الدفعـة " ١١٠٠ " | اكتملت

البارت الرابع

صباح يوم جديد فالمدرسة، الكل متوجه للحصص ومابين اللي وده يخلص اليوم وخلص واللي مداوم عشان اصحابه، الشلة كانوا موجودين عشان كرة السلة كالعاده ..

لكن ريحة النوايا الخبيثه تفوح وكان واضح من نظرات مها وريما انهم ناوين شر وستيفان كان عارف لكن ماكان بالضبط داري عن الموضوع وايش بيصير بالضبط للكوتش هذال

( عند البنش / كراسي الملعب )

كابتن هذال : طبعا اباكم ترحبون بلاعبنا الجديد" جايدن " اللي ابا اشكر ستيفان طبعا على تشجيعه
مها : يعني اي حد يرشح حد بتقبله لو كان حي الله لاعب؟
كابتن هذال : الترشيح يجي من عندكم والتقييم من عندي وانا احدد يستاهل يدخل او لا
مها : اييوا وكوتش جاك ! ولا انتهى موضوعه
كابتن هذال : انا هنا نيابة عنه وانفذ قرارته لكن بالطريقه الامثل بالنسبه لي وانا بعد كوتش ولي قراراتي يا مها اولهم انك موقوفه عن المباراه الجايه
مها تعصب : نعم! يعني ما نتكلم ولا يحق لنا نناقش ؟ هذا فريق سلة ولا سجن
كابتن هذال : والله كل رأي مرحب فيه طالما انه في حدود الادب بس اللي يحاول يلمح ويدق بالحكي يحصل جزاه
مها : بس انا
كابتن هذال : المهم على تشكيلة امس لكن جايدن بتلعب مع فريق ريما عشان نوازن الكفتين
ريما : اخيه !
كابتن هذال يأشر : اللي ع البنش، بدل مكان ريما وريما تفضلي ع البنش تأففي وتحلطمي هناك
الكل : يضحك
كابتن هذال : مافي شيء يضحك بسرعه مع الصفاره نبدأ، لاتنسوا هالمباراه لها تأثير كبير على اول مواجهه لنا فالدوري

...........................

بدأ اللعب بحماس وكلن يحاول يثبت نفسه مجددا، لكن جايدن كان مسيطر على الجو والشيء هذا نرفز ريما ومها المستبعدين خصوصا انه الكل قام يتفاعل وزاد الحضور بسبب قوة المباراه وحماسها

بدأ كابتن هذال يستمتع ويخط التشكيلة الاولى للمباراه الافتتاحيه خصوصا مع وجود الجماهير اللي حفز اللاعبين بشكل محد يتصوره !

كابتن هذال يصفر : برافو عليكم الفريقين الاداء جبار وكل شيء ممتاز والدليل انه تعادل بهالنتيجه الكبيره .. تقدروا الحين تروحوا للنادي وبعدها بتطلع التشكيله ونبدا نفرض التكتيك ان شاءالله
الكل يصفق : ....
كابتن هذال : جايدن، ستيفان وضيء خلوكم هنا احتاجكم
ريما لمها : اقولك وصلت حدي خلاص انا وصلت حدي حرفيا ما بتدرب ولا شيء انا رايحه البيت
مها تمسكها : اصبري ريما الحين الوقت المناسب
ريما : شو بتسوين ! الحين كيف بنلم الناس يعني الكل راح داخل يتمرن
مها : اسكتي بس واتبعيني بتشوفي كيف
ريما تتبعها : طيب طيب يلا بشوف اخرتها
كابتن هذال : طبعا انا اقولكم هذا لانه ادائكم اليوم كان جبار لكن وقت المباراه كل شيء يختلف عشان كذا انا باخذكم لمباراه خارجيه بنشوف التكتيك وبنشوف كيف الجو فالواقع بما ان ولا واحد فيكم لعب مباراه رسميه الا ستيفان
الكل : طيب كوتش
كابتن هذال : جايدن انت روح لمدرب اللياقه بيحط لك جدول كامل نزود لياقتك وستيفان على العلاج الطبيعي عشان الطيحه اللي صارت لكن ضيء خلك ابا ادربك على الاستداره وكذا شيء