا من جد وضعه غريب
مها : خليه ريما وضعه فالبيت واهله وهذا حوسه ف عشان كذا بس معليك ما بيسوي شيء من دون شورنا
ريما تتنهد : والله مدري بس على رايك .. المهم تعالي بقولك

..................................

خذت ريما مها للغرفه وبدوا يحيكون القصة اللي بتورط كابتن هذال وبتخليه بإعتقادهم ينهي مشواره ويا انديانا ويفكهم ! او على الاقل يصير تحت سيطرتهم مثل الكل

في الجانب الثاني ، ستيفان اللي طلع معصب وما فيه حيل لمها وريما ومشاكلهم وحتى صحبتهم اللي تجيب الهم كفايه انه عارف انهم عادينه عبء على شلتهم وطفيلي على الصحبه !

ماكان عند ستيفان مكان الا ملعب المدرسة واللي يتم مفتوح للكل عشان يلعب السلة اي وقت والاحلى انه يكون دايما فاضي وهذا بالضبط المكان اللي يحتاجه ستيفان ...

..............................

(ملعب إنديانا )

دخل ستيفان الملعب لكن الغريب انه ما لعب كان يدور على اقرب كرسي وجلس يتفرج ع الملعب والناس تلعب ولكن في الحقيقه كان شارد وكأنه وقف يتأمل حياته للحظه وين هو ؟ وين وصل ؟ مين هو حتى ؟
كان مندمج في عالم ثاني لدرجة انه ما انتبه لجايدن وهو يناديه لحد ما جاء ولمسه ..