الدفعـة " ١١٠٠ " | اكتملت

البارت التاسع

(يوم جديد - ملعب السلة)

جايدن يدخل : سلام
الكل : سلام
جايدن يلاحظ رجوع ستيفان : ولكم باك ياكبير عاش من شافك
ستيفان يضحك : سمعت ان المصايب ما وقفت حتى من بعدي
جايدن يتنهد : اسكت بس كلنا استبعدنا وشكله ناوي يلعب بتشكيلة الاحتياط عشان يكسر خشومنا بس
ستيفان : مش من مصلحتنا نزيف النقاط عشان بس يفرض وجهة نظره
جايدن يرفع كتوفه : مدري عاد شعلمه
ستيفان لاحظ ريما : غريبه ماجات تحارش مثل العاده
جايدن يبتسم : مدري
ستيفان يمسكه : ولد ؟ وش هالابتسامه ؟
جايدن يضحك : شفيك ؟
ستيفان : شو هالنظره والابتسامه ؟ ولريما ؟
جايدن : لا نظره ولا ابتسامه انا مستغرب مثلك ماعرف ليش ماجات تحارش
ستيفان يتربع : صارحني وقولي وش عندك ووش فييييييييك ؟ مو طبيعي فيه شيء صاير
جايدن يقوله : بس هذي نظرة انتصار لا اكثر
ستيفان مصدوم : ريما ريما بهياطها ؟ بكت عندك
جايدن : تصور ؟ وربي ما قدرت ارد من صدمتي كل الي اذكره اني خليتها تروح مثل ماتبي بالضبط
ستيفان : انا لو مكانك بصور هاللحظه العظيمه
جايدن يضحك : تكفى والله كسرت خاطري حسيتها شخص ضعيف متغطي وراء درع الهياط هذا
ستيفان : اقولك هاي حربايه بتتلون اي لون تباه عشان تفلت فلا وايد تبرق عيونك تسمعني ؟
جايدن يكمل تمرينه : طيب طيب انا بس اقول

........................
(عند الكوتش وضيء )

هذال : ها جاهزه اليوم ؟ وين تقاريرك
ضيء تعطيه : هاك
هذال : اوه حلو لياقتك مقبوله والحمدالله امورك طيبه بس للحين انتي مستبعده مع الجماعه
ضيء :  بس المباراه بكره !
هذال : اعرف انا الكوتش ولا نسيتي ؟
ضيء مستغربه : بس التشكيلة الاحتياطيه ولا شيء مستواها كيف بتلعب فيهم وتنقصنا
هذال يتنهد : صرتي ريما ثانيه اول ما مسكتي مكان ولا ايش ؟
ضيء : لا ما يخصه بس سبب استبعادك لنا شخصي وهذا اللي مخلني اتكلم ولا لو كان اختيار فني مافي مشكله
هذال يضحك : اه يعني تجادلين بالحق انتي ؟ طيب اسمعي انتي ع بالك سويت اختبار اللياقه عناد بس لا انتي لياقتك مقبوله بس مش لشخص رياضي وحالتك الصحية جيد جدآ وانا محتاج لعيبه حديد
ضيء : شو يعني هالكلام ؟
هذال : يعني انا لو كان بيني وبينك اي شيء شخصي كان استغليت هذا ضدك وعلى فكره انتي عندك ربو وحتى جايدن اللي م عنده خبره رياضيه لياقته احسن
ضيء تسكت : ..
هذال : انا محتاج كل لاعب فيكم ولا يمكن اشخصنها معكم بس انا ابني فريق وبحالتكم هذي مستحيل ينبني
ضيء : والاحتياطيه ؟ يعني عندهم تعاون !!
هذال : الاحتياطيه ما بينهم مشاكل شخصيه ولا عندهم مهارات زود لكن يلعبون كفريق وذا اللي يهمني لان ما بستفيد من واحد حريف و٤ يتضاربون بالملعبب !
ضيء : الخلاصه ؟
هذال : اثبتوا لي انكم تستاهلون ويفضل توصلين لربعك هالكلام مافيني حيل اعيده
ضيء تروح : طيب

...................................

راحت ضيء وهي مقهوره من كلام هذال واسلوبه وبين ان ساعه يحسسها انها احسن لاعبه ومهتم لها وساعات يحسسها
انها ولا شيء ولا لها اي اهميه فالفريق ولا فحياته لكن هو الكوتش فعلا مثل ما قال واذا تبي الفريق لازم تشتغل ع مبدأه !