الدفعـة " ١١٠٠ " | اكتملت

البارت العاشر

طلع الخماسي بعد الهزيمه القاسيه معقول الكوتش قدر يفوز بالتشكيله اللي ما كانت اصلا ضمن الحسبان
وحتى وهي دكه ما كانت نافعه ؟ لكن اللي ما يعرفه الكوتش انه صار الوضع " عدو عدوي صاحبي "
وبما ان الكوتش هذال استبعد الكل ولا ترك احد في صفه فخلاهم كلهم فصفة اعداءه !

( باب الملعب )

جايدن : ما اظن يحتاج اثبتلكم ان نحن محتاجين نشتغل مع بعض للأسف
مها : فهمنا من اللي صار لا تتفلسف
ستيفان : ترا مش لازم تحبينا عشان تتكلمين باحترام شوي
مها تتأفف : اللي احاول اقوله الكوتش ما ينفع يشوف علاقتنا تحسنت فيوم وليله ولو تبونه يصدق لازم نلعب صح نتمرن صح وننفذ اللي يباه وبدون مشاكل لكن لا نصير مجانين وفجأه كأننا نحب بعض من دهر
ضيء : صدقيني حتى لو ابا امثل ما بقدر معك انتي بالذات
ريما تسحب مها : خلاص من بكره نبدأ مش لازم كثر الحكي هذا
جايدن : المهم نبي رقم دامنا مانقدر نتكلم مع بعض فالملعب عشان لا ينتبهه علينا
ريما تعطيه : ها رقمي - تروح هي ومها -
جايدن : طيب
ستيفان يلف عليه : انت مب عاجبني ابدا قولي وش فيك انت ليكون تحب هالطاغيه ؟
جايدن : شايفني اهبل ؟ انا بس ابي ارجع للتشكيله اللي ما صدقت ع الله ادخلها ومابا هالاشكال تحرمني منها
ضيء : هالشي ما بيخلص ع خير وانا اقولكم من الحين
جايدن : لو التزمنا صدقيني بتخلص بالضبط مثل ما نحن نبي
ضيء : نشوف مع ان م اظن هذال تمشي عليه
ستيفان يطالعهم : انا مش مرتاحلكم يعني هذا ياخذ رقم ريما والثانيه تنادي الكوتش هذال ب اسمه انتوا شو وراكم ؟ انا من انفصلت وحالكم متغير
جايدن يضحك : انا ما وراي شيء لكن يمكن ضيء وراها مدري
ضيء : شو بيكون وراي ي حسره؟
جايدن : محارش الكوتش م اظنه ع الفاضي
ستيفان : اها لا وراكم علوم انا ماعرفها
ضيء : ما ورانا شيء جايدن يبربر ع هواه

...................................

اليوم الثاني - الملعب / صالة التمارين

مها : الا تعالي انتي كيف عطيتيه رقمك كذا؟
ريما : مش قلنا بنشتغل مع بعض فخلاص خلنا نخلص بس وناخذ اماكن
مها : ريما ؟ انتي مش طبيعيه اذا جايدن موجود وحتى ما تتكلمين او توافقينه وخلاص
ريما : شو يعني مب طبيعيه ؟ انا ما احبهم طبيعي ما بتكلم براحه انا معهم
مها : لا مو كذا بس احسك غير عند جايدن بالذات
ريما تغير الموضوع : لا تحسين لانه اخر حد ممكن احبه هو جايدن
مها تنصدم : مين جاب طاري الحب الحين ؟
ريما : ع بالي تقصدين هالشيء - تتورط -
هذال يقطعهم : حلو بادرة خير جايين قبل الوقت بربع ساعه - يلاحظ جايدن وربعه -
جايدن : سلام
هذال : اوه ! انتوا بعد قبل الوقت ماشاءالله اتمنى انه مش حماس البدايات بس وما نضطر كل مره نعيد الاسطوانه
جايدن : لا ان شاءالله بنكون ملتزمين
هذال : الاخ المفصول ستيفان اتمنى ان رد جايدن بعد يشملك
ستيفان : ان شاءالله
هذال : المهم دامكم هنا قبل الكل ساعدوني وزعوا هالادوات لحد ما يجون
مها تهمس : بيشغلنا خدامات عنده بعد
هذال : قلتي شيء مها سوري ما سمعت
مها : لالا اقول ان شاءالله ودام كلنا هنا بنخلص اسرع - ترقعها -
هذال : اوكيه حلو عيل قواكم الله - يروح يجلس بطريقه تنرفز -
ريما : يقهر يقهر والله ماعرف كيف بمسك نفسي
جايدن يقربلها : اسكتي ريما خ نسوي اللي يقوله وخلاص
ريما : ماقدر اسكت ع وصاخته هذي
ستيفان : ريما هدي خلاص سوي هالكم حبه ونحن بنكمل الباقي قولي انك بتروحين الحمام وخلاص
ريما : طيب طيب - تكمل شغلها -
ضيء : شدعوه كلها كم كوره وزعيها شو بينقص منك شيخة زمانك
جايدن : قلنا ما نبا ضرابه فالملعب قدام الكوتش ما تفهمون !
ضيء : وانا قلت ان هالشيء مستحيل ينجح وبننكشف
جايدن : طبعا اذا هذي حركاتكم بننكشف اسكتوا وخلاص كل حد يسوي شغله
هذال يجي : خير شفيكم؟
ستيفان : لا ابد بس كنا نتجادل فتمريره
هذال : اه اوكيه اهم شيء لا تسون مشكله وتعورون راسي ع الصبح
ريما : لالا كوتش وش مشكلته الله لا يقوله
هذال يروح : هيه الحمدالله
ضيء تضحك : اخر مره ترقعين لان اوفر واضح
ريما تتنرفز : والله العظيم لا انهيك هنا لي كم صابره عشان اعطيت جايدن كلمه ولا تحسبين اني م اقدر لك ولا اقدر اسكتك - صوتها -
هذال : صوتكم يعلى اشوف شعندكم؟
ضيء : والله الاخت ريما مو عاجبها انها توزع كور
هذال : انا عارف م منكم رجاء انتوا شكله استبعاد للمره الثانيه
جايدن : كوتش لا نحن جالسين نحاول لو سمحت
هذال ينادي ضيء : تعالي انتي وراي وانتوا هذا اخر تحذير - يروح عنهم -
جايدن يسحب ريما : امشي بسرعه اشوف
ريما مصدومه : شتبي مني انت بعد ؟
جايدن يتجاهلها ويسحبها : انا اعلمكم كيف تلتزمون شوي