الدفعـة " ١١٠٠ " | اكتملت

البارت السادس عشر

مشى جايدن وريما وراه تناديه بأعلى صوت لكن الخذلان اللي كان حاس فيه جايدن واصوات كسرة قلبه كانت اعلى ماكان شايف قدامه كثر ما الدموع ماليه عينه ! معقوله اللي امنت لها وعشت كل المواقف الحلوه معها اصلا كانت تمثل علي ! ومليون سؤال في باله ما بين اللي مصدق ومكذب ما بين هل هي اصلا كانت تبوسني شفقه؟ ولا تحضني بس رحمة منها وكيف كان شعورها وهي تسوي كل هذا كذب ....

لحد ما وقفه صوت من بعيد وكان صوت هذال لكن جايدن ماكان يبا يوقف ف لحقه هذال وسحبه لصالة التمرين عشان يكلمه

هذال يتنهد : اسمعني اعرف اللي صار صعب ومحد كان يتوقعه بس الحين عندنا صور لازم نتصرف فيهم قبل تشوفهم الاداره
جايدن : خلاص الصور عند كل حد واكيد الاداره شافت وخلصت
هذال : لازم ندور شيء انا مو مشكله بحصل لي مكان بس انتوا بتنحرمون من المدارس كلها بتداومون مسائي
جايدن : احسن ولا مقابل هالاشكال العفنه وانت روح شوف حياتك بالمره تتسهل عليك علاقتك ويا ضيء ومحد يحاسبك ع شيء
هذال : يعني الحين بتنهار علي عشان ريما؟ م ريما معروفه بحركاتها الوصخه ونذالتها مش هذا اللي كنتوا تموتون وتثبتونه ؟
جايدن يضحك : وشو خذنا ! اثبتت هي كل شيء بملعوبها وفعللا قدرت علينا وولا همي ريما ولا مها ولا هالمدرسة ولا حتى فريقك اللامع في الدوري
هذال : اسمعني انا اعرف اللي سوته ريما مب هين بس الحين تطلع من هنا وبعطيك اذن تروح لستيفان ف بيته وتكلمه وتجلس هناك تسمعني !
جايدن : اروح شسويله ؟ بعد كل الضرب اللي ضربته تباني اروح له لا وبعد منقص ويهي وطلع كلامه صح
هذال : اهبل انت؟ تروحله ولا تخسره عمرك كله ؟ فالنهايه ذا صاحبك وماراح يخليك لكن لازم انت ترضيه بعد اللي صار
جايدن : هذال انا الحين مابي الا اني اروح بيتنا بس بعدها يصير خير وبكلم ستيفان ان شاءالله انك راضي ؟
هذال : والصور جايدن شسوي يعني؟
جايدن : صوري انا مابي اسوي عليهم شيء صورك انت وضيء اللي تبون تسونه بساعدكم فيه خلاص؟
هذال : استغفرالله روح جايدن روح بتصرف
ريما تجي : جايدن؟ وقف شوي
جايدن : اوهووووووه علينا اخلص من ذا تطلع ذي ؟ شتبين؟
ريما تبكي : جايدن والله قلتلها توقف ما تنشرهم مادريت انها بتسويها بدون شوري والله
جايدن : ش يفرق اذا قررتي توقفين؟ انتي عيشتيني اشياء كذب لاتحسينها ولا تبينها ويمكن كنتي تطقطقين علي بعد كل مره اقرب لك ولا اقول كلمه حلوه
ريما : ما يخصه جايدن والله ان تغيرت وايد اشياء عقب ما قربنا حتى انا تغيرت
جايدن يضحك : شو تبين هالمره؟ فيديوهات شكله اثبات اكثر من الصور روحي يا ريما خلاص وصلتي للي تبين خليني فحالي
ريما : ماكنت ابي ماكنت ابي
جايدن : لكن والله شاطره عرفتي تلعبينها صح وممثله قويه مشت علي ولا شكيت لحظه لدرجة اني ضربت صاحبي -يضحك بإستهزاء-
ريما تقرب له : جايدن اسمعني
جايدن : مابي اسمعك لو اسمعك بصدق وانتي م تستاهلين اصدق بدا تستاهلين اني ابعد انتي ما ينقرب منك الغدر بدمك اذا الموضوع فيه مصلحه لك
ريما تسكت : ....
هذال : روحي ريما ما هو الوقت الصح كنتي تديرن او ما تدرين
ريما : بس انا اباه
هذال يقاطعها : مش وقته ابدا مش بعد المصيبه اللي طيحتوها على روسنا روحي يا عمي لربيعتك
ريما : جايدن اسمعني - تمسكه -
جايدن : مابيييي اسمع منك شيء ماتفهمين؟ ابعدي عني قبل ما يجيك اللي جاء لستيفان
هذال : ريما خلاص تعاليله وقت ثاني مش الحين بتنضربين
ريما : عادي خله يضربني انا اباه
جايدن يضحك : والله قويه بالتمثيل بعد مش بس باللعانه مقفاك يلا - يدفها -
هذال يمسكه : جايدن مهما كان لا ! م تضربها
جايدن يروح : اوهو بس فكوني من المواعظ