الدفعـة " ١١٠٠ " | اكتملت

البارت السابع

جايدن ما كان ينوي شر بريما ولا يحاول يلمسها لكن كان يبي يخوفها وهذا اللي صار في اخر موقف .. لأول مره جايدن يحس انه قدر على ريما !
ريما خافت لدرجة انها خلت الشريطين وراها بدون ما تنتبه

انتبه جايدن على الاشرطه واخذهم عشان يشوف لو لقطة ضيء للحين موجوده ولالا لكن الصدمه كانت انه الاشرطه تبين العكس واللقطات الموجوده ماكانت توضح انه الكوتش يعالج ضيء !

على العكس تمــاما

وهنا جايدن عرف انه كانت مهمته الجديده ينهي الاشرطه وكل دليل حتى لو ماكانت هذي الحقيقه لكن مليون فالمية كانت بتورط ضيء !
راح جايدن على طول لستيفان وقاله عن اللي صاير في محاولة انهم يحصلون حل للمصيبه لأن اكيد ريما ومها وراهم بلاء

ستيفان بخوف : صدقني ف اي لحظه بيبلغون ويجي تفتيش على الكانتين عشان الكاميرا هالاشرطه لازم تنرمي
جايدن : وكيف بفسر انه مافي اشرطة تسجيل ؟ وانت عارف ان لهم من بداية العام
ستيفان : نخربهم اي شيء نكسر الكاميرا اللي يكون بس لو وصلت الاداره لذا م بتفكر الزاويه ما الزاويه وربي لا يفصلون ضيء والكوتش بلا رحمه
جايدن : كيف بنكسر طيب ؟ عطني خطه مرتبه ما يصير نكسرها من العدم بيدورون الشخص اللي سواها
ستيفان : عندي الموضوع انت لاتحاتي

................................

( بعد كم ساعه - البريك )

ستيفان بعد ما شاف ريما ومها داخلين للكانتين توجهه لهم ومعاه علب الماي الزجاج وبدا يصرخ بشكل هيستيري عليهم ويقول :
انتوا تحسبون مالكم ولي هنا ؟ ولحد قادر عليكم ؟ كرهتونا المدرسه باللي فيها الله يخرب بيوتكم انت وياها

مها مصدومه : اييي اييي ؟ انت على مين تصرخ هالشكل ؟ وشو هالحاله اللي انت فيها
ريما : وقف قبل تعور حد بهالزجاج !!! سلامات شفيك انت متعاطي شي؟
ستيفان يضحك : انا متعاطي؟ والله طالت وشمخت انتوا تحسبونا بنسككت ولا مانقدر نرد ؟ ترا اذا انتي وشلتك هذي من الرعاة الذهبيين نحن بعد مش هينين للعلم يعني ولا انتي ولا عشره منك يقدرون يطلعوني من المدرسه
ريما تعصب : لا بديت تغلط وتصدق نفسك .. اسمع عاد وهالكلام يوصلك ويتعداك انا لو ابا شيء جبته لعندي ولو ما اباه بطرده وانا مغضمه ولا تنسى انك كنت تحت ايدي قبل فتره والحين بس يا حرام اعتقتك ولو ابي اقدر اطردك بعد
ستيفان يضحك : اييي ايي سويها سويها عشان حبيبة قلبك الهانم مها تطلع وراي مثل الكلب ولا نسيتي انها بنت خالتي ؟ وعوايلنا ما تستثمر بمكانين مختلفات
مها تسكت بخوف : ..
ستيفان : لا شفيكم ؟ سكتوا الحين المهم انا الليله مش ساكت لكم وخلي الكل يسمع الهاااااااااااانم مها والثانيه اللي تتسمى ريما مطلعين كلام على ضيء والكوتش هذال انهم يحبون بعض بعد ما لفقوا لهم تهمه حلوه كالعاده وكل هذا تبون تعرفون ليش ؟
ريما تحاول توقفه : لا والله تحسب الناس بتصدق هالهبل اللي انت مسويه ؟
ستيفان يكمل ويتجاهلها : تبون تعرفون ليش ؟؟؟ لآنهم خايفين يروح مكانهم من الفريق وما اظنكم تحتاجون دليل ! التشكيله ثابته لها سنين وريما ومها وانا كنا الواجهه لسنين وسنين ولا احد تجرآ فيكم يدخل الفريق بدون موافقتها !!! - يصرخ اكثر - سمعتوني ؟؟؟؟
مها تسحب ستيفان. :اسكت الله ياخذك بتدمر حياتي بتهلكني اسكت!!!!