ခွဲစိတ်ခန်းဝင်လျှင် အတိတ်ကိုတွေးမိကာ ကြောက်ရသည်။ဆရာဝန်မလုပ်တော့ဟုတောင် လက်လျှော့ခဲ့ရသည်အထိဖြစ်ခဲ့သည်။သို့သော်လူနာတွေကိုမြင်သည့်အခါ တွေဝေရပြန်သည်။အမေက သူ့မိတ်ဆွေတွေကို ကျွန်မသမီးကဆရာဝန်မကြီးလေ ဟုကြွားသည့်အခါတိုင်း တစ်ယောက်ထဲ မျက်ရည်ကြိတ်ကျခဲ့ရသည်။ထိုသို့သော် ညပေါင်းများစွာကို လွန်ပြီးနောက် ခင်ပျိုမူသည် အနိုင်ကျင့်ခံရသော ဆရာဝန်ပေါက်စ ခင်ပျိုမူမှ ရွင်ကြည်သာဆေးရုံ၏ဒါရိုက်တာတစ်ဖြစ်လည်း နှလုံးခွဲစိတ်ဆရာဝန်မကြီးဒေါက်တာခင်ပျိုမူဖြစ်လာရသည်။
တွေးမိသော နာကျင်စရာအချိန်ကာလများကို သတိရကာ ကျလာသောမျက်ရည်တို့ကို လက်ဖဝါးဖြင့် ဖြေးဖြေးသုတ်လိုက်သည်။အခုတော့ ဒေါက်တာခင်ပျိုမူကို ဘယ်သူကမှအနိုင်ကျင့်၍မရတော့ပေ။
“ ဒေါက်တာ ဒီမှာကော်ဖီနော် ”
“ ချထားခဲ့လေ ဟေမာန် ”
“ ဘာလို့မျက်နှာမကောင်းတာလဲ ”
“ ဒေါက်တာထိန်လင်း ဆေးရုံမှာရောက်နေပြီ ”
“ ထင်တော့ထင်သားပဲ။ဆေးရုံအုပ်နဲ့စကားပြောနေထဲက ခန့်မှန်းထားပြီးသား။ဌာနမတူတာကိုပဲကျေးဇူးတင်ရမယ်။နင်ရှောင်လို့ရတာပေါ့ ”
“ ငါကနစ်နာသူပါဟေမာန်။ငါကဘာလို့ရှောင်နေရတာမှန်းကိုမသိတော့ဘူး ငါ့ကိုယ်ငါ သိပ််ပြီးသတ္တိရှိလှပြီထင်တာ တစ်ကယ်တော့ငါက ဒီတိုင်းပမွှားလေးတစ်ကောင်သာသာပဲ ”
“ မြတ်လေးသွယ်နဲ့ရောအဆင်ပြေရဲ့လား ”
“ သူကဒေါက်တာထိန်လင်းနဲ့သိနေတယ်တဲ့ဟေမာန်။နင်ပြောကြည့်စမ်းပါ ငါ့ရဲ့လမ်းဟာတစ်ကယ်ပဲ မှားနေပြီလား ”
“ အဲ့တာတော့ငါသေချာမသိဘူး ဒါမယ့် ဒေါက်တာတင်ဦးနဲ့ဒေါက်တာမြတ်လေးသွယ်ကအတွဲမပြတ်သေးဘူး။ဆေးရုံမှာအမြဲတွဲတွေ့နေရတယ် ”
“ ငါလည်းတွေ့ပါတယ်ဟေမာန်ရယ်။ငါလည်းမျက်စိနဲ့ပါ သူတို့ဒီလောက်ထင်ပေါ်အောင်နေပြနေတာ ငါမကြားပဲမမြင်ပဲနေမလား။ဆေးရုံတစ်ခုလုံးကလည်း သူတို့နှစ်ယောက်က သေချာပေါက်တွဲနေကြတယ်လို့ပြောနေကြတာ ”
YOU ARE READING
ချစ်ခြင်းတွေသာ စစ်မှန်ခဲ့ပါလျှင်... <Complete>
Romanceနှလုံးသားနှစ်ခု ထပ်တူပြု၍ တည်မြဲသစ္စာ ဘယ်ကမ္ဘာဝယ် ကြာရှည်သမှု အမြဲပြုလျှက် ကြည်နူးသာယာ ရှိပါစေသား...။ ႏွလုံးသားႏွစ္ခု ထပ္တူျပဳ၍ တည္ၿမဲသစၥာ ဘယ္ကမၻာဝယ္ ၾကာရွည္သမႈ အၿမဲျပဳလွ်က္ ၾကည္ႏူးသာယာ ရွိပါေစသား...။
