ပြီးနောက် နွားနို့ကိုကြည့်လိုက်၊ခင်ပျိုမူ့ကိုကြည့်လိုက်လုပ်ကာ လက်နှစ်ဖက်ကိုပွတ်သပ်နေသည်။
" သောက်ချင်သောက်လေ "
မြတ်လေးသွယ်အတွက် တကူးတက ဖျော်ထားသည်မှန်သော်လည်း သူ့အတွက်ရယ်လို့မပြောရဲပေ။
" ပြောစရာရှိလို့ဆို "
ခင်ပျိုမူက မြတ်လေးသွယ်အား စိုက်ကြည့်နေသည်။ပြီးနောက် ဖျော့တော့သော မျက်လုံးများက မှိုင်းသွားသည်။
" ဘယ်အရာက တို့ကိုပျော်ရွှင်စေလဲသိလား။ မင်းကိုယ်တိုင် အရာအားလုံးကိုဖွင့်ပြောပြခြင်းပဲ။ ဒါမယ့် ခုတော့တစ်ခြားလူဆီက ကြားခဲ့ရတယ် "
မြတ်လေးသွယ်က ခင်ပျိုမူ့ကို တစ်ချက်မော့ကြည့်ကာ ခေါင်းပြန်ငုံ့သွားသည်။
" တစ်ကယ်တော့ ကိုယ့်ကိုကိုယ်နစ်နာသူလို့ထင်ခဲ့တာ၊ မင်းကိုမမုန်းရင်
တောင် ငါ့အပေါ်လုပ်ရက်လေခြင်းလို့ခံပြင်းခဲ့တာ "မြတ်လေးသွယ်က ခေါင်းကိုငုံ့ထားဆဲ။ခင်ပျိူမူက မြတ်လေးသွယ်အား မျက်တောင်မခတ်တမ်းကြည့်ကာ စိတ်ထဲရှိရာပြောနေသည်။
" ဘာလို့မပြောပြခဲ့တာလဲ "
" ဘာကိုလဲဒေါက်တာကြီး "
" မင်း ဒေါက်တာတင်ဦးနဲ့ဒေါက်တာထိန်လင်းဆီမှာ အနှိပ်စက်ခံနေရတာ "
" ဒါ ကျွန်မကိုယ်ရေးကိုယ်တာမို့ပါ "
" ဘာလို့လိမ်ချင်နေရတာလဲ။ငါအကုန်သိပြီးပြီ မင်းငါ့ကြောင့်..."
ခင်ပျိုမူက ဆက်မပြောနိုင်အောင် အသံတိမ်ဝင်သွားသည်။ပြီးနောက် မျက်ရည်များက အဆက်မပြတ်စီးကျလာသည်။
" မင်းဘာလို့မပြောခဲ့တာလဲ။ မင်းပါးစပ်ကမပြောပဲ ဘာလို့သူများပြောမှသိရတာလဲ။ ဘာလို့ ငါ့က်ို အကုန်လုံးက ဖုံးကွယ်ထားကြတာလဲ "
မြတ်လေးသွယ်မျက်လုံးတို့ အရောင်တောက်လာသည်။ ခေါင်းကိုမော့ကာ ခင်ပျိုမူ၏ မျက်ဝန်းအား စိုက်ကြည့်လိုက်သည်။
" ကျွန်မပါးစပ်ကနေ ပြောရမယ်ဟုတ်လား။ ဒေါက်တာကြီး အဲ့လူယုတ်မာတွေရဲ့ သားကောင်ဖြစ်ခဲ့ရတာလားလို့ ဘယ်လိုစိတ်မျိုးထားပြီး ဘယ်အခြေအနေမှာ ကျွန်မထုတ်ပြောနိုင်မှာလဲ။ ဒေါက်တာကြီးပြောစမ်းပါ "
BẠN ĐANG ĐỌC
ချစ်ခြင်းတွေသာ စစ်မှန်ခဲ့ပါလျှင်... <Complete>
Lãng mạnနှလုံးသားနှစ်ခု ထပ်တူပြု၍ တည်မြဲသစ္စာ ဘယ်ကမ္ဘာဝယ် ကြာရှည်သမှု အမြဲပြုလျှက် ကြည်နူးသာယာ ရှိပါစေသား...။ ႏွလုံးသားႏွစ္ခု ထပ္တူျပဳ၍ တည္ၿမဲသစၥာ ဘယ္ကမၻာဝယ္ ၾကာရွည္သမႈ အၿမဲျပဳလွ်က္ ၾကည္ႏူးသာယာ ရွိပါေစသား...။
အခန်း ၁၆ [U+Z]
Bắt đầu từ đầu